Makətūbə̄ ń Pol ndang adə̄ Rom gə̄ ní 8:26 - Bibəl ta Sar̄

²⁶ Adə̄ i tītə̄ ń toō beé n Ndíĺ kə́ Táĺ reē yā dḭḭ̄jí najə̄ yā ngan̄g aĺ yājí tə́ ní. Tɔdɔ̄ jə-gerī loo ndɔ̄ȳ kə gōó alé. Ndíĺ a dəje yá̰a̰ tām̄ yājí tə́ i kə to̰ō̰ kógə̄ḿ kə́ deē asə kəda kum kə najá alé.

Bible sar

²⁶ Adə̄ i tītə̄ ń toō beé n *Ndíĺ kə́ Táĺ reē yā dḭḭ̄jí najə̄ yā ngan̄g aĺ yājí tə́ ní. Tɔdɔ̄ jə-gerī loo ndɔ̄ȳ kə gōó alé. Ndíĺ a dəje yá̰a̰ tām̄ yājí tə́ i kə to̰ō̰ kógə̄ḿ kə́ deē asə kəda kum kə najá alé.

Makətūbə̄ ń Pol ndang adə̄ Rom gə̄ ní 8:26 Referans Kwoze

MATIYE 10:20

Tɔdɔ̄ i sḭḭ̄ n ā ɔ̄rī najə̄ ní alé, banī i Ndíl Bɔbə̄sí n a ɔr̄ najə̄ ní kemsí tə́ ní.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

GALATƏ 4:6

Sḭḭ̄ i ngáń Nə́ɓā gə̄ rɔ̄kum i karī alé, tɔdɔ̄ Nə́ɓā əla Ndíl Ngōnən kemjí tə́, tá Ndíĺ ní əda kə ndū boó na Aba, Bɔbə̄jí!

JA̰A̰ 14:16

ba mā m-ā m̄-dəje Bɔbə́ḿ kadə̄ adə̄sí nge rāā sesí kə́ rang ń i Ndíl najə̄ kə́ rɔ̄kum ní, kadə̄ ndi sesí ngándáńg.

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

PĀ GƏ̄ 6:9

Sḭḭ̄ ngé rāā yá̰á̰ kə́ majaĺ gə̄ malang, ɔ̄rī rɔ̄sí rɔ̄ḿ tə́ kɔ̄ɔ́, tɔdɔ̄ Kɔ́ɔ̄ɓē oō kōō síkə̄ nōō yāḿ.

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

JAKƏ 4:3

Ī-dəjeī yá̰a̰ ba ə́ngeī yá̰á̰ ní alé, tɔdɔ̄ ī-dəjeī i kə gír̄ kə́ majaá alé. Gír̄ yāsí ní, ī-sāāī i nujə yá̰á̰ ń ī-dəjeī ní tām̄ yā rɔ̄nel̄ yāsí kə́ karī tə́ ngóy.

Makətūbə̄ ń Pol ndang adə̄ Rom gə̄ ní 15:1

Jḭḭ̄ ń jə-raī ngan̄g dɔ taā kem yājí tə́ ní, majə kadə̄ jə-rāāī kə ngé gə̄ ń tɔ́gə́də́ gətóo ní, bā jə-lōōī sāā rāā yá̰á̰ kə́ kadə̄ nel̄jí jḭḭ̄ kɔ́ gə̄.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

2 KORḚNTƏ 5:4

Rɔ̄kum, dan ń jə-ndiī i kem kújə́ kə́ dɔ nang tə́ ń toō tə́ ɓáý ní, j-a jə-to̰ō̰ī i mbée rus rus, tām̄ jḭḭ̄ i gíŕ yá̰á̰ kə́ kɔȳń tɔȳ tɔ́gə́jí tə́. Kumən na jə-sāāī i kadə̄ rɔ̄jí kə́ dɔ nang tə́ kə gətóo kɔ̄ɔ́ alé, banī jə-ndə̄ngāī i kadə̄ əlan̄ rɔ̄jí kə́ dɔ rā̰ tə́ rɔ̄jí tə́, yā kadə̄ yá̰á̰ ń a oy kɔ̄ɔ́ ní, ndi kə kumuú utə̄ dɔn kɔ̄ɔ́.

