Makətūbə̄ ń Pol ndang adə̄ Rom gə̄ ní 8:21 - Bibəl ta Sar̄

²¹ A gāngə̄n̄ dɔdə́, tɔdɔ̄ a ɔrə̄n̄də́ jī tɔ́gə́ kə́ nge nujə yá̰a̰ gə̄ tə́, yā kadə̄ a əngen̄ kɔsə gɔn yā ngáń Nə́ɓā gə̄ sedə́, ngán Nə́ɓā gə̄ ń nin̄ i kɔ́ɔ̄ rɔ̄də́ gə̄ ní.

Bible sar

²¹ A gāngə̄n̄ dɔdə́, tɔdɔ̄ a ɔrə̄n̄də́ jī tɔ́gə́ kə́ nge nujə yá̰a̰ gə̄ tə́, yā kadə̄ a əngen̄ kɔsə gɔn yā ngáń Nə́ɓā gə̄ sedə́, ngán Nə́ɓā gə̄ ń nin̄ i kɔ́ɔ̄ rɔ̄də́ gə̄ ní.

Makətūbə̄ ń Pol ndang adə̄ Rom gə̄ ní 8:21 Referans Kwoze

KƏLA RĀĀ 3:21

Kə́ ngɔr ń toō tə́ ɓáa i gáŕ kadə̄ Jeju Kərist a ndi i dɔ rā̰ tə́, bátə́ kadə̄ ndɔ̄ ń yá̰a̰ malang a téləń kə́ kijə ní reē ugə̄ń tītə̄ ń Nə́ɓā ədań kété jóo kə ta kūl̄ ngé koō ta yān kə́ táĺ gə̄ ní.

JEJU TEĒ KUM JA̰A̰ 21:1

Gō tə́ anī m-á̰a̰ dɔ rā̰ kə́ kijə ō, dɔ nang kə́ kijə ō. Tɔdɔ̄ dɔ rā̰ kə́ kété ō, dɔ nang kə́ kété ō ní, gətóon̄ kɔ̄ɔ́ ō, bā bo gətóo kɔ̄ɔ́ ō.

2 PIYER 3:13

Tá jə-ndi j-a jə-ngóōī i yá̰á̰ ń ni-ənī míndən najə̄n tə́ ní, adə̄ i dɔ rā̰ kə́ kijə ō, dɔ nang kə́ kijə ō ń yá̰á̰ kə́ gōtə́ a to tū tə́ ní.

Makətūbə̄ ń Pol ndang adə̄ Rom gə̄ ní 8:19

Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

Makətūbə̄ ń Pol ndang adə̄ Rom gə̄ ní 8:30

Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

1 KORḚNTƏ 15:42

A to i beé ndɔ̄ ń de kə́ koy gə̄ a ndólə̄n̄neé tə́ ní ō. Rɔ̄ ń dubə̄n̄ ní i rɔ̄ kə́ a oy, banī rɔ̄ ń oy tá ndól̄ ní, i rɔ̄ kə́ a oy to̰ alé.

HEBƏRO 12:27

Najə̄ ń na i nja kógə̄ḿ ɓáý to̰ ní, ɔjə kadə̄ yá̰á̰ kə́ to yéȳ gə̄ ń Nə́ɓā rāā ní, a gətóon̄ kɔ̄ɔ́, banī kə́ to yéȳ aĺ gə̄ a ton̄ ta kaw̄ jóo.