Makətūbə̄ ń Pol ndang adə̄ Rom gə̄ ní 9:18 - Bibəl ta Sar̄

¹⁸ Adə̄ deē ń Nə́ɓā gḛy ka̰a̰ kum tō ndoō yān ní a, Nə́ɓā a a̰a̰ kum tō ndoō yān ō, deē ń Nə́ɓā gḛy rāā kadə̄ kemən ngan̄g ngóróró ní a, a rāā kadə̄ kemən a ngan̄g ngóróró ō.

Bible sar

¹⁸ Adə̄ deē ń Nə́ɓā gḛy ka̰a̰ kum tō ndoō yān ní a, Nə́ɓā a a̰a̰ kum tō ndoō yān ō, deē ń Nə́ɓā gḛy rāā kadə̄ kemən ngan̄g ngóróró ní a, a rāā kadə̄ kemən a ngan̄g ngóróró ō.

Makətūbə̄ ń Pol ndang adə̄ Rom gə̄ ní 9:18 Referans Kwoze

JOJUE 11:20

Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

Teē Ngán Israel gə̄ 4:21

Kɔ́ɔ̄ɓē əda Moijə na: Yá̰á̰ kə́ to kɔr kum gə̄ ń m-ādə̄ ī-rāā malang ní, dan ń ī-tél āw̄ gogə́ Ejiptə anī, āw̄ ī-rāādə́ ta kum Parao̰ tə́. Ba m-ā m̄-rāā kadə̄ Parao̰ a rāā dɔ ngan̄g adə̄ a əya̰ ngán Israel gə̄ kadə̄ aw̄n̄ alé.

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.

IJAI 63:17

Kɔ́ɔ̄ɓē, i tām̄ rí tə́ á ādə̄ jə-ndúm̄, j-əya̰ róbə yāí kɔ̄ɔ́ ba j-aw̄ sa̰y ní? I tām̄ rí tə́ á ə́ya̰ ngarā̰ kemjí adə̄ utə̄ ta róbə yān kɔ̄ɔ́ ō, adə̄ mbātə́ ɓōĺ ndílí ō ní? Ī-tél ī-reē sɔɔ́ń táŕ kə́ ī-táŕjí, jḭḭ ń i ngé kəla yāí gə̄ ní, jḭḭ ń i gír deē yāí gə̄ ní!

Teē Ngán Israel gə̄ 7:13

Ba, tītə̄ ń Kɔ́ɔ̄ɓē ədań ní, Parao̰ rāā dɔ ngan̄g kə̄ non tə́ adə̄ oō najə̄ yā Moijə nin̄ kə Aaro̰ alé.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

Teē Ngán Israel gə̄ 7:3

M-ā m̄-rāā kadə̄ Parao̰ a rāā dɔ ngan̄g. M-ā m̄-rāā yá̰á̰ kə́ yáā gə̄ ō, kə́ to kɔr kum gə̄ ō, ngá̰ý dɔ nang kə́ Ejiptə tə́,

Teē Ngán Israel gə̄ 9:12

Banī Kɔ́ɔ̄ɓē rāā adə̄ Parao̰ rāā dɔ ngan̄g, adə̄ tītə̄ ń Kɔ́ɔ̄ɓē ədań Moijə ní, Parao̰ oō najə̄ yā Moijə nin̄ kə Aaro̰ alé.

Teē Ngán Israel gə̄ 10:1

Kɔ́ɔ̄ɓē əda Moijə na kə aw̄ kə ənge Parao̰, tɔdɔ̄ na i ni Kɔ́ɔ̄ɓē n n-rāā adə̄ Parao̰ nin̄ kə ngé kəla yān gēé rāān dɔ ngan̄g ní, i yā kadə̄ n-rāań yá̰á̰ kə́ yáā gə̄ ń noō malang dɔ dáńdə́ tə́ ō,

Teē Ngán Israel gə̄ 10:20

Banī Kɔ́ɔ̄ɓē rāā adə̄ Parao̰ rāā dɔ ngan̄g kə non tə́, əya̰ ngán Israel gə̄ adə̄ aw̄n̄ alé.

Teē Ngán Israel gə̄ 10:27

Banī Kɔ́ɔ̄ɓē rāā adə̄ Parao̰ rāā dɔ ngan̄g, mbātə́ kəya̰də́ kadə̄ aw̄n̄.

Teē Ngán Israel gə̄ 11:10

Moijə nin̄ kə Aaro̰ rāān̄ yá̰á̰ kə́ to kɔr kum gə̄ ń noō malang ta kum Parao̰ tə́. Banī Kɔ́ɔ̄ɓē rāā adə̄ Parao̰ rāā dɔ ngan̄g ɔgə̄ ngán Israel gə̄ teē kem ɓē yān tə́ kɔ̄ɔ́.

Teē Ngán Israel gə̄ 14:4

M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.

Teē Ngán Israel gə̄ 14:17

Na n-a n-rāā kadə̄ de kə́ Ejiptə gə̄ rāān̄ dɔ ngan̄g adə̄ na a udən̄ gōdə́ tə́ kum bā tə́. Loo ń noō tə́ na n-a n-tetə Parao̰ rɔ̄ɔ̄ kə deē yān gēé malang, púsə rɔ̄ɔ̄ yān gē, ngé kal̄ sə́nda yān gē, yā kɔsəń gɔnən nəkɔ́ Kɔ́ɔ̄ɓē.

JA̰A̰ 12:40

Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

Teē Ngán Israel gə̄ 9:7

Parao̰ əla de gə̄ adə̄ aw̄ əndān̄ ma̰ȳ anī, dan yá̰a̰ kul̄ yā ngán Israel gə̄ tə́ ní, kógə̄ḿ kə́ koy gətóo. Banī Parao̰ rāā dɔ ngan̄g kə̄ non tə́ ɓáý, əya̰ ngán Israel gə̄ adə̄ aw̄n̄ alé.