Makətūbə̄ ń Pol ndang adə̄ Rom gə̄ ní 8:39 - Bibəl ta Sar̄

³⁹ aké i yá̰á̰ kə́ tɔ́gə́də́ i ngá̰ý gə̄ kə́ dɔ rā̰ tə́, aké i yá̰á̰ kə́ tɔ́gə́də́ i ngá̰ý gə̄ kə́ dɔ nang tə́, aké i yá̰á̰ kə́ rang kə́ Nə́ɓā rāā, yá̰a̰ gə̄ ń noō malang ní, asən̄ kēgə̄jí naā tə́ kə táŕ ń Nə́ɓā ɔjə kə̄ ndágá tām̄ yājí tə́ kə ta kūl̄ Kɔ́ɔ̄ɓē yājí Jeju Kərist ní alé.

Bible sar

³⁹ aké i yá̰á̰ kə́ tɔ́gə́də́ i ngá̰ý gə̄ kə́ dɔ rā̰ tə́, aké i yá̰á̰ kə́ tɔ́gə́də́ i ngá̰ý gə̄ kə́ dɔ nang tə́, aké i yá̰á̰ kə́ rang kə́ Nə́ɓā rāā, yá̰a̰ gə̄ ń noō malang ní, asən̄ kēgə̄jí naā tə́ kə táŕ ń Nə́ɓā ɔjə kə̄ ndágá tām̄ yājí tə́ kə ta kūl̄ Kɔ́ɔ̄ɓē yājí Jeju *Kərist ní alé.

Makətūbə̄ ń Pol ndang adə̄ Rom gə̄ ní 8:39 Referans Kwoze

Makətūbə̄ ń Pol ndang adə̄ Rom gə̄ ní 8:35

Táŕ ń Kərist táŕjí toō i náā n a ɔr̄jí kɔ̄ɔ́ tū tə́ ní? I wur kɔl a? Aké i rāā kə́ rāān̄jí adə̄ jə-ndiī kə sōlōó a? Aké i rāā kə́ rāān̄jí ndoō tə́ a? Aké i ɓō a? Aké i nal kə jə-nalī kūbə̄ ko̰ō̰jí a? Aké i yá̰á̰ kə́ to yo a? Aké i kaskar a?

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

1 JA̰A̰ 4:19

Ba jḭḭ̄ jə-táriī Nə́ɓā i tɔdɔ̄ ni-táŕjí kété.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

1 JA̰A̰ 4:16

Jḭḭ̄, jə-gerī tár yā Nə́ɓā kə́ tām̄ yājí tə́ ō, jə-taāī kem táŕ ní ō. Nə́ɓā i tár, adə̄ deē ń tár i kemən tə́ ní, ndi i kem Nə́ɓā tə́ ō, Nə́ɓā ndi kemən tə́ ō.

JA̰A̰ 17:26

M-ɔ́jə́də́ rīí, ba m-ā m-ɔ́jə́də́ ɓáý to̰, yā kadə̄ táŕ ń ī-tárəm̄ ní i kemdə́ tə́ ō, mā i kemdə́ tə́ ō.

JA̰A̰ 16:27

tɔdɔ̄ Bɔbə́ḿ nəkɔ́ táŕsí. Ni táŕsí tɔdɔ̄ sḭḭ̄ ī-tármī ō, ī-taāī kem kadə̄ m-ḭ́ḭ i rɔ̄ Nə́ɓā tə́ n m̄-reē ō ní.

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

Makətūbə̄ ń Pol ndang adə̄ Rom gə̄ ní 11:33

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

PĀ GƏ̄ 64:6

Nin̄ rɔ́tə̄n̄ najə̄ kə́ to kum kedə̄ gə̄ ta naā tə́. Nómə̄n̄ rɔ̄də́ yā kəyā gūmbə̄ loo mundə̄ tə́, ba ədan̄ na ké i náā n a a̰a̰də́ ní wa.

