Makətūbə̄ ń Pol ndang adə̄ Rom gə̄ ní 7:7 - Bibəl ta Sar̄

⁷ Kumən na i rí? I kadə̄ i ndū najə̄ n i yá̰á̰ kə́ majaĺ ní a? I tītə̄ ń noō alé. Banī i ndū najə̄ ngóy n rāā á m̄-gerə̄ń yá̰á̰ ń a ɓārə́n̄ na i yá̰á̰ kə́ majaĺ ní. Tītə̄ ń toō ní ré ndū najə̄ əda na: Ī-ndə̄ngā yá̰a̰ yā madí aĺ anī, mā m-ā m̄-ger̄ kadə̄ ndə̄ngā yá̰a̰ yā naā i yá̰á̰ kə́ majaĺ alé.

Bible sar

⁷ Kumən na i rí? I kadə̄ i *ndū najə̄ n i yá̰á̰ kə́ majaĺ ní a? I tītə̄ ń noō alé. Banī i ndū najə̄ ngóy n rāā á m̄-gerə̄ń yá̰á̰ ń a ɓārə́n̄ na i yá̰á̰ kə́ majaĺ ní. Tītə̄ ń toō ní ré ndū najə̄ əda na: Ī-ndə̄ngā yá̰a̰ yā madí aĺ anī, mā m-ā m̄-ger̄ kadə̄ ndə̄ngā yá̰a̰ yā naā i yá̰á̰ kə́ majaĺ alé.

Makətūbə̄ ń Pol ndang adə̄ Rom gə̄ ní 7:7 Referans Kwoze

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

Teē Ngán Israel gə̄ 20:17

Ā ī-ndə̄ngā yá̰a̰ yā madí, adə̄ i kújə yān aĺ ō, nə̄yá̰n al̄ ō, nge kəla yān kə́ dəngam al̄ ō, nge kəla yān kə́ dəyá̰ al̄ ō, man̄g yān aĺ ō, kərō yān aĺ ō.

Makətūbə̄ ń Pol ndang adə̄ Rom gə̄ ní 4:15

Tɔdɔ̄ ndū najə̄ a reē kə wōn̄g yā Nə́ɓāá dɔ de gə̄ tə́, ba loo ń ndū najə̄ gətóo tū tə́ ní, loo mbātə́ rāā yá̰á̰ kə́ ndū najə̄ ɔjə a gətóo ō.

1 KORḚNTƏ 15:56

Yá̰á̰ kə́ ta katə yā yo i majaĺ, ba tɔ́gə yā majaĺ i ndū najə̄.

NDŪ NAJƏ̄ 5:21

Ī-lōō sāā ɓīī kə nə̄yá̰ madí. Ā ī-ndə̄ngā yá̰a̰ yān kógə̄ḿ alé. Ā ī-ndə̄ngā kújə yān aĺ ō, ndɔr̄ yān aĺ ō, nge kəla yān kə́ dəngam aĺ ō, kə́ dəyá̰ aĺ ō, man̄g yān aĺ ō, kərō yān aĺ ō.

Makətūbə̄ ń Pol ndang adə̄ Rom gə̄ ní 13:9

Tɔdɔ̄ gō míndə gə̄ ń na: Ā ī-rāȳ aĺ ō, ā ī-tɔ̄l̄ deē aĺ ō, ā ī-ɓogə aĺ ō, ā ī-ndə̄ngā yá̰a̰ yā madí aĺ ō, naā tə́ kə gotə ndū najə̄ kə́ rang gə̄ malang ní, i kem najə̄ kə́ kógə̄ḿ beé ń toō tə́: Ā ī-tár madí tītə̄ rɔ̄í īkɔ́ beé.

Makətūbə̄ ń Pol ndang adə̄ Rom gə̄ ní 7:8

Dan ń gō míndə gə̄ reēn̄ ɓá ní, yá̰á̰ kə́ majaĺ tetə rɔ̄n gō tə́, ba əndā ngur yá̰á̰ kə́ majaĺ gə̄ malang kemḿ tə́. Tɔdɔ̄ ré ndū najə̄ gətóo anī, yá̰á̰ kə́ majaĺ rāā rɔ̄n i yá̰á̰ kə́ koy kɔ̄ɔ́ tə́.

1 TESALONIK 4:5

kanjə̄ kəya̰ ɓō yá̰á̰ kə́ kemən tə́ kadə̄ un dɔn tītə̄ ń de kə́ ndágá gə̄ a rāān̄neé ní.

Makətūbə̄ ń Pol ndang adə̄ Rom gə̄ ní 3:5

Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

EPEJƏ 5:3

Sḭḭ̄ i dan de gə̄ yā Nə́ɓā tə́, adə̄ majə kadə̄ sāā naā loo kaya tə́, aláa gíŕ yá̰á̰ kə́ yḛr kə́ tayā tayā gə̄, aláa kum sə̄ngā yá̰á̰ ní, i kə́ yā kəda rī dɔ dansí tə́ alé.

