Makətūbə̄ ń Pol ndang adə̄ Rom gə̄ ní 8:38 - Bibəl ta Sar̄

³⁸ Tɔdɔ̄ m̄-ger̄ majə ngá̰ý kadə̄ yo, aké i ndi kə kumuú, aké i de kə́ dɔ rā̰ tə́ gə̄, aké i ngé ko̰o̰ ɓē kə́ rang gə̄, aké i ngé tɔgə gə̄ kə́ dɔ rā̰ tə́, aké i yá̰á̰ kə́ ngɔr ń toō tə́, aké i yá̰á̰ kə́ ndɔ̄ń tə́,

Bible sar

³⁸ Tɔdɔ̄ m̄-ger̄ majə ngá̰ý kadə̄ yo, aké i ndi kə kumuú, aké i *de kə́ dɔ rā̰ tə́ gə̄, aké i ngé ko̰o̰ ɓē kə́ rang gə̄, aké i ngé tɔgə gə̄ kə́ dɔ rā̰ tə́, aké i yá̰á̰ kə́ ngɔr ń toō tə́, aké i yá̰á̰ kə́ ndɔ̄ń tə́,

Makətūbə̄ ń Pol ndang adə̄ Rom gə̄ ní 8:38 Referans Kwoze

JA̰A̰ 10:28

Mā m-ādə̄də́ ndi kə kumuú kə́ ngándáńg, adə̄ nin̄ a udən̄ kɔ̄ɔ́ aĺ bátə́. De kə́ yā taādə́ jīḿ tə́ a gətóo.

Makətūbə̄ ń Pol ndang adə̄ Rom gə̄ ní 14:8

Tɔdɔ̄ ré jə-ndiī kə kumjí anī, jə-ndiī kə kumjí i tām̄ yā Kɔ́ɔ̄ɓē tə́ ō, ré j-oyiī anī, j-oyiī i tām̄ yā Kɔ́ɔ̄ɓē tə́ ō. Adə̄ ká ré jə-ndiīń i kə kumjí aké, j-oyiīń i mbée gə̄gē anī, jḭḭ̄ i yā Kɔ́ɔ̄ɓē.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

KOLOSƏ 1:16

Nə́ɓā rāā yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, i kə ta kūl̄ Ngōnən. Ni-rāā yá̰á̰ kə́ deē asə ka̰a̰ kə kumneé ō, kə́ deē asə ka̰a̰ kə kumneé aĺ ō. I kɔ́ɔ̄ ɓē gə̄ ō, ngé ko̰o̰ ɓē gə̄ ō, kōr̄ kāgə̄ mbang yādə́ gə̄ ō. Nə́ɓā rāā yá̰a̰ malang i kə ta kūl̄neé ō, i tām̄ yān tə́ ō.

KOLOSƏ 2:15

Nə́ɓā taā tɔ́gə kɔ̄ɔ́ jī ngé ko̰o̰ ɓē gə̄ tə́ ō, jī ngé tɔ́gə gə̄ tə́ ō, i tītə̄ ń noō. Ngōnən ń tetədə́ rɔ̄ɔ̄ ní, ni-aw̄ sedə́ adə̄ njə̄rān̄ gōn tə́ tītə̄ ɓəlo gə̄, adə̄ de gə̄ malang a̰a̰n̄də́.

EPEJƏ 1:21

Ni-əndān dɔ ngé ko̰o̰ ɓē gə̄ tə́ ō, dɔ tɔ́gə gə̄ tə́ ō, dɔ kɔ́ɔ̄ ɓē gə̄ tə́ ō, dɔ rī gə̄ tə́ malang ō, adə̄ i rī gə̄ kə́ dɔ nang ń toō tə́ ō, kə́ dɔ nang kə́ kijə kə́ ndɔ̄ń tə́ tə́ ō.

2 KORḚNTƏ 4:13

Ndangən̄ kem makətūbə̄ yā Nə́ɓā tə́ na: m̄-taā kem, adə̄ i tām̄ najə̄ ń noō tə́ n m-ɔ̄rəń najə̄ ní. Adə̄ jḭḭ jə-taā i kem ō n j-ɔrə̄ń najə̄ ní.

Makətūbə̄ ń Pol ndang adə̄ Rom gə̄ ní 4:21

Ni ger̄ mámák kadə̄ yá̰á̰ ń Nə́ɓā ənī míndən yā rāā ní, Nə́ɓā i kə tɔ́gə yā rāā.

2 KORḚNTƏ 11:14

Banī nge ń noō i yá̰á̰ kə́ to kɔr kum alé, tām̄ Sətan nəkɔ́ gə̄gē ní, i nge tél de kə́ dɔ rā̰ tə́ yā loo kə́ unjə̄ kow ō.

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 14:7

Deē kógə̄ḿ danjí tə́ kə́ ndi kə kumneé tām̄ yān nəkɔ́ tə́ ngóy, aké oy i tām̄ yān nəkɔ́ tə́ ngóy ní gətóo.

1 KORḚNTƏ 15:24

Gō tə́ anī i ta tɔ̄l̄ ta yá̰a̰ malang dan ń Kərist a nujə ko̰o̰ ɓē gə̄ malang ō, ngé ko̰o̰ ɓē gə̄ malang ō, a nujə tɔ́gə yā ndíĺ kə́ majaĺ gə̄ malang ō, ba tél kə ko̰o̰ ɓēé yā kəla gír jī Bɔbə̄n Nə́ɓā tə́ ní.