Biblia Todo Logo
Bib sou entènèt

- Piblisite -




Makətūbə̄ ń Pol ndang adə̄ Rom gə̄ ní 8:28 - Bibəl ta Sar̄

28 Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

Gade chapit la Kopi

Bible sar

28 Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

Gade chapit la Kopi




Makətūbə̄ ń Pol ndang adə̄ Rom gə̄ ní 8:28
53 Referans Kwoze  

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.


Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.


Nin̄ na númə̄n̄ rāān yá̰á̰ kə́ majaĺ ɓá tā ba Nə́ɓā na tūr̄ gír̄ yá̰á̰ kə́ majaĺ ní adə̄ na téĺ yá̰á̰ kə́ majə, adə̄ ɓōólaā na ajə gír de kə́ ngá̰ý gə̄ tītə̄ ń nin̄ kɔ́ gə̄ na a̰a̰nə̄ń noō.


Banī tītə̄ ń makətūbə̄ yā Nə́ɓā ədań ní, ndangən̄ na: I yá̰á̰ kə́ kum deē a̰ā̰ aĺ ō, mbī deē oō aĺ ō, deē gír̄ dɔ tə́ aĺ ō n Nə́ɓā əndā dɔ danaá tām̄ yā ngé gə̄ ń tárnən̄ tə́ ní.


Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.


I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.


Nə́ɓā ń ɓāŕsí kadə̄ ī-ɓooī naā kə Ngōnən Jeju Kərist ń i Kɔ́ɔ̄ɓē yājí ní, i Nə́ɓā kə́ nge ra dɔ ndūn tə́.


De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.


Banī de gə̄ ń tármə̄n̄ ō, rāān̄ yá̰a̰ gə̄ ń m-ə́dádə́ kadə̄ rāān̄ ō ní, m-ā m̄-rāā kem majə sedə́ ō, kə dūbə̄ gír kojə yādə́ gə̄ malang ń a reēn̄ ɓáý ní ō.


Banī Nə́ɓā rajəm̄, ni-gə̄rām̄ dan ń mā i kem kó̰ó̰ḿ tə́ ɓáý ní, ba ɓārə́m̄ kadə̄ m̄-rāā kəla m-ādə̄n.


Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.


m-ə́da na: Á, Kɔ́ɔ̄ɓē Nə́ɓā kə́ dɔ rā̰ tə́, Nə́ɓā kə́ bo ō, kə́ to ɓōĺ ngá̰ý ō! Ngé gə̄ ń tár̄nī ō, rāān̄ gō míndə gə̄ ń ə̄ndā dɔdə́ tə́ kadə̄ rāān̄ ní ō ní, ḭ̄ ə́ya̰ madə̄ naā yāí ādə̄ to gotoó sedə́ ō, ī-ra dɔ ndūí tə́ sedə́ ō.


Tɔdɔ̄ Nə́ɓā əndājí i yā kadə̄ wōn̄g yān əsō dɔjí tə́ alé, banī i yā kadə̄ j-ajiī kə ta kūl̄ Kɔ́ɔ̄ɓē yājí Jeju Kərist ń


ādə̄ ā ī-táriī Kɔ́ɔ̄ɓē Nə́ɓā yāsí kə kemsí malang ō, kə dā̰ rɔ̄sí malang ō, kə gír̄ kə́ kemsí tə́ malang ō, kə tɔ́gə́sí malang ō.


Yá̰á̰ ń Nə́ɓā rāā ngɔlaā kə ta kūl̄ Kɔ́ɔ̄ɓē yājí Jeju Kərist ní, ni-núm̄ i jóó ngá̰ý no yá̰a̰ gə̄ tə́ malang.


Ā ī-táŕ Kɔ́ɔ̄ɓē Nə́ɓā yāí kə kemií malang ō, kə dā̰ rɔ̄í malang ō, kə tɔ́gí malang ō.


Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?


Ba jḭḭ̄ jə-táriī Nə́ɓā i tɔdɔ̄ ni-táŕjí kété.


Mána ń i yá̰a̰ kəsa kə́ kaasí gə̄ gerə̄n̄ aĺ ní, i ni n i nge kadə̄sí kadə̄ ə́saī kem dəla loo tə́ ní. Ni- rāā adə̄ ko̰y əngesí i yā nāańsí ō, yá̰á̰ kə́ majə gə̄ kə́ tām̄ yāsí tə́ ní, ni-əndā dɔ jīn yā rāań majə sesí kem ndɔ̄ gə̄ ń a reēn̄ ɓáý tə́ ní ō.


Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.


Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.


Ba loo gə̄rā ń Nə́ɓā a gə̄rā de gə̄ ní, i yá̰á̰ kə́ nəkɔ́ ɔjə loon kété jóo: Nə́ɓā a gə̄rā de gə̄ i kə gō ɓāŕ ń nəkɔ́ a ɓāŕdə́ ní, banī i tām̄ kəla rāādə́ gə̄ tə́ alé. Yā kɔjəń kadə̄ n-əya̰ yá̰á̰ kə́ nəkɔ́ ɔjə loon kété kɔ̄ɔ́ aĺ ní, Nə́ɓā əda Rebeka na: Nge kə́ nga tɔ́gə a əla dɔn gíŕ tɔ́gə yā nge kə́ dūú tə́ ní. Ba dan ngeé ń noō tə́ ní Rebeka ojə ngán gə̄ ní aĺ ɓáý.


Tɔdɔ̄ Nə́ɓā a ajə ɓē kə́ Siyo̰ ō, a tél yā rāā ɓē gə̄ kə́ dɔ nang kə́ Juda tə́ gogə́ rang ō. Gír deē yān gə̄ a télən̄ yā taā ɓē gə̄ ní gogə́ ō, a télən̄ yā ndi kem ɓē gə̄ ní tə́ gogə́ ō.


Rɔ̄jí i kújə yājí kə́ dɔ nang tə́ laā. Ba jə-gerī kadə̄ ré kújə yājí ngeé ń toō nujə kɔ̄ɔ́ anī, j-awī kə nge kə́ a to ngándáńg dɔ rā̰ tə́, kə́ Nə́ɓā rāā tām̄ yājí tə́, kújə́ ní i kújə́ kə́ deē rāā kə jīneé alé.


Yá̰á̰ ń de gə̄ sāān̄ kadə̄ ī-rāāī ní, ḭḭ i rɔ̄ nge ń ɓāŕsí tə́ ní alé.


Dan ń de gə̄ ń nin̄ i Jipə aĺ gə̄ ní oōn̄ najə̄ gə̄ ń noō ní anī, rɔ̄də́ nel̄də́ ngá̰ý ō, ɔsən̄ gɔn najə̄ yā Kɔ́ɔ̄ɓē ō. De gə̄ malang ń Nə́ɓā reē sedə́ i tām̄ yā ndi kə kumuú kə́ ngándáńg tə́ ní, taān̄ kem.


Dɔ nang ndebə̄ ō, ndām̄ ngin ngin ō, dan ń Kɔ́ɔ̄ɓē rāā yá̰á̰ ń ni núm̄ yā rāā kə Babilon ní. N rāān adə̄ téĺ ndágə loo kə́ to kum ko̰ ō, kə́ deē gətóo tū tə́ ō.


Na majanī Kɔ́ɔ̄ɓē a a̰a̰ kum tō ndoō yāḿ adə̄ a rāā kadə̄ ndɔ̄ĺ yān a tél i tɔ́r̄ ta.


Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.


əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.


Banī tām̄ yā ngé gə̄ ń Nə́ɓā ɓāŕdə́ tə́ ní, Jipə gə̄ aké Gərek gə̄ ní, ni i Kərist, adə̄ i tɔ́gə yā Nə́ɓā ō kum kedə̄ yā Nə́ɓā ō.


Ɔr kumḿ sesí tɔdɔ̄ ī-téliī láẃ kɔ̄ɔ́ gō Nə́ɓā ń ɓāŕsí ba rajəsí kə ta kūl̄ Kərist ní, yā kunəń gō Najə̄ kə́ Majə kə́ rang.


I beé ní, mā ń i dəngáy kə gō ɓoo naā yāḿ kə Kɔ́ɔ̄ɓēé ní, m̄-rāāsí ɓɔ́ kadə̄ háĺsí ndetə naā kə ɓār̄ ń Nə́ɓā ɓāŕsí ní.


I beé n m-a̰yń ngɔ̄də̄ kum kə̄ loo kə́ yā dəba tū tə́ tə́, yā kadə̄ m-ə́ngeń yá̰a̰ kəndā nja ń Nə́ɓā ɓāŕjí kə ta kūl̄ Jeju Kərist, yā kadə̄ j-aw̄ j-əngeī dɔɔ́ nú ní.


I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.


Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.


Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.


Swiv nou:

Piblisite


Piblisite