Makətūbə̄ ń Pol ndang adə̄ Rom gə̄ ní 7:13

Adə̄ yá̰á̰ ń i yá̰á̰ kə́ majə ní tél reē kə yoó dɔḿ tə́ a? I tītə̄ ń noō alé. I majaĺ n rāā yá̰á̰ ń noō ní. Ni ɔjə kə̄ ndágá kadə̄ ni i yá̰á̰ kə́ majaĺ. Tɔdɔ̄ ni-un yá̰á̰ kə́ majə tɔ̄l̄məń. Loo téĺ ń yá̰á̰ kə́ majaĺ téləń yá̰á̰ kə́ majaĺ ngá̰ý al̄ naā kə ta kūl̄ gō míndə́ ní n noó.

Makətūbə̄ ń Pol ndang adə̄ Rom gə̄ ní 7:11

Tɔdɔ̄ dan ń gō míndə reē ní, yá̰á̰ kə́ majaĺ tetə rɔ̄n gōn tə́, ba kɔ́ləm̄ aw̄ seḿ kum yo tə́.

Makətūbə̄ ń Pol ndang adə̄ Rom gə̄ ní 7:5

Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.

Makətūbə̄ ń Pol ndang adə̄ Rom gə̄ ní 6:15

Kumən na i rí? Kə jə-rāāī yá̰á̰ kə́ majaĺ tām̄ ndi ń jə-ndiī gír ndū najə̄ tə́ to̰ alé, banī i gír rajə yā Nə́ɓā tə́ ní a? I tītə̄ ń noō alé.

Makətūbə̄ ń Pol ndang adə̄ Rom gə̄ ní 4:1

Ní, kə j-əda na i rí dɔ kaají Abəraham tə́ tā? I yá̰a̰ rí n ni-ənge ní?

KƏLA RĀĀ 20:33

Mā m̄-ndə̄ngā nar, aláa lɔ́r, aláa kūbə̄, yā deē kógə̄ḿ alé.

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

MATIYE 5:28

Ba mā m-ə́dásí na deē ń a̰a̰ dəyá̰ ba ngurən rāān anī, sāān loo kaya tə́ kemən tə́ kɔ̄ɔ́ ɓá.

MISE 2:2

Ré ndɔr̄ yā madə̄də́ gə̄ sə̄ngā kumdə́ anī, nin̄ taān̄ ndɔr̄ ní ō, ré gḛyn̄ i kújə yādə́ gə̄ anī, nin̄ táān̄ kújə gə̄ ní ō. Nin̄ ḭḭn̄ gúu dɔ de kə́ dəngam gə̄ tə́ ō, dɔ kojə yādə́ gə̄ tə́ ō, dɔ kɔ́ɔ̄ yá̰a̰ gə̄ tə́ ō, táān̄ yá̰a̰ kənge yādə́ gə̄ dɔ gúú tə́ ō.

PĀ GƏ̄ 119:96

Yá̰a̰ malang kə́ majə ɔtə̄ kə́ taá ní m-á̰a̰ ta ngóýn, banī ta ngóy gō míndí gətóo.

2 SAMUEL 11:2

Ndɔ̄ kógə̄ḿ tə́ loo sɔlí dan ń Dabid ɔr̄ koō oy anī, ḭḭ dɔ tə̄rá yān tə́ ba aw̄ njə̄rā dɔ kújə́ dúŕ dur yā mban̄g tə́. Ni-ra dɔ kújə́ ní tə́, anī a̰a̰ dəyá̰ kógə̄ḿ loo ndogə̄ man̄ tə́. Dəyá̰ ní mandə ngá̰ý.

JOJUE 7:21

M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

Najə̄ kə́ Majə yā Jeju ń Luk ndang ní 20:16

Ni a reē yā tɔ̄l̄ ngé ndɔr̄ gə̄ ní, ba a əndā de kə́ rang gə̄ ta kāgə̄ nduú yān tə́. Dan ń nin̄-oōn̄ tītə̄ ń noō anī, ədan̄ na: Ādə̄ yá̰á̰ kə́ tītə̄ ń noō rāā yá̰a̰ aĺ ɓɔ́ nəkɔ́ tá.

Makətūbə̄ ń Pol ndang adə̄ Rom gə̄ ní 5:20

Tɔdɔ̄ ndū najə̄ yā Nə́ɓā reē yān yā kadə̄ majaĺ ń de gə̄ rāān̄ ní taā loo ɓá tā, banī loo ń majaĺ yā de gə̄ taā loo tū tə́ ní, rajə yā Nə́ɓā al̄ ngandə̄ tū tə́ ō.

HEBƏRO 7:19

Tɔdɔ̄ yá̰á̰ kə́ ndū najə̄ yā Moijə rāā adə̄ reē majə ɔtə̄ kə́ taá beé gətóo. Banī adə̄n̄jí kəndā kem dɔ tə́ kə́ majə tɔȳ kə́ kété. Adə̄ jə-ndɔ́tī ngɔr kə̄ rɔ̄ Nə́ɓā tə́, i kə ta kūl̄ kəndā kem dɔ tə́ ngeé ń toō.