Makətūbə̄ ń Pol ndang adə̄ Rom gə̄ ní 9:20 - Bibəl ta Sar̄

²⁰ Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?

Bible sar

²⁰ Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?

Makətūbə̄ ń Pol ndang adə̄ Rom gə̄ ní 9:20 Referans Kwoze

IJAI 29:16

Tá yá̰á̰ sḭ́ndə̄sí ngá̰ý! Deē a a̰a̰ kɔdə̄ jóo ɔjəń nánjə̄? Yá̰a̰ asə kəda nge rāān na: I ni n rāām̄ alé a? Jóo a əda kɔdə̄ jóo na: Ni ger̄ rāā kəla alé a?

IJAI 64:8

Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.

Makətūbə̄ yā Job 33:13

Ni ń i nge kɔjə gíŕ yá̰a̰ rāān gə̄ aĺ ní, ī-rāā sarya seneé i tām̄ rí tə́?

Makətūbə̄ yā Job 40:2

Madə̄ kɔ̄l̄ Nə́ɓā kə́ tɔ́gən i ngá̰ý aw̄ kə najə̄ kə́ yā kəda dɔ yá̰a̰ gə̄ ń noō tə́ a? Nge tə́da najə̄ kə́ majaĺ gə̄ dɔ Nə́ɓā tə́ gḛy tūr̄ Nə́ɓā najə̄ tə́ a?

MATIYE 20:15

M-ásə rāā yá̰á̰ kə́ kemḿ gḛy kə yá̰a̰ yāḿ aĺ a? Aláa ə̄ndā madí gə̄ nii i tām̄ kem ndaa kə́ m̄-rāā tə́ a?

Makətūbə̄ yā Job 16:3

Sḭḭ̄ ə́damī na: Najə̄ kə́ kanjə̄ kumən gə̄ ń noō gíŕdə́ a gān̄g i rə́ngáý tə́ ō, i rí kə́ tōr̄ rɔ̄ḿ n ɔsə seḿ ta tūr̄ kəda beé ō ní.

1 TIMOTE 6:5

kəhɔ naā najə̄ tə́ kə́ dan gān̄g aĺ, yā de gə̄ kə́ gír̄ yādə́ nujə kɔ̄ɔ́, tām̄ tḭ̄ḭ̄ kə́ nin̄-tḭ̄ḭ̄n̄ ta najə̄ kə́ rɔ̄kum kɔ̄ɔ́ tə́ ō. Nin̄-ɔjənə̄ń na rāā yá̰a̰ kə gō ń Nə́ɓā ndigə ní, na i yá̰a̰ kənge yá̰a̰.

1 KORḚNTƏ 1:20

Ní, nge kum kedə̄, aláa nge ger̄ yá̰a̰, aláa nge tɔ́sə̄ najə̄ kə̄ ndágá kə́ ngɔlaā ń toō a əda na i rí ɓáý? Nə́ɓā ɔjə kə̄ ndágá kadə̄ kum kedə̄ kə́ dɔ nang tə́ laā i mbóó yá̰a̰ karī aĺ a!

Makətūbə̄ yā Job 40:8

Kə́ rɔ̄kum tə́ ní ī-ndigə tútə sarya yāḿ kɔ̄ɔ́ a? Ī-ndigə kəndā najə̄ dɔḿ tə́ yā kɔjəń na yá̰a̰ rāāí na i gōtə́ a?

Makətūbə̄ yā Job 36:23

De kógə̄ḿ əndā kumən gíŕ hálən tə́ a? De kógə̄ḿ ədan na ī-rāā yá̰á̰ kə́ majaĺ a?

JAKƏ 2:20

Ḭ̄ de kə́ kur̄ dɔí gətóo, ī-ndigə ger̄ kadə̄ taā kem kə́ kanjə̄ kəla rāān gə̄ i yá̰á̰ kə́ ndāńg karī a?

TITƏ 2:9

Ādə̄ ɓəlo gə̄ oōn̄ ta kɔ́ɔ̄də́ gə̄ tū yá̰a̰ gə̄ tə́ malang. Ādə̄ mbātə́n̄ najə̄ gōdə́ tə́ aĺ ō, ɓogən̄də́ aĺ ō, kadə̄ nelə̄ń kɔ́ɔ̄də́ gə̄ sedə́. Ādə̄ nin̄-ɔjən̄ ngándáńg kə̄ ndágá kadə̄ ra dɔ ndū tə́ yādə́ i kə́ majə ɔtə̄ kə taá. Yā kadə̄ tū yá̰a̰ gə̄ tə́ malang ɓáa, de gə̄ ədan̄ najə̄ kə́ majə dɔ yá̰á̰ ndóō yā Nə́ɓā nge kajəjí tə́.

