Makətūbə̄ ń Pol ndang adə̄ Rom gə̄ ní 8:19 - Bibəl ta Sar̄

¹⁹ Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

Bible sar

¹⁹ Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

Makətūbə̄ ń Pol ndang adə̄ Rom gə̄ ní 8:19 Referans Kwoze

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

Makətūbə̄ ń Pol ndang adə̄ Rom gə̄ ní 8:23

Banī i nin̄ ngóy alé, tɔdɔ̄ jḭḭ kɔ́ gə̄ ń j-əngeī Ndíĺ kə́ i yá̰á̰ kə́ ta kəga dɔ kə́ Nə́ɓā adə̄jí ní, jə-to̰ō̰ī kemjí tə́ loo ngóō ta Nə́ɓā tə́ kadə̄ gān̄g dɔ dā̰ rɔ̄jí ō.

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

KƏLA RĀĀ 3:21

Kə́ ngɔr ń toō tə́ ɓáa i gáŕ kadə̄ Jeju Kərist a ndi i dɔ rā̰ tə́, bátə́ kadə̄ ndɔ̄ ń yá̰a̰ malang a téləń kə́ kijə ní reē ugə̄ń tītə̄ ń Nə́ɓā ədań kété jóo kə ta kūl̄ ngé koō ta yān kə́ táĺ gə̄ ní.

IJAI 65:17

Tām̄ m-ā m̄-rāā dɔ rā̰ kə́ kijə ō, dɔ nang kə́ kijə ō. A əga kem deē dɔ yá̰á̰ kə́ mān̄ kɔ̄ɔ́ tə́ to̰ alé, deē a gír̄ dɔ tə́ to̰ alé.

MATIYE 5:9

Rɔ̄nel̄ i kə ngé gə̄ ń əndān̄ madə̄də́ gə̄ naā tə́ ní, tɔdɔ̄ Nə́ɓā a ɓāŕdə́ na i ngánən gə̄.

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

Makətūbə̄ ń Pol ndang adə̄ Rom gə̄ ní 8:14

De gə̄ malang ń i Ndíĺ Nə́ɓā n ɔjədə́ yá̰a̰ adə̄ rāān̄ ní, nin̄ i ngán Nə́ɓā gə̄.

Makətūbə̄ ń Pol ndang adə̄ Rom gə̄ ní 8:16

Ndíĺ Nə́ɓā əda ndíĺjí wáńg na jḭḭ̄ i ngáń Nə́ɓā.

Makətūbə̄ ń Pol ndang adə̄ Rom gə̄ ní 8:18

Tɔdɔ̄ m̄-gír̄ kadə̄ yá̰á̰ kə́ tōr̄ gə̄ ń j-əngeī ngɔlaā ní, i yá̰á̰ kə́ karī kadə kɔsə gɔn kə́ to loo mundə̄ tə́ kemjí tə́ ń a ɔjə rɔ̄n kə̄ ndágá wáńg ɓáý ní.

Makətūbə̄ ń Pol ndang adə̄ Rom gə̄ ní 9:26

Ba loo ń ədan̄də́ tū tə́ na sḭḭ̄ i gír deē yāḿ gə̄ aĺ ní, i loo nəkɔ́ ń noō tə́ n a ɓārə́n̄də́ tū tə́ na i gír deē yā Nə́ɓā kə́ ndi kə kumneé gə̄ ní.

1 KORḚNTƏ 1:7

adə̄ sḭḭ̄ ń ī-ndi ā ī-ngóōī kum mbang ń Kɔ́ɔ̄ɓē yājí Jeju Kərist a teēń hɔy tə́ ní, yá̰á̰ kógə̄ḿ kə́ Nə́ɓā a adə̄ de gə̄ kə ta kūl̄ kem ndaa yānneé kə́ sḭḭ̄ ī-nalī ní gətóo.

1 KORḚNTƏ 1:8

I ni n a mbūsə̄sí kadə̄ ī-raī ngan̄g bátə́ ta tɔ̄l̄ ta tə́, yā kadə̄ sḭḭ̄ i kə́ kanjə̄ najə̄ dɔsí tə́ ndɔ̄ yā Kɔ́ɔ̄ɓē yājí Jeju Kərist tə́ ō ní.

2 KORḚNTƏ 6:18

Loo ń noō tə́ mā i bɔbə̄sí ō, sḭḭ̄ i ngánə́ḿ kə́ dəngam gə̄ ō, kə́ dəyá̰ gə̄ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

KOLOSƏ 3:4

Kərist ń i ndi kə kumuú yāsí ní, dan ń a teē hɔý anī, sḭḭ̄ ā ī-teēī hɔy seneé ō, ā əngeī kɔsə gɔn yān ō.

HEBƏRO 12:27

Najə̄ ń na i nja kógə̄ḿ ɓáý to̰ ní, ɔjə kadə̄ yá̰á̰ kə́ to yéȳ gə̄ ń Nə́ɓā rāā ní, a gətóon̄ kɔ̄ɔ́, banī kə́ to yéȳ aĺ gə̄ a ton̄ ta kaw̄ jóo.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

1 JA̰A̰ 3:1

Á̰a̰ī táŕ kə́ ngá̰ý ń Bɔbə̄jí Nə́ɓā táŕjí kadə̄ ɓārə́nńjí ngánən gə̄ ní. Tɔdɔ̄ jḭḭ̄ i ngánən gə̄ rɔ̄kum. Ré de kə́ dɔ nang tə́ gə̄ gerə̄n̄jí aĺ anī, i tām̄ ger̄ ń nin̄-gerə̄n̄ Nə́ɓā aĺ tə́ ní ō.

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.