Makətūbə̄ ń Pol ndang adə̄ Rom gə̄ ní 7:5 - Bibəl ta Sar̄

⁵ Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.

Bible sar

⁵ Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.

Makətūbə̄ ń Pol ndang adə̄ Rom gə̄ ní 7:5 Referans Kwoze

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

GALATƏ 5:24

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 6:13

Ī-lōōī kun ngōn̄ rɔ̄sí kógə̄ḿ rāań yá̰á̰ kə́ majaĺ, tītə̄ kə́ dām̄ rɔ̄sí ní i yá̰a̰ rāā kəla yā yá̰á̰ kə́ majaĺ beē. Banī ādī Nə́ɓā rɔ̄sí tītə̄ de gə̄ kə́ oyn̄ tá ndólə̄n̄ beé ō, ə̄ndāī rɔ̄sí kə taá malang ta kəla yān tə́ tītə̄ kə́ sḭḭ̄ i yá̰a̰ rāā kəla yā yá̰á̰ kə́ gōtə́ beē ō.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

1 JA̰A̰ 3:4

Náā nəkɔ́ ń rāā majaĺ ní, rāā i yá̰á̰ kə́ gō tə́ aĺ. Tɔdɔ̄ majaĺ i yá̰á̰ kə́ gō tə́ aĺ.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

1 KORḚNTƏ 15:56

Yá̰á̰ kə́ ta katə yā yo i majaĺ, ba tɔ́gə yā majaĺ i ndū najə̄.

JAKƏ 4:1

Yá̰á̰ ń rāā tá kadə̄ a ī-rɔ̄ɔ̄ī naā ō, a ī-kɔ̄lī naā ō ní i rí? I ngur yá̰á̰ kə́ majaĺ gə̄ kə kemsí tə́ aĺ a? Ngur yá̰a̰ gə̄ ní i tītə̄ de kə́ ngé rɔ̄ɔ̄ gə̄ kemsí tə́,

JAKƏ 1:15

Ba dan ń ngur yá̰á̰ kə́ majaĺ kə́ kem deē tə́ ní ndān̄ ngōn̄ anī, a ojə i rāā majaĺ, ba dan ń rāā majaĺ tɔgə anī a ojə i yo.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

EPEJƏ 2:11

Ādə̄ əga kemsí dɔ tə́ na kété ní, sḭḭ̄ i nápar de gə̄ ń a ɓārə́n̄də́ na i ngé kəja mɔtə aĺ gə̄ ní, ɓá tā ba ngé ɓāŕsí tītə̄ ń noō gə̄ ní, kəja mɔtə yādə́ i kəja mɔtə kə́ kə jīí.

Makətūbə̄ ń Pol ndang adə̄ Rom gə̄ ní 7:23

ba m̄-teē dɔ ndū najə̄ kə́ rang tə́ kemḿ tə́ ɓáý to̰, kə́ a rɔ̄ɔ̄ ndū najə̄ yā Nə́ɓā ń m̄-ndigə ní kɔ̄ɔ́ kemḿ tə́. Ndū najə̄ kə́ rang ní rāām̄ adə̄ m̄-tél ɓəlo yā yá̰á̰ kə́ majaĺ ń to kemḿ tə́ ní.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 6:19

M-ɔ̄r̄ najə̄ sesí i tītə̄ deē ndul gə̄, tɔdɔ̄ ré i beé aĺ anī, sḭḭ̄ ā ásiī ger̄ kum alé. Tītə̄ ń kété sḭḭ̄ ī-rāāī rɔ̄sí i ɓəlo gə̄ tə́ adə̄ ī-ndiī i kə rī rāā yá̰á̰ kə́ yḛr to kum gə̄ ō, kə rī rāā yá̰á̰ kə́ gōtə́ aĺ gə̄ ń a rāān̄sí kadə̄ ī-téliī de kə́ gōtə́ aĺ gə̄ ō ní, ngɔlaā majə kadə̄ ī-rāāī rɔ̄sí ɓəlo gə̄ tə́, ba i kadə̄ ī-ndiīń kə rī rāā yá̰á̰ kə́ gōtə́ gə̄ ń a rāān̄sí kadə̄ ī-téliī de kə́ táĺ gə̄ ní ō.

Makətūbə̄ ń Pol ndang adə̄ Rom gə̄ ní 5:20

Tɔdɔ̄ ndū najə̄ yā Nə́ɓā reē yān yā kadə̄ majaĺ ń de gə̄ rāān̄ ní taā loo ɓá tā, banī loo ń majaĺ yā de gə̄ taā loo tū tə́ ní, rajə yā Nə́ɓā al̄ ngandə̄ tū tə́ ō.

Makətūbə̄ ń Pol ndang adə̄ Rom gə̄ ní 4:15

Tɔdɔ̄ ndū najə̄ a reē kə wōn̄g yā Nə́ɓāá dɔ de gə̄ tə́, ba loo ń ndū najə̄ gətóo tū tə́ ní, loo mbātə́ rāā yá̰á̰ kə́ ndū najə̄ ɔjə a gətóo ō.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

Makətūbə̄ ń Pol ndang adə̄ Rom gə̄ ní 1:26

I tām̄ najə̄ ń noō tə́ n Nə́ɓā əya̰də́ jī ngur yá̰á̰ kə́ to rɔ̄sɔl̄ gə̄ ń rāādə́ tə́ ní. I beé n nə̄yá̰də́ gə̄ a sāān̄ i dəngam gə̄ alé, ba a sāān̄ i dəyá̰ madə̄də́ gə̄ ní.

JA̰A̰ 3:6

Nge ń i deē n ojən ní i deē ō, nge ń i Ndíl n ojə ní i Ndíl ō.

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

2 KORḚNTƏ 10:3

Jḭḭ i deē ndul gə̄ ɓá tā, ba j-a jə-rɔ̄ɔ̄ i tītə̄ ń deē ndul gə̄ a rɔ̄ɔ̄n̄neé ní alé.