Makətūbə̄ ń Pol ndang adə̄ Rom gə̄ ní 8:24 - Bibəl ta Sar̄

²⁴ Tɔdɔ̄ ajən̄jí kɔ̄ɔ́ ɓá, banī kajə ní i kajə kə́ kadə̄ j-əndaī kemjí dɔ tə́ ɓáý. Tá yá̰á̰ ń deē əndā kemən dɔ tə́ ní ré a̰a̰ kɔ̄ɔ́ anī, ni a əndā kemən dɔ tə́ to̰ alé. I náā n i nge kəndā kemən dɔ yá̰á̰ kə́ ni-a̰a̰ kɔ̄ɔ́ ɓá tə́ ní?

Bible sar

²⁴ Tɔdɔ̄ ajən̄jí kɔ̄ɔ́ ɓá, banī kajə ní i kajə kə́ kadə̄ j-əndaī kemjí dɔ tə́ ɓáý. Tá yá̰á̰ ń deē əndā kemən dɔ tə́ ní ré a̰a̰ kɔ̄ɔ́ anī, ni a əndā kemən dɔ tə́ to̰ alé. I náā n i nge kəndā kemən dɔ yá̰á̰ kə́ ni-a̰a̰ kɔ̄ɔ́ ɓá tə́ ní?

Makətūbə̄ ń Pol ndang adə̄ Rom gə̄ ní 8:24 Referans Kwoze

HEBƏRO 11:1

Taā kem i yá̰a̰ kə́ deē ger̄ mámák kadə̄ yá̰a̰ gə̄ ń ə̄ndā kemən dɔ tə́ ní, deē a ənge. Yá̰a̰ gə̄ ń deē a̰a̰də́ kə kumneé aĺ ní, taā kem ɔjə kə̄ ndágá kadə̄ yá̰á̰ gə̄ ní ton̄ rɔ̄kum.

2 KORḚNTƏ 5:7

Tɔdɔ̄ jḭḭ jə-njə̄rā i kə gō taā kem yājí, ba i kə gō yá̰á̰ ń j-a̰ā̰ kə kumjí ní alé.

2 KORḚNTƏ 4:18

Tɔdɔ̄ j-əndā kumjí i dɔ yá̰á̰ kə́ deē a̰a̰ kə kumneé tə́ alé, banī i dɔ yá̰á̰ kə́ deē a a̰a̰ kə kumneé aĺ tə́. Yá̰á̰ ń deē a̰a̰ kə kumneé ní i yá̰á̰ kə́ a to dan i ngá̰ý alé, banī yá̰á̰ ń deē a̰a̰ kə kumneé aĺ ní, i yá̰á̰ kə́ a to ngándáńg.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

1 TESALONIK 5:8

Banī jḭḭ̄ ń i de kə́ kadaá gə̄ ní, ādə̄ j-əhɔī rɔ̄jí dɔ yá̰á̰ tə́. J-əlaī kūbə̄ gində̄ ń i taā kem ō, tár ō ní rɔ̄jí tə́ ō, jākā kəndā kem dɔ kajə tə́ dɔjí tə́ ō.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

Makətūbə̄ ń Pol ndang adə̄ Rom gə̄ ní 5:2

I kə kūl̄neé n j-əngeīń ta róbə kadə̄ Nə́ɓā rajəńjí dan ń jə-taāīń kem ní. Rajə yān i naā tə́ sejí, yá̰á̰ ń j-ɔjə rɔ̄jí tāmən tə́ ní i kɔsə gɔn yā Nə́ɓā ń j-əndāī kemjí dɔ tə́ ní.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

KOLOSƏ 1:27

Tɔdɔ̄ Nə́ɓā gḛy kɔjədə́ najə̄ yā yá̰á̰ kə́ to kɔsə gɔn kə́ to loo mundə̄ tə́ ń ni-rāā kə ta kūl̄ Kərist tām̄ yājí tə́ ní, kadə̄ gerə̄n̄. Dan de gə̄ ń nin̄ i Jipə aĺ gə̄ tə́ ní, yá̰á̰ kə́ to loo mundə̄ tə́ ngeé ń toō i Kərist. J-əndāī kemjí dɔ kɔsə gɔn yā Nə́ɓā tə́ i kə ta kūl̄neé.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

GALATƏ 5:5

Kə́ tām̄ yājí tə́ tā anī, j-a jə-ngóō kə ngangāá kə ta kūl̄ Ndíl kadə̄ Nə́ɓā rāājí adə̄ jə-tél de kə́ súmūú gə̄ ta kumən tə́, tītə̄ ń j-əndāń kemjí dɔ tə́ ní.

PĀ GƏ̄ 146:5

Deē ń Nə́ɓā yā Jakob i nge rāā seneé ō, əndā kemən dɔ Kɔ́ɔ̄ɓē Nə́ɓā yān tə́ ō ní, rɔ̄n nelə̄n!