PĀ GƏ̄ 10:17

Kɔ́ɔ̄ɓē, ngé tél kə rɔ̄də́ kə̄ nang tə́ gə̄ ní, ḭ̄ ādə̄də́ yá̰á̰ ń ɓōn i kemdə́ tə́ ní. Ī-rāā ādə̄ kemdə́ tetə kə̄ nang tə́ ō, ī-nēl̄ mbīí ōoń ɓār̄ yādə́ ō,

2 KORḚNTƏ 5:2

Adə̄ dan ń jə-ndiī kem kújə́ kə́ dɔ nang tə́ ngeé ń toō tə́ ní, jə-to̰ō̰ī rus rus, tɔdɔ̄ ngur kəla kújə yājí kə́ dɔ rā̰ tə́ kūbə̄ tə́ rɔ̄jí tə́ dɔ madə̄ tə́ rāājí ngá̰ý.

MATIYE 20:22

Jeju tél ədadə́ na gerə̄n̄ kum yá̰á̰ ń dəjenən̄ toó alé, ké asən̄ ka̰ȳ yá̰á̰ kə́ kem kopoó ń n-a n-rāā yā ka̰ȳ toó wa. Anī nin̄-tél ədanən̄ na n-asən̄.

PĀ GƏ̄ 102:5

Dan wurəḿ tutə tītə̄ mu kə́ deē əja beé, adə̄ dɔḿ ndígə̄nal kəsa yá̰a̰ kɔ̄ɔ́.

PĀ GƏ̄ 6:3

Kɔ́ɔ̄ɓē, ādə̄ kumií o̰o̰ī tām̄ yāḿ tə́, tɔdɔ̄ tɔ́gə́ḿ gətóo. Kɔ́ɔ̄ɓē, m̄-ndebə kə̄ kem kə̄ngāḿ gə̄ tə́ malang, ī-rāā ādə̄ rɔ̄ḿ ngan̄g.

HEBƏRO 5:2

Ngé gə̄ ń gerə̄n̄ yá̰a̰ aĺ ō, ndúmə̄n̄ ō ní, ni a asə ger̄ kum sedə́, tām̄ tɔ́gə gətóo yān nəkɔ́ ngá̰ý ō.

Makətūbə̄ ń Pol ndang adə̄ Rom gə̄ ní 7:24

Háy, rɔ̄ ndoō kə́ ba̰ý beē! I náā n a taām̄ jī kə́ nge kəlam̄ ta yo tə́ ń toō ní?

PĀ GƏ̄ 69:3

M-údə kum bɔr kə́ lú ngá̰ý tə́ kə́ loo kə́ ngan̄g gətóó gírí ō, yá̰á̰ kə́ yā kəhɔm̄ kə̄ dɔɔ́ gətóo tū tə́ ō. Mā i dan ɓūlūú. Katə man̄ əjam̄ aw̄ seḿ.

PĀ GƏ̄ 102:20

Kɔ́ɔ̄ɓē ndi dɔɔ́ kem kújə́ kə́ táĺ yān tə́ ba əga kumən kə̄ nang tə́ a̰a̰ń loo. Kɔ́ɔ̄ɓē ndi dɔ rā̰ tə́ a̰a̰ń loo kə̄ dɔ nang tə́,

Makətūbə̄ yā Job 37:19

Yá̰á̰ ń j-asə kəda Nə́ɓā ní, ī-ndóōm̄ ādə̄ m̄-ger̄! Najə̄ kə́ əhɔ naā majə kə́ kadə̄ j-ɔr̄ seneé gətóo! Tɔdɔ̄ jə-ndi i kum loo kə́ risə til nding tə́.

NŌŌ RƆ̄ 3:56

Ōō ndūḿ, ī-lōō kutə̄ mbīí ta koō ń m-ɔ́sə pḭ pḭ tə́ ní ō, ta ɓāŕ ń m̄-ɓāríī kadə̄ ī-dḭḭ̄m̄ tə́ ní ō.