Biblia Todo Logo
Bib sou entènèt

- Piblisite -




Makətūbə̄ ń Pol ndang adə̄ Rom gə̄ ní 9:1 - Bibəl ta Sar̄

1 Najə̄ ń m-ā m-ə́da toó i najə̄ kə́ rɔ̄kum. Mā i deē yā Kərist ō, m̄-sor̄ aĺ ō. Tá Ndíĺ kə́ Táĺ ədam̄ kemḿ tə́ kadə̄ i rɔ̄kum ō.

Gade chapit la Kopi

Bible sar

1 Najə̄ ń m-ā m-ə́da toó i najə̄ kə́ rɔ̄kum. Mā i deē yā *Kərist ō, m̄-sor̄ aĺ ō. Tá *Ndíĺ kə́ Táĺ ədam̄ kemḿ tə́ kadə̄ i rɔ̄kum ō.

Gade chapit la Kopi




Makətūbə̄ ń Pol ndang adə̄ Rom gə̄ ní 9:1
16 Referans Kwoze  

Əndāmə̄n̄ kɔdə̄ mbēr̄ ō, ngōmbang kəla ō, i tām̄ yā najə̄ kə́ kum tə́ yān ngeé ń toō tə́. M-ə́da i najə̄ kə́ rɔ̄kum, ba m̄-sor̄ i mbée alé, mā i nge ndóō nápar de kə́ rang gə̄ yá̰á̰ ń majə kadə̄ deē taā kem ní ō, yá̰á̰ ń i yá̰á̰ kə́ rɔ̄kum ní ō.


Tɔdɔ̄ Nə́ɓā i de kə́ kum tə́ yāḿ tām̄ yā najə̄ ń noō tə́. Ni ń m̄-rāā kəla yān kə ngarān̄g kemḿ gēé malang loo kɔjə Najə̄ kə́ Majə yā Ngōnən tə́ ní. Mā m-ɔ̄r̄ najə̄ yāsí ngándáńg,


M-ə́da kə̄ ta kum Nə́ɓā tə́, najə̄ ń m̄-ndang m-ādə̄sí toō i najə̄ kə́ sor̄ alé.


m̄-táŕsí malang kə ta kūl̄ tár yā Jeju Kərist. Nge ń noō ní Nə́ɓā i de kə́ kum tə́ yāḿ loon tə́.


Yá̰a̰ kɔr ta rɔ̄ yāḿ ń toō, deē a taā jīḿ tə́ dɔ nang kə́ Akayi tə́ alé. M-ə́da nge ń noō kə̄ ndágá, i kə ta kūl̄ najə̄ kə́ rɔ̄kum yā Kərist ń to kemḿ tə́ ní.


Ndíĺ Nə́ɓā əda ndíĺjí wáńg na jḭḭ̄ i ngáń Nə́ɓā.


Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.


Tītə̄ ń ī-gerīiń ní, jə-gól̄ kum deē tū najə̄ kɔr̄jí tə́ aĺ ō, najə̄ kɔr̄jí ɔjə kadə̄ jə-sāā yá̰a̰ kənge tām̄ yājí tə́ aĺ ō, Nə́ɓā i de kə́ kum tə́ yājí.


Jóo toó ní, sḭḭ̄ ī-gírī kadə̄ jḭḭ j-a jə-nējə̄ i najə̄ dɔ rɔ̄jí tə́ ta kumsí tə́ a? I beé alé! Najə̄ ń j-ɔr̄ ní, j-ɔr̄ i tītə̄ ń Kərist ndigəń ní, ta kum Nə́ɓā tə́. Ba kó tár gə̄, j-ədasí yá̰a̰ gə̄ ń noō malang i yā kadə̄ ī-tɔgīneé kum kə̄ kété kété.


Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.


m̄-rāāī ɓɔ́ ta kum Nə́ɓā tə́ ō, ta kum Kərist Jeju tə́ ō, ta kum de kə́ dɔ rā̰ tə́ gə̄ ń gə̄rān̄də́ ní tə́ ō, ī-rāā yá̰a̰ gə̄ ń m-ɔ́jiī toó kanjə̄ kəya̰ kógə̄ḿ kɔ̄ɔ́ ō, kanjə̄ rāā yá̰a̰ kógə̄ḿ tām̄ ta kum deē ō.


Nə́ɓā, adə̄ i Bɔbə̄ Kɔ́ɔ̄ɓē Jeju ń de gə̄ tɔ̄ȳn̄ rīn ngándáńg ní, ger̄ kadə̄ m̄-sor̄ alé.


Kə́ tām̄ yāḿ mā tə́ ɓáa m-úń Nə́ɓā kadə̄ ni i de kə́ kum tə́ yāḿ. Ré m̄-sor̄ i mbée anī ādə̄ ni-tɔ̄lə̄m̄ kɔ̄ɔ́. m̄-lōō gíŕ tél kaw̄ gogə́ Korḛntə tə́ i yā kadə̄ yá̰á̰ kə́ tōr̄ rāāńsí alé.


Nin̄-ɔjən̄ kadə̄ kəla ń ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.


Kemḿ nelə̄m̄ aĺ ngá̰ý ō, najə̄ tōr̄ kemḿ ngá̰ý kanjə̄ dəba ō.


Swiv nou:

Piblisite


Piblisite