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

KOLOSƏ 1:23

Ba majə kadə̄ ī-raī ngan̄g dɔ taā kem tə́ ō, ādī tɔ́gə́sí to ō. Ī-lōōī kəya̰ najə̄ kə́ majə kɔ̄ɔ́. I ni n i yá̰a̰ kəndā kem dɔ tə́ yājí ní. Najə̄ kə́ Majə ngeé ń toō ń ōōī ní, ɔjən̄ de gə̄ kə̄ loo gə̄ tə́ malang dɔ nang tə́ laā ō, ba i mā Pol n m̄-tél nge rāā kəlan ní.

KOLOSƏ 1:5

Dan ń najə̄ kə́ rɔ̄kum, adə̄ i Najə̄ kə́ Majə, ugə̄ loosí ta kəga dɔ ɓáý ní, ōōī najə̄ yā yá̰a̰ kəndā kem dɔ tə́ ń Nə́ɓā ngɔ̄m̄ dɔ rā̰ tə́ tām̄ yāsí tə́ ní: Yá̰á̰ ní i ndi kə kumuú. Adə̄ taā kem yāsí ō, tár yāsí ō ní, ngəran ra i dɔ tə́.

1 KORḚNTƏ 13:13

Ngɔlaā ní yá̰a̰ gə̄ ń ton̄ gotoó ní gíŕdə́ i mətá: I taā kem ō, kəndā kem dɔ Nə́ɓā tə́ ō, tár ō. Ba dandə́ nin̄ kə́ mətá gə̄ tə́ ní, nge kə́ bo tɔȳdə́ malang i tár.

JAKARI 9:12

Siī dəngáy gə̄ ń kəndā kem dɔ tə́ yāsí i ngá̰ý ní, ī-tél ī-reēī gogə́ kem ɓē yāsí kə́ ngɔ̄m̄nən̄ majə tə́! Ɓōólaā nəkɔ́ ń toō m-ə́dásí najən̄, yá̰á̰ ń sḭḭ̄ āwīiń kɔ̄ɔ́ ɓá ní, m-ā m-ādə̄sí yá̰á̰ ní loo nja kə́ jōó tə́.

JEREMI 17:7

Ba tɔ́r̄ ta i dɔ deē ń əndā kemən dɔ Kɔ́ɔ̄ɓē tə́ ní. Kɔ́ɔ̄ɓē a rāā kadə̄ ni a ənī kemən báŕ báŕ.

PĀ GƏ̄ 33:18

Banī Kɔ́ɔ̄ɓē əndā kumən̄ gō ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 33:22

Kɔ́ɔ̄ɓē, j-əndā kemjí dɔí tə́ kə ngangá ngá̰ý ní ī-rāā kem majə sejí!

Gōsə̄ najə̄ gə̄ 14:32

Yá̰á̰ kə́ majaĺ yā nge kem ndul mbəre nge kem ndul ənīn, banī ká ré ni toń i ta yo tə́ gə̄gē de kə́ súmūú ənī kemən mámák.

Makətūbə̄ ń Pol ndang adə̄ Rom gə̄ ní 4:18

Abəraham taā kem Nə́ɓā ō, əndā kemən dɔ yá̰á̰ ń Nə́ɓā əda tə́ ní ō, tá i yá̰á̰ kə́ to kadə̄ deē a əndā kemən dɔ tə́ aĺ bátə́, ba ni-əndā kemən dɔ tə́ ō, taā kem ō, adə̄ i tām̄ ń noō tə́ n ni-téləń kaa nápar de kə́ ngá̰ý gə̄ tītə̄ ń Nə́ɓā ədanəń na: Ngán kaan gə̄ a télən̄ gíŕ nápar de kə́ ngá̰ý gə̄ ní.

Makətūbə̄ ń Pol ndang adə̄ Rom gə̄ ní 8:20

Tɔdɔ̄ əlan̄ dɔ yá̰a̰ gə̄ ń Nə́ɓā əndā ní gíŕ tɔ́gə yā yá̰á̰ kə́ rim karī gə̄ tə́. I kə gō kem ndigə yādə́ alé, banī i kə gō kem ndigə yā nge ń əla dɔdə́ gíŕ tɔ́gə yā yá̰á̰ kə́ rim gə̄ tə́ ní. Ɓá tā ba yá̰á̰ kógə̄ḿ kə́ kadə̄ deē əndā kemən dɔ tə́ to noó:

TITƏ 3:7

Ni-əda kə̄ ndágá wáńg na najə̄ gətóo dɔjí tə́ i kə ta kūl̄ kem majə yān, i yā kadə̄ jə-téliīń ngé kənge ndi kə kumuú kə́ ngándáńg gə̄, adə̄ i ndi kə kumuú kə́ ngándáńg ń j-əndāī kemjí dɔ tə́ ní.