Makətūbə̄ ń Pol ndang adə̄ Rom gə̄ ní 7:4 - Bibəl ta Sar̄

⁴ Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

Bible sar

⁴ Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə *Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

Makətūbə̄ ń Pol ndang adə̄ Rom gə̄ ní 7:4 Referans Kwoze

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

EPEJƏ 2:15

Ni-ɔr̄ ndū najə̄ yā Moijə kɔ̄ɔ́ naā tə́ kə gō míndə kə́ tū tə́ gə̄ ō, jī bēl̄ loo rāā yá̰á̰ kə́ tū tə́ gə̄ ō. I tītə̄ ń noō n ni ɓooń de gə̄ naā tə́, kadə̄ télən̄ gír de kə́ kógə̄ḿ beé kə́ kijə gə̄ ō, rāań adə̄ lápə́ya toń dɔ dáńdə́ tə́ ō ní.

Makətūbə̄ ń Pol ndang adə̄ Rom gə̄ ní 7:6

Ba ngɔlaā ní yá̰a̰ gə̄ ń i dɔjí tə́ tītə̄ ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.

GALATƏ 5:18

Ba ré Ndíl ɔjəsí yá̰a̰ adə̄ ī-rāāī anī, sḭḭ̄ i gír ndū najə̄ tə́ to̰ alé.

KOLOSƏ 1:22

ngɔlaā lɔm to dɔ dáńsí tə́ kə Nə́ɓāá, sɔɔ̄ń koy ń Kərist oy ní. Adə̄ sḭḭ̄ i deē yān kə́ táĺ gə̄ kə́ najə̄ gətóo dɔsí tə́ ō, yá̰a̰ rāāsí kə́ majaĺ gətóo ō.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.

KOLOSƏ 2:14

Makətūbə̄ ń ndangən̄ dɔjí tə́ sɔɔ̄ń rāā kə́ jə-rāāī gō míndə gə̄ aĺ ní, ni-nujə makətūbə̄ ní kɔ̄ɔ́ tū kāgə̄ kə́ dēsə́ tə́.

KOLOSƏ 1:10

I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

JEJU TEĒ KUM JA̰A̰ 19:7

Ādə̄ jə-rāāī rɔ̄nel̄ ō, jə-tḭ́ḭ̄ bal walya ō, j-ɔsiī gɔnən ō. Tɔdɔ̄ kum mbang kaw̄ kújú yā nə̄yá̰ Ngōn̄ Batə̄ asə kɔ̄ɔ́ ō, nə̄yá̰n rāā rɔ̄n kɔ̄ɔ́ ō.

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

KOLOSƏ 2:20

Sḭḭ̄ i kə́ óyiī kɔ̄ɔ́ naā tə́ kə Kərist ō, gāngə̄n̄ dɔsí kɔ̄ɔ́ jī tɔ́gə́ kə́ dɔ nang tə́ gə̄ kə́ ngé ko̰ō̰ ɓē dɔ de gə̄ tə́ ō, anī i tām̄ rí tə́ á ī-rāāī tītə̄ kə́ sḭḭ̄ i de kə́ dɔ nang tə́ gə̄ ní? Tɔdɔ̄ ī-ndigiī kadə̄ əndān̄ najə̄ kə́ beē gə̄ dɔsí tə́:

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

PILIPƏ 4:17

Ré m-ɔ̄r̄ najə̄ tītə̄ ń noō anī m̄-sāā i kadə̄ de gə̄ adə̄mə̄n̄ yá̰a̰ alé, ba m̄-sāā i kadə̄ man̄ kəla yāsí reē kə dɔ madə̄ tə́ tām̄ yāsí tə́.

JA̰A̰ 3:29

Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

MATIYE 26:26

Dan ń a əsan̄ yá̰á̰ ní, Jeju un mápa, ndadə̄ Nə́ɓā dɔ tə́ oy anī, gān̄g naā tə́ adə̄ ngé ndóō yá̰a̰ yān gə̄, ba ədadə́ na: Ī-taāī yá̰á̰ ń toō ə́saī, na i rɔ̄ḿ.

