Makətūbə̄ ń Pol ndang adə̄ Rom gə̄ ní 8:32 - Bibəl ta Sar̄

³² Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

Bible sar

³² Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

Makətūbə̄ ń Pol ndang adə̄ Rom gə̄ ní 8:32 Referans Kwoze

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

1 JA̰A̰ 4:10

Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

1 KORḚNTƏ 2:12

Banī jḭḭ̄ j-əngeī i ndíĺ kə́ dɔ nang tə́ laā alé, ba i Ndíĺ kə́ ḭḭ rɔ̄ Nə́ɓā tə́, yā kadə̄ jə-gerīneé yá̰á̰ gə̄ ń Nə́ɓā adə̄jí kə gō kem ndaa yānneé ní.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

2 KORḚNTƏ 4:15

Ba yá̰a̰ malang ń rāājí ní i tām̄ yāsí sḭḭ̄ tə́. I tītə̄ ń noō n Nə́ɓā a rajəń de gə̄ kə̄ kété kété, yā kadə̄ kutə ngé ndadə̄n yā kɔsəń gɔnən gə̄ i ngá̰ý ní.

Makətūbə̄ ń Pol ndang adə̄ Rom gə̄ ní 11:21

Tɔdɔ̄ ré Jipə gə̄ ń i ta jī kāgə̄ olibə kə́ ɓēé gə̄ ní, Nə́ɓā tə́gādə́ kɔ̄ɔ́ anī, ḭ̄ ń i kə́ ndə̄mā dɔɔ́ ní tá a əya̰ī a?

MATIYE 7:11

Sḭḭ̄ ń i ngé kem ndul gə̄ ní, ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí kə́ dɔ rā̰ tə́ a adə̄ ngé gə̄ ń dəjenən̄ ní yá̰á̰ kə́ majə tɔȳ loo ń noō aĺ a?

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.