Makətūbə̄ ń Pol ndang adə̄ Rom gə̄ ní 9:14 - Bibəl ta Sar̄

¹⁴ Ní, kə j-ədaī na i rí? Kadə̄ Nə́ɓā i de kə́ gōtə́ aĺ a? Yḛtə aĺ bátə́!

Bible sar

¹⁴ Ní, kə j-ədaī na i rí? Kadə̄ Nə́ɓā i de kə́ gōtə́ aĺ a? Yḛtə aĺ bátə́!

Makətūbə̄ ń Pol ndang adə̄ Rom gə̄ ní 9:14 Referans Kwoze

2 YÁ̰A̰ GƏ̄ 19:7

Ní, ī-ɓōlíī Kɔ́ɔ̄ɓē ō, ə̄ndāī kumsí gíŕ yá̰á̰ ń ā ī-rāāī tə́ ní majə ō. Tɔdɔ̄ Kɔ́ɔ̄ɓē Nə́ɓā yājí i nge rāā yá̰a̰ gōtə́ aĺ aĺ ō, i nge rāā yá̰a̰ tām̄ ta kum deē aĺ ō, i nge ndigə kadə̄ karī yā nujəń sarya aĺ ō.

PĀ GƏ̄ 145:17

Kɔ́ɔ̄ɓē i de kə́ súmūú tū yá̰a̰ rāān gə̄ tə́ malang, ni i de kə́ nge ra dɔ ndūn tə́ tū kəla rāān gə̄ tə́ malang.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

JEJU TEĒ KUM JA̰A̰ 16:7

Anī m-oō ndū deē kógə̄ḿ ɔr̄ najə̄ dām̄ loo ń loo tun̄ yá̰a̰ i tū tə́ ní, əda na: A̰á̰ā̰ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, najə̄ ń ī-gāngəń sarya ní i najə̄ kə́ rɔ̄kum ō, sarya gāngīí i gōtə́ ō.

PĀ GƏ̄ 92:15

Ká ré ni tɔgə ɓə́ga kɔ̄ɔ́ gə̄gē anī a a̰a̰n̄ ɓáý. Bəton i ngá̰ý ɓáý ō, rɔ̄n to mbōl̄ ō.

Makətūbə̄ yā Job 8:3

Nə́ɓā i nge rāā kadə̄ yá̰á̰ kə́ súmūú téĺ yá̰á̰ kə́ súmūú aĺ a? Nə́ɓā kə́ tɔ́gən i ngá̰ý i nge nujə yá̰á̰ kə́ gōtə́ a?

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

Makətūbə̄ ń Pol ndang adə̄ Rom gə̄ ní 3:1

I yá̰á̰ rí n Jipə gə̄ tɔȳn̄ de kə́ rang gə̄ loo n tə́ ní? Kəja mɔtə a teē i rí?

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

JEREMI 12:1

Kɔ́ɔ̄ɓē, ḭ̄ i de kə́ gōtə́, ba m̄-gḛy kɔr̄ najə̄ seí. Rɔ̄kum m̄-gḛy kɔr̄ najə̄ seí sɔɔ̄ń dɔ sarya gāngīí kə́ rēý gə̄. I tām̄ rí tə́ á yá̰a̰ rāā ngé kem ndul gə̄ teēdə́ yá̰á̰ tə́ ní? I tām̄ rí tə́ á ngé gól̄ loo gə̄ ndin̄ majə malang ní?

Makətūbə̄ yā Job 35:2

Job, dan ń ə́da Nə́ɓā na najə̄ na gətóo dɔí tə́ gə̄gē a, na usə Nə́ɓā alé, ḭ̄ na ə́ngé yá̰á̰ gírí alé ní, á̰a̰ā̰ kadə̄ nge ń noō i gōtə́ a? Á̰a̰ā̰ kadə̄ najə̄ i yāí ta kum Nə́ɓā tə́ a?

Najə̄ kə́ Majə yā Jeju ń Luk ndang ní 20:16

Ni a reē yā tɔ̄l̄ ngé ndɔr̄ gə̄ ní, ba a əndā de kə́ rang gə̄ ta kāgə̄ nduú yān tə́. Dan ń nin̄-oōn̄ tītə̄ ń noō anī, ədan̄ na: Ādə̄ yá̰á̰ kə́ tītə̄ ń noō rāā yá̰a̰ aĺ ɓɔ́ nəkɔ́ tá.

Makətūbə̄ ń Pol ndang adə̄ Rom gə̄ ní 2:11

tɔdɔ̄ Nə́ɓā a rāā yá̰a̰ i loo ger̄ ta kum deē tə́ alé.

Makətūbə̄ ń Pol ndang adə̄ Rom gə̄ ní 9:30

I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.