Makətūbə̄ ń Pol ndang adə̄ Rom gə̄ ní 8:36 - Bibəl ta Sar̄

³⁶ Tɔdɔ̄ ndangən̄ kem makətūbūú na: Tɔ̄lə̄n̄jí bátə́ mbang udə i tām̄ yāí tə́ ō, rāān̄jí i batə̄ kə́ yā tɔ̄l̄ gə̄ tə́ ō ní.

Bible sar

³⁶ Tɔdɔ̄ ndangən̄ kem makətūbūú na: Tɔ̄lə̄n̄jí bátə́ mbang udə i tām̄ yāí tə́ ō, rāān̄jí i batə̄ kə́ yā tɔ̄l̄ gə̄ tə́ ō ní.

Makətūbə̄ ń Pol ndang adə̄ Rom gə̄ ní 8:36 Referans Kwoze

PĀ GƏ̄ 44:22

Nə́ɓā ń i nge ger̄ yá̰á̰ kə́ to loo ɓɔ̄ɔ̄ tə́ kem de gə̄ tə́ ní a a̰a̰ aĺ a?

IJAI 53:7

Rāānən̄ yá̰á̰ kə́ tōr̄, banī ni ndigə yá̰á̰ ń rāān̄ seneé ní. Ni-əda yá̰a̰ alé. Əda yá̰a̰ alé, tītə̄ ngōn̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ batə̄ kə́ əjan̄ bḭḭ̄n anī nōō aĺ beē.

1 KORḚNTƏ 15:30

Ba jḭḭ̄ kɔ́ gə̄, i tām̄ rí tə́ á jḭḭ̄ i ta yo tə́ kə kum mbang gə̄ malang ní?

1 KORḚNTƏ 4:9

Tɔdɔ̄ mā m-á̰a̰ kadə̄ to tītə̄ kə́ Nə́ɓā əndājí jḭḭ ngámbang kəla gə̄ i loo kə́ gogə́ tə́ beē: Jə-to i tītə̄ de gə̄ kə́ gāngə̄n̄ sarya yo dɔdə́ tə́, yā tɔ̄l̄də́ ta kum kósə de gə̄ tə́ beē. Rāān̄jí i kur̄ kəgō yā de gə̄ tə́ malang, rāān̄jí i kur̄ kəgō yā de kə́ dɔ rā̰ tə́ gə̄ tə́ ō, yā deē ndul gə̄ tə́ ō.

KƏLA RĀĀ 8:32

Ba najə̄ ń ndi a tə́dá ní n toó: Ni to i tītə̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ ngōn̄ batə̄ kə́ ra tan mbóo no nge dəsā bḭḭ̄n tə́ beē, ni-tḛḛ̄ tan mḛḛ alé.

JEREMI 11:19

Mā, m̄-to tītə̄ ngōn̄ batə̄ kə́ dɔn sɔl̄ lɔ́ḿ lɔ́ḿ ń aw̄n̄ seneé kə̄ loo tɔ̄lən tə́ ní. m̄-ger̄ kadə̄ gír̄ yādə́ kə́ majaĺ gə̄ ní sɔɔ̄ i dɔḿ mā alé. Nin̄ ədan̄ na: Jə-nujiī kə kāgə̄ kə́ a̰ȳ bəto ngá̰ý, jə-tɔ̄l̄niī kɔ̄ɔ́ kem ɓē yā de kə́ ndin̄ kə kumdə́ gə̄ tə́.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

JEREMI 51:40

M-āw̄ sedə́ loo tɔ̄l̄ dā̰ gə̄ tə́ tītə̄ bal batə̄ gə̄ beé ō, tītə̄ kó̰o̰ batə̄ gə̄ naā tə́ kə bal bə̄yā̰ gēé ō.

JEREMI 12:3

Kɔ́ɔ̄ɓē ī-gerə̄m̄, ḭ̄ á̰a̰m̄ ō, ə̄ndā ma̰ȳ gír̄ yāḿ gə̄ ō. Gír̄ yāḿ gə̄ aw̄n̄ gō yāí tə́. Ə̄ndā ngé kem ndul gə̄ dɔ jīí tītə̄ batə̄ gə̄ kə́ yā kaw̄ń kə̄ loo tɔ̄l̄də́ tə́. Ə̄ndādə́ dɔ jīí yā ngóoń ndɔ̄ tɔ̄l̄də́.

PĀ GƏ̄ 44:11

Ḭ̄ ī-rāā ādə̄ jə-tél kə gidəjí ta kum ngé rɔ̄ɔ̄jí gə̄ tə́. adə̄ madə̄ ba̰ā̰jí gə̄ ɔyn̄ yá̰a̰ kənge yājí gə̄ aw̄n̄neé.

1 KORḚNTƏ 15:31

Ngákó̰ó̰ḿ gə̄, rɔ̄kum, mā i ta yo tə́ kə dɔ ndɔ̄ gə̄, tītə̄ ń sḭḭ̄ i yá̰a̰ kɔr ta rɔ̄ yāḿ kə gō ɓoo naā yājí kə Kɔ́ɔ̄ɓē yājí Jeju Kərist ní.

2 KORḚNTƏ 1:9

Jḭḭ j-ɔjəń na jḭḭ na i de kə́ gāngə̄n̄ sarya yo dɔjí tə́ kɔ̄ɔ́ ɓá. Banī yá̰a̰ gə̄ rāān̄ yá̰a̰ beé i yā kadə̄ jə-ndóoń kəndā kemjí dɔ rɔ̄jí jḭḭ kɔ́ gə̄ tə́ alé, ba i yā kadə̄ j-əndāń kemjí dɔ Nə́ɓā ń i nge ndól̄ de kə́ koy gə̄ ní tə́.

2 KORḚNTƏ 6:9

Rāān̄jí i de kə́ deē ger̄də́ aĺ gə̄ tə́, tá gerə̄n̄jí majə. Rāān̄jí i de gə̄ kə́ a oyn̄ ngɔr tə́, banī jə-ndi kə kumjí. Əndan̄jí, banī tɔ̄lə̄n̄jí alé.

2 KORḚNTƏ 11:23

Nin̄ i ngé rāā kəla gə̄ yā Kərist a? Ré i nge ń noō ɓáa m-ā m-ɔ̄r̄ i kə́ nge kɔ̄r̄ tə́ ɗer. Mā m̄-tɔȳdə́ loo rāā kəla yā Kərist tə́. m̄-rāā kəla m̄-tɔȳdə́. m̄-rāā dəngáy kə̄ nja naā tə́ ō, əndamə̄n̄ nja i ngá̰ý ō, m-ə́ngé yá̰á̰ kə́ asə yoḿ kə̄ nja naā tə́ ō.

PILIPƏ 3:10

Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,