Makətūbə̄ ń Pol ndang adə̄ Rom gə̄ ní 8:11 - Bibəl ta Sar̄

¹¹ Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

Bible sar

¹¹ Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

Makətūbə̄ ń Pol ndang adə̄ Rom gə̄ ní 8:11 Referans Kwoze

2 KORḚNTƏ 4:14

Tɔdɔ̄ deē ń ndól̄ Kɔ́ɔ̄ɓē Jeju kə́ oy ní, jə-ger̄ kadə̄ ni a ndól̄jí naā tə́ kə Jeju ō, a əndājí kadən tə́ ngɔr naā tə́ sesí ō.

2 KORḚNTƏ 4:11

Tɔdɔ̄ jḭḭ ń jə-ndi kə kumjí ní, əlan̄jí ta yo tə́ kə dɔ ndɔ̄ gə̄ najə̄ yā Jeju tə́, yā kadə̄ ndi kə kumuú yā Jeju ɔjəń rɔ̄n kə̄ ndágá kem dā̰ rɔ̄jí kə́ a oy tə́ ō.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

1 KORḚNTƏ 6:14

Ba Nə́ɓā ń ndól̄ Kɔ́ɔ̄ɓē ń oy ní, ré j-oyiī anī ni a ndól̄jí kə tɔ́gəneé ō.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

PILIPƏ 3:21

Ni a tūr̄ rɔ̄jí kə́ dɔ nang tə́ kə́ to rɔ̄ tō ndoō ń toō kɔ̄ɔ́, kadə̄ tél to tītə̄ rɔ̄n nəkɔ́ ń i rɔ̄ kə́ to kɔsə gɔn ní. Ni a rāā nge ń noō i kə tɔ́gə́ ń ni a əlań dɔ yá̰a̰ malang gíŕ tɔ́gə yān tə́ ní.

JA̰A̰ 5:21

Tītə̄ ń Bɔbə̄ Ngōn̄ ndól̄ de kə́ koy gə̄ ba rāā adə̄ ndin̄ kə kumdə́ ní, tītə̄ ń toō Ngōn̄ rāā adə̄ ngé gə̄ ń ni-ndigədə́ ní ndin̄ kə kumdə́ ō.

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

EJEKIEL 37:14

M-ā m-ə́lá ndílə́ḿ kemsí tə́, adə̄ ā ī-ndiī kə kumsí. M-ā m-ə̄ndāsí dɔ nang yāsí tə́. Loo ń noō tə́ ā ī-gerī kadə̄ i mā Kɔ́ɔ̄ɓē n m-ɔ̄r̄ najə̄ ní ō, m̄-rāā yá̰á̰ ń m-ə́dá ní ō. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 11:11

Ba gō ndɔ̄ kə́ mətá kə núsə́ ní tə́ anī, koō kógə̄ḿ kə́ a rāā deē kadə̄ ndi kə kumneé, ḭḭ rɔ̄ Nə́ɓā tə́ udə kemdə́ tə́, adə̄ ḭḭ ran̄ kə njadə́ dɔɔ́. Loo ń noō tə́ ɓōĺ rāā de gə̄ ń a̰a̰n̄də́ ní ngá̰ý.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

JA̰A̰ 14:17

De kə́ dɔ nang tə́ gə̄ asən̄ kəhɔn kə̄ rɔ̄də́ tə́ alé, tɔdɔ̄ nin̄-a̰a̰nən̄ aĺ ō, ger̄nən̄ aĺ ō. Ba sḭḭ̄ ī-ger̄niī, tɔdɔ̄ ni-ndi sesí ō, ndi kemsí tə́ ō.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

1 KORḚNTƏ 15:16

Tɔdɔ̄ ré de kə́ koy gə̄ a ndólə̄n̄ aĺ anī, Kərist ń oy ní ndól̄ aĺ ō.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

