Makətūbə̄ ń Pol ndang adə̄ Rom gə̄ ní 7:6 - Bibəl ta Sar̄

⁶ Ba ngɔlaā ní yá̰a̰ gə̄ ń i dɔjí tə́ tītə̄ ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.

Bible sar

⁶ Ba ngɔlaā ní yá̰a̰ gə̄ ń i dɔjí tə́ tītə̄ *ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā *Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.

Makətūbə̄ ń Pol ndang adə̄ Rom gə̄ ní 7:6 Referans Kwoze

2 KORḚNTƏ 3:6

Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.

Makətūbə̄ ń Pol ndang adə̄ Rom gə̄ ní 7:4

Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

Makətūbə̄ ń Pol ndang adə̄ Rom gə̄ ní 6:4

Batéḿ ń rāān̄jí ní, rāān̄jí i batém koy ń j-oyiī naā tə́ kə Kərist adə̄ dubə̄n̄jí naā tə́ seneé ní. I yā kadə̄ tītə̄ ń kɔsə gɔn yā Bɔbə̄ Ngōn̄ ndóləń Kərist dan de kə́ koy gə̄ tə́ ní, jḭḭ̄ jə-ndiī kə kumjí ndi kə́ kijə ō.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

KOLOSƏ 3:10

Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.

GALATƏ 6:15

Tɔdɔ̄ kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

Makətūbə̄ ń Pol ndang adə̄ Rom gə̄ ní 7:1

Ngákó̰ó̰ḿ gə̄, yá̰á̰ ń m-ā m-ə́dásí toō i yá̰á̰ kə́ sḭḭ̄ kɔ́ gə̄ ī-gerī majə kɔ̄ɔ́ ɓá, tɔdɔ̄ sḭḭ̄ i de kə́ ī-gerī ndū najə̄ majə. Deē ń ndū najə̄ i dɔn tə́ ní i de kə́ ndi kə kumneé ɓáý.

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

Makətūbə̄ ń Pol ndang adə̄ Rom gə̄ ní 6:19

M-ɔ̄r̄ najə̄ sesí i tītə̄ deē ndul gə̄, tɔdɔ̄ ré i beé aĺ anī, sḭḭ̄ ā ásiī ger̄ kum alé. Tītə̄ ń kété sḭḭ̄ ī-rāāī rɔ̄sí i ɓəlo gə̄ tə́ adə̄ ī-ndiī i kə rī rāā yá̰á̰ kə́ yḛr to kum gə̄ ō, kə rī rāā yá̰á̰ kə́ gōtə́ aĺ gə̄ ń a rāān̄sí kadə̄ ī-téliī de kə́ gōtə́ aĺ gə̄ ō ní, ngɔlaā majə kadə̄ ī-rāāī rɔ̄sí ɓəlo gə̄ tə́, ba i kadə̄ ī-ndiīń kə rī rāā yá̰á̰ kə́ gōtə́ gə̄ ń a rāān̄sí kadə̄ ī-téliī de kə́ táĺ gə̄ ní ō.

Makətūbə̄ ń Pol ndang adə̄ Rom gə̄ ní 6:11

I beé ní, sḭḭ̄ á̰a̰ī rɔ̄sí de kə́ koy kɔ̄ɔ́ gə̄ tə́ tām̄ yā yá̰á̰ kə́ majaĺ tə́, ba á̰a̰ī rɔ̄sí de kə́ ndi kə kumuú gə̄ tə́ tām̄ yā Nə́ɓā tə́ kə gō ɓoo naā yāsí kə́ kə Jeju Kərist.

Makətūbə̄ ń Pol ndang adə̄ Rom gə̄ ní 1:9

Tɔdɔ̄ Nə́ɓā i de kə́ kum tə́ yāḿ tām̄ yā najə̄ ń noō tə́. Ni ń m̄-rāā kəla yān kə ngarān̄g kemḿ gēé malang loo kɔjə Najə̄ kə́ Majə yā Ngōnən tə́ ní. Mā m-ɔ̄r̄ najə̄ yāsí ngándáńg,

EJEKIEL 11:19

M-ādə̄sí dan wur kə́ kijə, m-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

EJEKIEL 36:26

M-ā m-ādə̄sí ngarā̰ kem kə́ kijə ō, m-ā m-ə́la ndíĺ kə́ kijə kemsí tə́ ō. M-ā m-ɔ̄r̄ ngarā̰ kem kə́ ngan̄g tītə̄ mbal̄ kemsí tə́ kɔ̄ɔ́ ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

Makətūbə̄ ń Pol ndang adə̄ Rom gə̄ ní 7:2

Tītə̄ ń toō ré dəyá̰ taā dəngam anī, dan ń dəngam ndi kə kumneé ɓáý ní, ndū najə̄ ń taā naā i dɔn tə́ ngándáńg, ba ré dəngam oy anī, ndū najə̄ i dɔn tə́ to̰ alé.

EPEJƏ 4:24

Úniī gō hál de kə́ kijə ń Nə́ɓā əndān kadə̄ teēn ní: I de kə́ gōtə́ ō, kə́ táĺ ō, kə́ kə ta kūl̄ najə̄ kə́ rɔ̄kum.