Makətūbə̄ ń Pol ndang adə̄ Rom gə̄ ní 8:33 - Bibəl ta Sar̄

³³ I náā n a sə̄lā gíŕ ngé gə̄ ń Nə́ɓā nəkɔ́ gə̄rādə́ ní? I Nə́ɓā n i nge rāā kadə̄ nin̄-télən̄ de kə́ súmūú gə̄ ní.

Bible sar

³³ I náā n a sə̄lā gíŕ ngé gə̄ ń Nə́ɓā nəkɔ́ gə̄rādə́ ní? I Nə́ɓā n i nge rāā kadə̄ nin̄-télən̄ de kə́ súmūú gə̄ ní.

Makətūbə̄ ń Pol ndang adə̄ Rom gə̄ ní 8:33 Referans Kwoze

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

1 TESALONIK 1:4

Sḭḭ̄ ngákó̰ó̰jí gə̄ ń Nə́ɓā táŕsí ní, i ni n gə̄rāsí ní.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

1 PIYER 1:2

Bɔbə̄jí Nə́ɓā gə̄rāsí i kə gō ń ni-núməń kété ní, adə̄ sḭḭ̄ i deē yān gə̄ kə ta kūl̄ Ndílən, yā kadə̄ ōōī ta Jeju Kərist ō, kadə̄ mósən tə́go majaĺ yāsí gə̄ kadə̄ kemsí ndaa táĺ táĺ ō. Ādə̄ Nə́ɓā rajəsí ngá̰ý ō, sɔl̄ kemsí ngá̰ý ō!

Makətūbə̄ ń Pol ndang adə̄ Rom gə̄ ní 3:26

Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.

GALATƏ 3:8

Tá ndangən̄ kem makətūbə̄ yā Nə́ɓā tə́ kété na, Nə́ɓā a rāā kadə̄ de gə̄ ń i Jipə aĺ gə̄ ní, a télən̄ de kə́ súmūú gə̄ loo ń a taān̄ kem ní. I tām̄ najə̄ ń toō tə́ n ədan̄ Abəraham Najə̄ kə́ Majə ń toō kemeé na: Nápar de gə̄ malang a əngen̄ tɔ́r̄ ta i kə ta kūlīí ní.

PĀ GƏ̄ 35:11

De kə́ kum tə́ aĺ gə̄ ḭḭn̄ seḿ ba dəjemə̄n̄ gír najə̄ kə́ m̄-ger̄ kum aĺ.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.