Makətūbə̄ ń Pol ndang adə̄ Rom gə̄ ní 8:30 - Bibəl ta Sar̄

³⁰ Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

Bible sar

³⁰ Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

Makətūbə̄ ń Pol ndang adə̄ Rom gə̄ ní 8:30 Referans Kwoze

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

HEBƏRO 9:15

I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.

EPEJƏ 1:5

Sɔɔ̄ń táŕ kə́ kemən tə́ ní, nəkɔ́ əndā dɔjí danaá kété kadə̄ jə-téliī ngánən gə̄ kə ta kūl̄ Jeju Kərist. Ni-gḛy kadə̄ i tītə̄ ń noō, tɔdɔ̄ nelə̄n.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

1 KORḚNTƏ 6:11

Ba de kə́rēý gə̄ dɔ dáńsí tə́ nin̄ i de kə́ beé gə̄ kété. Banī tə́gon̄ majaĺ yāsí gə̄ kɔ̄ɔ́, ɔrə̄n̄ kam̄sí tayā kadə̄ ī-ndiī i tām̄ yā Nə́ɓā tə́ ō, rāān̄sí adə̄ ī-téliī de kə́ súmūú gə̄ ta kum Nə́ɓā tə́ i kə rī Kɔ́ɔ̄ɓē Jeju Kərist ō, i kə ta kūl̄ Ndíĺ Nə́ɓā yājí ō.

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

JA̰A̰ 17:22

M-ādə̄də́ kɔsə gɔn ń ādə̄m̄ ní, yā kadə̄ nin̄ i kógə̄ḿ beē tītə̄ ń ḭ̄ ō mā ō jḭḭ i kógə̄ḿ beē ní.

2 PIYER 1:10

Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

1 KORḚNTƏ 1:9

Nə́ɓā ń ɓāŕsí kadə̄ ī-ɓooī naā kə Ngōnən Jeju Kərist ń i Kɔ́ɔ̄ɓē yājí ní, i Nə́ɓā kə́ nge ra dɔ ndūn tə́.

1 TESALONIK 2:12

J-ɔjə̄sí ō, jə-sɔl̄ kemsí ō, jə-rāāsí ɓɔ́ kadə̄ háĺsí ndetə naā kə ɓāŕ ń Nə́ɓā ɓāŕsí kadə̄ údiī kem Ɓē ko̰o̰ yān tə́ ō, kɔsə gɔn yān tə́ ō ní.

1 KORḚNTƏ 1:2

əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

2 TIMOTE 2:11

Najə̄ gə̄ ń toō i ngarān̄g kum najə̄: Ré j-oyiī seneé anī, j-a jə-ndiī kə kumjí naā tə́ seneé ō.

JEJU TEĒ KUM JA̰A̰ 19:9

Anī de kə́ dɔ rā̰ tə́ kógə̄ḿ ədam̄ na kə m̄-ndang najə̄ ń toō: Ngé gə̄ ń ɓārə́n̄də́ tū yá̰a̰ kūjə́ kaw̄ kújú yā nə̄yá̰ Ngōn̄ Batə̄ tə́ ní, rɔ̄də́ nel̄də́. Gō tə́ anī ni-ədam̄ na najə̄ ń toō na i najə̄ kə́ rɔ̄kum yā Nə́ɓā.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

IJAI 41:9

M-āw̄ sāāí tə́ bátə́ m-ūgə̄ ta ngóy dɔ nang tə́, ī-ndi i gō nang kə́ sa̰y tɔȳ gotə gō nang kə́ rang gə̄ tə́ n m̄-ɓāríī tū tə́ ní. M-ə́daī na nge kəla yāḿ i ḭ̄, m̄-gə̄rāī, ba m̄-tə́taī kə̄ gogə́ alé.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

KOLOSƏ 3:4

Kərist ń i ndi kə kumuú yāsí ní, dan ń a teē hɔý anī, sḭḭ̄ ā ī-teēī hɔy seneé ō, ā əngeī kɔsə gɔn yān ō.

EPEJƏ 4:4

Rɔ̄ i kógə̄ḿ beē ō, Ndíĺ i kógə̄ḿ beē ō, tītə̄ ń Nə́ɓā ɓārəńsí kadə̄ ə̄ndāī kemsí dɔ yá̰á̰ kə́ kógə̄ḿ beē tə́ ní ō.

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

EPEJƏ 2:6

Ni-ndól̄jí naā tə́ kə Kərist, ba aw̄ əndājí dɔ rā̰ tə́ seneé.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

Makətūbə̄ ń Pol ndang adə̄ Rom gə̄ ní 1:6

Sḭḭ̄ ń Jeju Kərist ɓāŕsí ní, sḭḭ̄ i dan nápar de gə̄ ń toō tə́ ō.

Makətūbə̄ ń Pol ndang adə̄ Rom gə̄ ní 8:21

A gāngə̄n̄ dɔdə́, tɔdɔ̄ a ɔrə̄n̄də́ jī tɔ́gə́ kə́ nge nujə yá̰a̰ gə̄ tə́, yā kadə̄ a əngen̄ kɔsə gɔn yā ngáń Nə́ɓā gə̄ sedə́, ngán Nə́ɓā gə̄ ń nin̄ i kɔ́ɔ̄ rɔ̄də́ gə̄ ní.

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

1 KORḚNTƏ 2:7

I kum kedə̄ yā Nə́ɓā kə́ to loo mundə̄ tə́, kə́ ɓɔ̄ɔ̄n̄ dɔ kɔ̄ɔ́, ba Nə́ɓā əndā dɔ danaá tām̄ kɔsə gɔn yājí tə́ kété pá tá kadə̄ ni-əndā dɔ rā̰ ō dɔ nang ō ɓáý ní n jə-ndóō de gə̄ ní.

GALATƏ 1:6

Ɔr kumḿ sesí tɔdɔ̄ ī-téliī láẃ kɔ̄ɔ́ gō Nə́ɓā ń ɓāŕsí ba rajəsí kə ta kūl̄ Kərist ní, yā kunəń gō Najə̄ kə́ Majə kə́ rang.

GALATƏ 1:15

Banī Nə́ɓā rajəm̄, ni-gə̄rām̄ dan ń mā i kem kó̰ó̰ḿ tə́ ɓáý ní, ba ɓārə́m̄ kadə̄ m̄-rāā kəla m-ādə̄n.

GALATƏ 5:8

Yá̰á̰ ń de gə̄ sāān̄ kadə̄ ī-rāāī ní, ḭḭ i rɔ̄ nge ń ɓāŕsí tə́ ní alé.

EPEJƏ 3:11

Yá̰á̰ ń Nə́ɓā rāā ngɔlaā kə ta kūl̄ Kɔ́ɔ̄ɓē yājí Jeju Kərist ní, ni-núm̄ i jóó ngá̰ý no yá̰a̰ gə̄ tə́ malang.