Makətūbə̄ ń Pol ndang adə̄ Rom gə̄ ní 8:31 - Bibəl ta Sar̄

³¹ J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

Bible sar

³¹ J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

Makətūbə̄ ń Pol ndang adə̄ Rom gə̄ ní 8:31 Referans Kwoze

PĀ GƏ̄ 118:6

Kɔ́ɔ̄ɓē i dām̄ yāḿ tə́, adə̄ m̄-ɓōĺ yá̰á̰ kógə̄ḿ alé, de gə̄ a rāān̄ i rí seḿ?

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.

PĀ GƏ̄ 56:11

m̄-tɔ̄ȳ Nə́ɓā tām̄ najə̄ kɔrə̄n tə́. A̰á̰ā̰, m̄-tɔ̄ȳ Kɔ́ɔ̄ɓē tām̄ najə̄ ní tə́.

1 JA̰A̰ 4:4

Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

PĀ GƏ̄ 56:4

Ndɔ̄ ń ɓōĺ rāām̄neé tə́ ní, m-ə̄ndā kemḿ dɔí tə́.

TƏ́DA 14:9

Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

JOJUE 10:42

Jojue tetə mban̄g gə̄ ń nuū rɔ̄ɔ̄ gidə kógə̄ḿ ō, taā dɔ nang yādə́ ō, tɔdɔ̄ Kɔ́ɔ̄ɓē Nə́ɓā yā Israel n rɔ̄ɔ̄ tām̄ yā Israel tə́ ní.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

Makətūbə̄ ń Pol ndang adə̄ Rom gə̄ ní 4:1

Ní, kə j-əda na i rí dɔ kaají Abəraham tə́ tā? I yá̰a̰ rí n ni-ənge ní?

1 MBAN̄G GƏ̄ 8:57

Ní, ādə̄ Kɔ́ɔ̄ɓē Nə́ɓā yājí i sejí naā tə́ tītə̄ ń ni i naā tə́ kə kaají gēé kété ní. Ādə̄ ni-mbātə́jí aĺ ō, əya̰jí kɔ̄ɔ́ aĺ ō.

2 MBAN̄G 6:16

Anī Elije tél ədan na: Ī-lōō ɓōĺ! De gə̄ ń i sejí ní nin̄ i ngá̰ý tɔȳ ngé gə̄ ń i sedə́ ní.

1 YÁ̰A̰ GƏ̄ 5:22

Madə̄ ba̰ā̰ gə̄ ngá̰ý óyn̄ tɔdɔ̄ rɔ̄ɔ̄ ní i rɔ̄ɔ̄ yā Nə́ɓā. Nin̄ ndin̄ gotədə́ tə́ bátə́ ɓāl̄ kaw̄ ɓəloó tə́.

PĀ GƏ̄ 56:9

Ī-tə́da kutə njaḿ ń m̄-dáyń ní kɔ̄ɔ́ ɓá ní, ī-taā man̄ kumḿ kem kū yāí tə́ tā. Kutədə́ i kə́ ndang kem makətūbə̄ yāí tə́ aĺ a?

IJAI 8:10

Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

JEREMI 42:11

Mban̄g kə́ Babilon ń ī-ɓōlíin̄ ngá̰ý ní, ī-ɓōlniī to̰ alé. Ī-ɓōĺniī to̰ alé, tɔdɔ̄ mā i sesí yā gān̄g dɔsí ō, yā kɔr̄sí jīn tə́ kɔ̄ɔ́ ō. Najə̄ ń Kɔ́ɔ̄ɓē əda ní n noó.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

Makətūbə̄ ń Pol ndang adə̄ Rom gə̄ ní 3:5

Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé.

1 YÁ̰A̰ GƏ̄ 19:15

Dan ń Amon gə̄ a̰a̰n̄ kadə̄ Aram gə̄ a a̰ȳn̄ i naā anī, nin̄ a̰ȳn̄ naā kɔ̄ɔ́ no Abisai ngōkó̰o̰ Joab tə́ ō, ba udən̄ kem ɓēé. Joab tél dɔ tə́ aw̄ gogə́ Jerusalem.