JEJU TEĒ KUM JA̰A̰ 21:9

Anī de kə́ dɔ rā̰ tə́ kógə̄ḿ, kə́ dan ngé kə́ sīrí gə̄ ń kópə kə́ sīrí gə̄ kə́ yá̰á̰ kə́ tōr̄ kə́ ta tɔ̄l̄ ta tə́ gə̄ rosən̄ kem i jīdə́ tə́ ní, reē rɔ̄ḿ tə́ ba ədam̄ na: Ī-reē na m-ā m-ɔ́jiī kə dəyá̰ nong yā Ngōn̄ batāá.

HEBƏRO 10:10

Kərist rāā yá̰á̰ ń Nə́ɓā ndigə ní. Ni-adə̄ rɔ̄n yá̰a̰ tun̄ tə́ nja kógə̄ḿ kadə̄ gír gāngəń. Loo ń noō tə́ majaĺ yājí i kə kun kɔ̄ɔ́ dɔjí tə́ adə̄ jə-téliī de kə́ kɔr̄ kam̄ tām̄ yā Nə́ɓā gə̄ tə́.

2 KORḚNTƏ 11:2

m̄-rāā jang najə̄ yāsí tə́, ba jang ń m̄-rāā ní, i jang kə́ ḭḭ i rɔ̄ Nə́ɓā tə́. Tām̄ sḭḭ̄ i tītə̄ ngōmandə kə́ ger̄ dəngam aĺ ɓáý kə́ m-ə́hɔ gātə̄sí tām̄ yā dəngam kə́ kógə̄ḿ beē tə́, dəngam ní i Kərist.

1 KORḚNTƏ 10:16

Ī-gírī dɔ kópə tɔ́r̄ ta ń jə-ndadə̄ j-adī Nə́ɓā tāmən tə́ ní tə́: Dan ń j-a̰yī yá̰á̰ kə́ kemeé ní, ɓoojí naā tə́ kə mósə Kərist aĺ a? Tá mápá ń jə-gángī naā tə́ ní: Dan ń j-əsaī ní ɓoojí naā tə́ kə rɔ̄ Kərist aĺ a?

JA̰A̰ 15:8

Yá̰á̰ ń ɔsə gɔn Bɔbə́ḿ ní, i ka̰a̰n̄ kə́ sḭḭ̄ ā̰ā̰nī ngá̰ý ō, sḭḭ̄ i ngé ndóō yá̰a̰ yāḿ gə̄ ō.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

IJAI 62:5

Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.

MARK 4:20

De kə́rēý gə̄ i tītə̄ kōō ń tə́sō dɔ nang kə́ majə tə́ ní. Nin̄-oōn̄ najə̄, ba taān̄ najə̄ ní, adə̄ kumdə́ to. Kum kə́rēý gə̄ i kutə mətá ō, kə́rēý gə̄ i kutə mehḛ́ ō, kə́rēý gə̄ i ɓú ō.

Makətūbə̄ ń Pol ndang adə̄ Rom gə̄ ní 6:11

I beé ní, sḭḭ̄ á̰a̰ī rɔ̄sí de kə́ koy kɔ̄ɔ́ gə̄ tə́ tām̄ yā yá̰á̰ kə́ majaĺ tə́, ba á̰a̰ī rɔ̄sí de kə́ ndi kə kumuú gə̄ tə́ tām̄ yā Nə́ɓā tə́ kə gō ɓoo naā yāsí kə́ kə Jeju Kərist.

Makətūbə̄ ń Pol ndang adə̄ Rom gə̄ ní 7:3

Adə̄ ré taā dəngam kə́ rang dan ń ngaan ndiń kə kumneé ɓáý ní anī, ni-rāȳ i mbée, ba ré dəngam oy kɔ̄ɔ́ anī, ndū najə̄ ní i dɔn tə́ to̰ alé. Adə̄ ré taā dəngam kə́ rang anī, rāȳ i mbée alé.