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

2 KORḚNTƏ 2:11

yā kadə̄ Sətan dumə̄ńjí kə gól̄ loo yānneé alé, tɔdɔ̄ jə-gerī yá̰á̰ ń ni-sāā rāā ní.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

DANIEL 4:11

Ni-əda kə́ tɔ́gɔ́ na: Ī-tə́gāī kāgə̄ ń toō kɔ̄ɔ́ ō, ī-tɔ́rī ta jīn gə̄ kɔ̄ɔ́ ō! Ī-túyiī mbīn gə̄ ō, ī-tə̄ndāī kanə̄n gə̄ ī-tḭ̄ḭ̄ kə̄ loo gə̄ tə́ ō! Ādə̄ dā̰ gə̄ a̰ȳn̄ naā gírən tə́ kɔ̄ɔ́ ō, ādə̄ yel̄ gə̄ a̰ȳn̄ naā kɔ̄ɔ́ ta jīn gə̄ tə́ ō!

IJAI 10:33

Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, tétə̄ ta jī kāgə̄ gə̄ kə tɔ́gɔ́. Gángə̄n̄ kāgə̄ kə́ bo tɔȳ madə̄ gə̄ kɔ̄ɔ́, mbə́rēn̄ ngé kə́ ngāl̄ tɔȳ madə̄ gə̄ tə́nīn̄də́ nang tə́.

Gōsə̄ najə̄ gə̄ 20:5

Gír̄ kə́ ngarā̰ kem deē tə́ i man̄ kə́ lú ngá̰ý! De kə́ ger̄ najə̄ a ɔdə man̄ kə́ tū tə́.

JEJU TEĒ KUM JA̰A̰ 20:7

Dan ń ɓāl̄ kə́ dūbú kógə̄ḿ ní asə anī, a tútən̄ súĺ kɔ̄ɔ́ rɔ̄ Sətan tə́ ō, a ɔr̄nən̄ kɔ̄ɔ́ kújə dəngáy yān tə́ ō.

JEJU TEĒ KUM JA̰A̰ 20:3

Ni-ənīn bəlo kə́ bo kə́ ngɔ́nən gətóó tə́ ba utə̄ tan ō, rákə̄ yá̰a̰ tan tə́ adə̄ ngan̄g ō, yā kadə̄ dā̰ ní rāā nápar de gə̄ adə̄ ndúmə̄n̄ to̰ alé, bátə́ kadə̄ gír ɓāl̄ kə́ dūbú gə̄ gāngəń. Gō tə́ anī, a tútənən̄ yā kəya̰n dɔɔ́ sḛ́ý.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

JEJU TEĒ KUM JA̰A̰ 2:24

Ba sḭḭ̄ gotə de kə́ Tiyatir gə̄ ń ī-ndigiī yá̰á̰ ndóō ń noō aĺ ō, ī-gerī yá̰á̰ kə́ to loo mundə̄ tə́ yā Sətan tītə̄ ń nin̄-ədanneé ní aĺ ō ní, m-ə̄ndā yá̰á̰ kə́ rang kə́ kɔȳ dɔsí tə́ alé.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

PĀ KƏ́ MAJƏ 3:4

m̄-mān̄də́ sḛ́ý beē anī m-ə́nge nge ń kemḿ gḛyn ní. M-ə́hɔn ō, m-ā m-ə́ya̰n dɔɔ́ aĺ ō, bátə́ kadə̄ ré m-āw̄ seneé ɓēé kem kújə́ ń kó̰ó̰ḿ ndānə̄m̄ tū tə́ ní tə́ pá tá.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

PILIPƏ 3:12

Ba i kə́ yā kədań na mā na m-ūgə̄ loo kə́ yā dəba tū tə́ tə́ kɔ̄ɔ́ ɓá, aláa na mā na i de kə́ m̄-majə m-ɔ̄tə̄ kə taá kɔ̄ɔ́ ɓá alé. Banī m̄-na̰y kə̄ loo ka̰ȳ ngɔ̄də̄ tə́ laā ɓáý kum kə̄ kété. M-ə́hɔ rɔ̄ḿ tɔgə kadə̄ m̄-taā yá̰a̰ kəndā nja yā ngé nējə̄ naā ngɔ̄də̄ gə̄, tɔdɔ̄ Jeju Kərist əhɔm̄ mā kɔ̄ɔ́ ɓá.