Makətūbə̄ ń Pol ndang adə̄ Rom gə̄ ní 8:34 - Bibəl ta Sar̄

³⁴ I náā n a gān̄g sarya dɔdə́ tə́ ní? I Kərist Jeju ń oy ba ndól̄ ō, ndi dɔ jī ko̰ Nə́ɓā tə́ ō, a ndɔ̄ȳ tām̄ yājí tə́ ō ní.

Bible sar

³⁴ I náā n a gān̄g sarya dɔdə́ tə́ ní? I *Kərist Jeju ń oy ba ndól̄ ō, ndi dɔ jī ko̰ Nə́ɓā tə́ ō, a ndɔ̄ȳ tām̄ yājí tə́ ō ní.

Makətūbə̄ ń Pol ndang adə̄ Rom gə̄ ní 8:34 Referans Kwoze

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

Makətūbə̄ ń Pol ndang adə̄ Rom gə̄ ní 8:27

Banī nge ń i nge kəndā ma̰ȳ yá̰á̰ kə́ kem de gə̄ tə́ ní, nəkɔ́ ger̄ yá̰á̰ ń Ndíl gḛy ní. Tɔdɔ̄ yá̰á̰ ń Ndíl dəje tām̄ yā de gə̄ yā Nə́ɓā tə́ ní, a dəje i tītə̄ ń kem Nə́ɓā nəkɔ́ ndigəń ní.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

KOLOSƏ 3:1

Dan ń sḭḭ̄ i kə́ Nə́ɓā ndól̄sí naā tə́ kə Kərist kɔ̄ɔ́ ɓá ní, majə kadə̄ ā ī-sāāī yá̰á̰ kə́ dɔɔ́ gə̄, loo ń Kərist ndi tū tə́ dɔ jī ko̰ Nə́ɓā tə́ ní.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

PĀ GƏ̄ 109:31

Tɔdɔ̄ ni-ra dɔ jī ko̰ de kə́ nge rɔ̄ tō ndoō tə́ yā kajən jī ngé gān̄g sarya dɔn tə́ gə̄ tə́.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

Makətūbə̄ ń Pol ndang adə̄ Rom gə̄ ní 14:9

Tɔdɔ̄ i tām̄ najə̄ ń noō tə́ n Kərist oy ba tél ndiń kə kumneé ō ní, yā kadə̄ ni i Kɔ́ɔ̄ɓē yā de kə́ koy gə̄ ō, yā ngé kə́ ndin̄ kə kumdə́ ɓáý gə̄ ō.

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

JEREMI 50:20

Dan ń noō tə́ ní, de gə̄ a saān̄ yá̰á̰ kə́ to gō jī aĺ ń Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

PĀ GƏ̄ 37:33

Banī Kɔ́ɔ̄ɓē əya̰n adə̄ əsō kem jīdə́ tə́ alé. Ré rāān̄ sarya seneé anī ni əya̰ adə̄ sarya əhɔn alé.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

Makətūbə̄ ń Pol ndang adə̄ Rom gə̄ ní 14:13

Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

JA̰A̰ 16:23

Ndɔ̄ ń noō tə́ ní ā ī-dəjemī kum yá̰á̰ kógə̄ḿ to̰ alé. Ādə̄ m-ə́dásí najə̄ kə́ bo ngá̰ý, ré ī-dəjeī Bɔbə́ḿ yá̰á̰ kógə̄ḿ kə rīḿ anī, ni a adə̄sí.

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

Makətūbə̄ yā Job 33:24

kə́ kadə̄ kumən o̰o̰n tām̄ yā nge mo̰y ní tə́ ba əda Nə́ɓā na: Ī-lōō kəya̰n kadə̄ aw̄ ɓádá, na m-ə́ngé yá̰a̰ gān̄g dɔn kɔ̄ɔ́!

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

IJAI 50:8

Kɔ́ɔ̄ɓē i rɔ̄ḿ tə́ ngɔr, ni a adə̄m̄ najə̄. De kógə̄ḿ ndigə rāā sarya seḿ a? J-awī naā tə́ malang loo sarya tə́! De kógə̄ḿ ndigə sekə́ḿ a? Ādə̄ ni-njə̄rā kə̄ rɔ̄ḿ tə́!

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.