Makətūbə̄ ń Pol ndang adə̄ Rom gə̄ ní 2:1

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

Makətūbə̄ yā Job 40:5

M-ɔ̄r̄ najə̄ i nja kógə̄ḿ, m-ā m̄-tūr̄ najə̄ yā kəda to̰ alé. Nja kə́ nge ko̰ jōó, m-ā m̄-ə̄nā kə́ rang ta tə́ alé.

1 KORḚNTƏ 7:16

Tām̄ ḭ̄ dəyá̰, ī-ger̄ i ba̰ý kadə̄ ā ájə ngaaí? Aké ḭ̄ dəngam, ī-ger̄ i ba̰ý kadə̄ ā ájə nə̄yá̰í?

2 SAMUEL 16:10

Mban̄g tél əda Abisai na: Sḭḭ̄ ngán Seruya, ā ə́laī tasí danaá i tām̄ rí tə́? Ré Kɔ́ɔ̄ɓē ədan na kə reē kə ndɔ̄ĺ Dabid anī, i náā n asə dəjen gír ní?

Makətūbə̄ yā Job 9:32

Tɔdɔ̄ Nə́ɓā i deē ndul tītə̄ḿ á kadə̄ m̄-tūrə̄n najə̄ tə́ alé, aláa m̄-sekə́n rɔ̄ ngé gān̄g sarya gə̄ tə́ alé.

IJAI 10:15

Kə̄ngā ənda kadən kum gotə nge kunən tə́gań yá̰a̰ a? Gində̄ kəja kāgə̄ ɔjə rɔ̄n kum gotə nge kunən kəjań kāgə̄ a? To tītə̄ kə́ i ndéy n i nge rāā kadə̄ jī kə́ kunən unən dɔɔ́ beé, aláa i tītə̄ kə́ i sálang kāgə̄ n i nge kɔr no jī kə́ nge kəhɔn beé.

JEREMI 18:6

Mā m-ásə rāāsí tītə̄ yā kɔdə̄ jóó ń noó aĺ a, de kə́ gír yā Israel tə́ gə̄. Sḭḭ̄ ī-toī kem jīḿ tə́ tītə̄ nánjə́ ń to kem jī kɔdə̄ jóó tə́ noō beé. Najə̄ ń Kɔ́ɔ̄ɓē əda ní n noó.

Najə̄ kə́ Majə yā Jeju ń Luk ndang ní 12:14

Jeju tūr̄ ədan na: I náā n əndām̄ kadə̄ mā i nge gān̄g sarya yāsí aláa nge kēgə̄sí yá̰a̰ naā tə́ ní?

Makətūbə̄ ń Pol ndang adə̄ Rom gə̄ ní 2:3

Ní ḭ̄ ń ā ī-gān̄g sarya dɔ de gə̄ ngeé ń noō tə́ ō, ā ī-rāā yá̰a̰ tītə̄ yādə́ ō ní, ī-gír̄ kadə̄ ā ī-teē kum sarya yā Nə́ɓā tə́ karī a?

Makətūbə̄ ń Pol ndang adə̄ Rom gə̄ ní 9:21

Nánjə̄ ń kɔdə jóó ló̰ȳ ní, asə rāań yá̰á̰ ń kemən ndigə ní aĺ a? Ré gḛy kəɓāń i jóó kə́ to rɔȳ anī, a əɓāń ō, i jóó kə́ karī anī a əɓāń ō aĺ a?

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

Makətūbə̄ ń Pol ndang adə̄ Rom gə̄ ní 14:4

Ḭ̄ i náā kadə̄ ī-gān̄g sarya dɔ nge kəla yā madí tə́ ní? Ká ré nge kəla ní əsō aké, əsō aĺ anī, usiī alé, tɔdɔ̄ nge ń noō sɔɔ̄ i kɔ́ɔ̄n. Banī ni a ra dɔɔ́ ngan̄g, tɔdɔ̄ Kɔ́ɔ̄ɓē asə rāān kadə̄ ra dɔɔ́ karī.

2 TIMOTE 2:20

Jóo gə̄ ń ton̄ kem kújə́ kə́ bo tə́ ní, rāān̄ kə́rēý gə̄ i kə lɔ́rɔ́ ō, kə gində̄ arjā̰a̰á̰ ō, ngóy alé. Kə́ rang gə̄ i kə́ rāā kə kāgāá ō, kə nánjá ō. Adə̄ kə́rēý gə̄ i tām̄ yā kəla kə́ to rɔȳ tə́ ō, kə́rēý gə̄ i tām̄ yā kəla kə́ to rɔȳ aĺ gə̄ tə́ ō.