Makətūbə̄ ń Pol ndang adə̄ Rom gə̄ ní 8:1 - Bibəl ta Sar̄

¹ Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

Bible sar

¹ Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə *Kərist gə̄ ní gətóo.

Makətūbə̄ ń Pol ndang adə̄ Rom gə̄ ní 8:1 Referans Kwoze

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

Makətūbə̄ ń Pol ndang adə̄ Rom gə̄ ní 8:34

I náā n a gān̄g sarya dɔdə́ tə́ ní? I Kərist Jeju ń oy ba ndól̄ ō, ndi dɔ jī ko̰ Nə́ɓā tə́ ō, a ndɔ̄ȳ tām̄ yājí tə́ ō ní.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

JA̰A̰ 15:4

Ī-ndiī kemḿ tə́ tītə̄ ń mā m̄-ndiń kemsí tə́ ní. Ta jī kāgə̄ a a̰a̰n̄ kə dɔneé alé, ba a a̰a̰n̄ i loo ń ni i tū kāgə̄ tə́ tá ní. Ré sḭḭ̄ ī-ndiī kemḿ mā tə́ aĺ anī, sḭḭ̄ ā ānī aĺ ō.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

Makətūbə̄ ń Pol ndang adə̄ Rom gə̄ ní 8:14

De gə̄ malang ń i Ndíĺ Nə́ɓā n ɔjədə́ yá̰a̰ adə̄ rāān̄ ní, nin̄ i ngán Nə́ɓā gə̄.

1 KORḚNTƏ 15:22

Tītə̄ ń de gə̄ malang oyn̄ sɔɔ̄ń i Adam ní, de gə̄ malang a ndin̄ kə kumdə́ sɔɔ̄ń i Kərist ō.

GALATƏ 5:16

M-ə́dásí ɓáý to̰, ə́ya̰ī ādī i Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní.

Makətūbə̄ ń Pol ndang adə̄ Rom gə̄ ní 8:4

Ni-rāā tītə̄ ń noō i yā kadə̄ yá̰á̰ kə́ gōtə́ ń ndū najə̄ əndā dɔ de gə̄ tə́ ní, i kə́ rāā tɔ̄l̄ ta kemjí jḭḭ̄ ń jə-ndiī i kə gō yā dā̰ rɔ̄ɔ́ to̰ alé, banī i kə gō yā Ndíĺ kə́ Táĺ ní.

Makətūbə̄ ń Pol ndang adə̄ Rom gə̄ ní 8:39

aké i yá̰á̰ kə́ tɔ́gə́də́ i ngá̰ý gə̄ kə́ dɔ rā̰ tə́, aké i yá̰á̰ kə́ tɔ́gə́də́ i ngá̰ý gə̄ kə́ dɔ nang tə́, aké i yá̰á̰ kə́ rang kə́ Nə́ɓā rāā, yá̰a̰ gə̄ ń noō malang ní, asən̄ kēgə̄jí naā tə́ kə táŕ ń Nə́ɓā ɔjə kə̄ ndágá tām̄ yājí tə́ kə ta kūl̄ Kɔ́ɔ̄ɓē yājí Jeju Kərist ní alé.

GALATƏ 5:25

Ré jə-ndiī kə kumjí i kə ta kūl̄ Ndíl anī, ādə̄ jə-rāāī yá̰a̰ i gō yā Ndíĺ tə́ ō.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

JA̰A̰ 14:20

Ndɔ̄ ń noō tə́ ní ā ī-gerī kadə̄ mā i kem Bɔbə́ḿ tə́ ō, sḭḭ̄ i kemḿ mā tə́ ō, mā i kemsí tə́ ō.

Makətūbə̄ ń Pol ndang adə̄ Rom gə̄ ní 7:20

Ba ré yá̰á̰ ń m̄-gḛy aĺ ní tá m̄-rāā anī, deē ń a rāā yá̰á̰ ń noō ní i mā to̰ alé, banī i majaĺ kə́ kemḿ tə́.

Makətūbə̄ ń Pol ndang adə̄ Rom gə̄ ní 7:17

Adə̄ deē ń a rāā yá̰á̰ ń toō ní, i mā to̰ alé, banī i majaĺ kə́ kemḿ tə́.

2 KORḚNTƏ 12:2

m̄-ger̄ deē yā Kərist kógə̄ḿ, kə́ un aw̄n̄ seneé dɔ rā̰ kə́ nge ko̰ mətá tə́, asə ɓāl̄ kutə kógə̄ḿ gidə i sɔ́ kə̄ gogə́ nú kɔ̄ɔ́ tā. Ká unən̄ i mbéé kə́ rɔ̄kum tə́ aáā, ni-a̰a̰ i yá̰a̰ aáā, mā m̄-ger̄ alé, i Nə́ɓā tá ger̄.

Makətūbə̄ ń Pol ndang adə̄ Rom gə̄ ní 16:7

Ī-rāāī Andəronikus ō Junias ō lápə́ya ādə̄mī. Nin̄ i mósə́ḿ gə̄ ō, madə̄ dəngáýḿ gə̄ ō. Nin̄ i ngámbang kəla kə́ bo gə̄, tá nin̄ i ngé yā Kərist gə̄ kété noḿ mā tə́ ɓáý to̰.

Makətūbə̄ ń Pol ndang adə̄ Rom gə̄ ní 16:3

Ī-rāāī Pərisil ō Akilas ō lápə́ya ādə̄mī. Nin̄ i madə̄ kəlaḿ kə́ loo kɔjə najə̄ yā Jeju Kərist tə́.

EJEKIEL 18:9

Ni-rāā yá̰a̰ gə̄ ń ndū najə̄ yāḿ gə̄ ədan̄ ní ō, əndā kumən gír jī bēl̄ loo rāā yá̰a̰ yāḿ gə̄ tə́ ba rāādə́ kanjə̄ kəya̰ gō kɔ̄ɔ́ ō. Adə̄ mā Kɔ́ɔ̄ɓē Nə́ɓā m-ə́da na de kə́ beé i de kə́ gōtə́ rɔ̄kum ō, ni a ndi kə kumneé ō.

Makətūbə̄ ń Pol ndang adə̄ Rom gə̄ ní 5:16

Yá̰á̰ kə́ teē loo kadə̄ karī yā Nə́ɓā tə́ ō, kə́ loo rāā majaĺ yā de kə́ kal kógə̄ḿ beé tə́ ō, a asən̄ naā i ba̰ý? Tɔdɔ̄ sarya rāā majaĺ yā de kə́ kal kógə̄ḿ beē ń toō a teē i yo. Ba yá̰á̰ ń Nə́ɓā adə̄ de gə̄ karī gō majaĺ yādə́ gə̄ kə́ rāān̄ nja ngá̰ý gə̄ tə́ ní, i kadə̄ nin̄-télən̄ de kə́ súmūú gə̄.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

Makətūbə̄ ń Pol ndang adə̄ Rom gə̄ ní 8:11

Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

EPEJƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní n m-ə́la kə makətūbə̄ ń toó m-ādə̄sí, sḭḭ̄ de gə̄ yā Nə́ɓā ń ī-ndiī Epejə ba ī-taāī kem Jeju Kərist ní.