Makətūbə̄ ń Pol ndang adə̄ Rom gə̄ ní 6:12

Ī-lōōī kadə̄ majaĺ o̰o̰ ɓē dɔ dā̰ rɔ̄sí kə́ a oy kɔ̄ɔ́ ń toō tə́, na sōgə́ ā ōōī i yān tá loo rāā yá̰a̰ gə̄ ń ngurdə́ a rāān tə́ ní.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

2 KORḚNTƏ 5:4

Rɔ̄kum, dan ń jə-ndiī i kem kújə́ kə́ dɔ nang tə́ ń toō tə́ ɓáý ní, j-a jə-to̰ō̰ī i mbée rus rus, tām̄ jḭḭ̄ i gíŕ yá̰á̰ kə́ kɔȳń tɔȳ tɔ́gə́jí tə́. Kumən na jə-sāāī i kadə̄ rɔ̄jí kə́ dɔ nang tə́ kə gətóo kɔ̄ɔ́ alé, banī jə-ndə̄ngāī i kadə̄ əlan̄ rɔ̄jí kə́ dɔ rā̰ tə́ rɔ̄jí tə́, yā kadə̄ yá̰á̰ ń a oy kɔ̄ɔ́ ní, ndi kə kumuú utə̄ dɔn kɔ̄ɔ́.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

Makətūbə̄ ń Pol ndang adə̄ Rom gə̄ ní 8:12

Tītə̄ ń toō ní ngákó̰ó̰ḿ gə̄, i gáŕ kadə̄ jə-rāāī yá̰a̰ gə̄ ń Nə́ɓā ndigə ní, ba i gáŕ kadə̄ jə-rāāī yá̰a̰ gə̄ ń dā̰ rɔ̄jí kə́ nge rāā majaĺ ń toō ndigə ní to̰ alé.

Makətūbə̄ ń Pol ndang adə̄ Rom gə̄ ní 16:3

Ī-rāāī Pərisil ō Akilas ō lápə́ya ādə̄mī. Nin̄ i madə̄ kəlaḿ kə́ loo kɔjə najə̄ yā Jeju Kərist tə́.

Makətūbə̄ ń Pol ndang adə̄ Rom gə̄ ní 16:7

Ī-rāāī Andəronikus ō Junias ō lápə́ya ādə̄mī. Nin̄ i mósə́ḿ gə̄ ō, madə̄ dəngáýḿ gə̄ ō. Nin̄ i ngámbang kəla kə́ bo gə̄, tá nin̄ i ngé yā Kərist gə̄ kété noḿ mā tə́ ɓáý to̰.

Makətūbə̄ ń Pol ndang adə̄ Rom gə̄ ní 16:9

Ī-rāāī Urbḛ lápə́ya ādə̄mī ō. Ni i madə̄ kəlají loo kɔjə najə̄ yā Kərist tə́. Ī-rāāī kó tár yāḿ Sətakis lápə́ya ō.

Makətūbə̄ ń Pol ndang adə̄ Rom gə̄ ní 16:10

Ī-rāāī Apel lápə́ya ādə̄mī. Ni-rāā yá̰á̰ kə́ ɔjə kə̄ ndágá kadə̄ ni i nge taā kem Kərist. Ī-rāāī de kə́ kem kújə yā Aristobul tə́ gə̄ lápə́ya ādə̄mī.

GALATƏ 6:8

Ré yá̰á̰ ń ī-dubə̄ ní, i yá̰á̰ kə́ tām̄ yā dā̰ rɔ̄ tə́ anī, yá̰á̰ ń ā ə́já ní, i yá̰á̰ ń dā̰ rɔ̄ adə̄ ní, adə̄ i yá̰á̰ kə́ ndum. Ré yá̰á̰ ń ī-dubə̄ ní, i yá̰á̰ kə́ kə gō kem ndigə yā Ndíl anī, yá̰á̰ ń ā ə́ja kə ta kūl̄ Ndílí ní, i ndi kə kumuú kə́ ngándáńg.