Makətūbə̄ ń Pol ndang adə̄ Rom gə̄ ní 7:24 - Bibəl ta Sar̄

²⁴ Háy, rɔ̄ ndoō kə́ ba̰ý beē! I náā n a taām̄ jī kə́ nge kəlam̄ ta yo tə́ ń toō ní?

Bible sar

²⁴ Háy, rɔ̄ ndoō kə́ ba̰ý beē! I náā n a taām̄ jī kə́ nge kəlam̄ ta yo tə́ ń toō ní?

Makətūbə̄ ń Pol ndang adə̄ Rom gə̄ ní 7:24 Referans Kwoze

Makətūbə̄ ń Pol ndang adə̄ Rom gə̄ ní 6:6

Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

2 TIMOTE 4:18

Kɔ́ɔ̄ɓē a ɔrə̄m̄ kɔ̄ɔ́ kum yá̰a̰ malang kə́ majaĺ tə́ ō. Ni a ajəm̄ tām̄ yā Ɓē ko̰o̰ yān kə́ dɔ rā̰ tə́ ō. Kɔsə gɔn i yān kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

PĀ GƏ̄ 102:20

Kɔ́ɔ̄ɓē ndi dɔɔ́ kem kújə́ kə́ táĺ yān tə́ ba əga kumən kə̄ nang tə́ a̰a̰ń loo. Kɔ́ɔ̄ɓē ndi dɔ rā̰ tə́ a̰a̰ń loo kə̄ dɔ nang tə́,

JEJU TEĒ KUM JA̰A̰ 21:4

Ni a ɔl̄ man̄ nōō kə́ kumdə́ tə́ kɔ̄ɔ́ ō, deē a oy to̰ aĺ ō. Kəhɔ ndoō a gətóo ō, kɔŕ a gətóo ō, rɔ̄ tōr̄ a gətóo ō, tɔdɔ̄ yá̰á̰ kə́ jóo gə̄ mānə̄n̄ kɔ̄ɔ́.

HEBƏRO 2:15

Banī Jeju gān̄g dɔ ngé gə̄ ń ndin̄ tītə̄ ɓəlo gə̄ beé kə dɔ ndɔ̄ ndidə́ kə kumdə́ gə̄ malang ní, tɔdɔ̄ nin̄-ɓōlə́n̄ i yo.

Makətūbə̄ ń Pol ndang adə̄ Rom gə̄ ní 8:26

Adə̄ i tītə̄ ń toō beé n Ndíĺ kə́ Táĺ reē yā dḭḭ̄jí najə̄ yā ngan̄g aĺ yājí tə́ ní. Tɔdɔ̄ jə-gerī loo ndɔ̄ȳ kə gōó alé. Ndíĺ a dəje yá̰a̰ tām̄ yājí tə́ i kə to̰ō̰ kógə̄ḿ kə́ deē asə kəda kum kə najá alé.

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

PĀ GƏ̄ 72:12

Ni a gān̄g dɔ de kə́ nge rɔ̄ tō ndoō ń a ɓāŕ yá̰á̰ ní ō, dɔ de kə́ ndoō ń de kə́ nge rāā seneé gətóó ní ō.

KOLOSƏ 2:11

Ɓoo ń ī-ɓooī naā seneé ní, ɔjə kadə̄ sḭḭ̄ ə́jaī mɔtəsí kɔ̄ɔ́. I jī deē n əja alé, i kəja mɔtə yā Kərist. Ba kəja mɔtə yā Kərist ngeé ń toō i ngḭ̄ḭ̄ kə́ ngḭ̄ḭ̄n̄ dā̰ rɔ̄jí kə́ nge rāā yá̰a̰ majaĺ kɔ̄ɔ́ rɔ̄jí tə́.

MATIYE 5:6

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

MISE 7:19

Ā ī-tél kadə̄ kumií a o̰o̰ī tām̄ yājí tə́ ɓáý. Adə̄ ā ə̄ndā njaí dɔ mān̄ dɔ ndū najə̄ gə̄ yājí tə́ ō, yá̰a̰ rāājí kə́ gōtə́ aĺ gə̄ malang ní, ā ī-ɓōkə́də́ gír bā boó kɔ̄ɔ́ ō!

PĀ GƏ̄ 119:20

Ndūí gə̄ ń ḭ̄ ī-ra dɔ tə́ kə kum mbang gə̄ malang ní, nelə̄m̄ sedə́ ngá̰ý.

PĀ GƏ̄ 71:11

Nin̄ ədan̄ na: Nə́ɓā əya̰n kɔ̄ɔ́, ādə̄ njasí ra gōn tə́, ə́hɔniī. De kə́ yā taān jīsí tə́ gətóo!

PĀ GƏ̄ 6:6

Tɔdɔ̄ deē ń oy ní a əga kemən dɔí tə́ to̰ alé. De gə̄ ń oyn̄ ní asən̄ ɓōkíī tɔ̄ȳ to̰ alé.

1 MBAN̄G GƏ̄ 8:38

ré kem ngán Israel gə̄ ń i gír deē yāí gə̄ ní rāādə́ sarya dɔ yá̰á̰ ń rāā yá̰á̰ tə́ ní, ba rāāīn̄ ɓɔ́ ō, tūrə̄n̄ kumdə́ sɔɔ̄ kújə́ ń toō ō, ɔyn̄ jīdə́ kə̄ dɔɔ́ ndɔ̄ȳīn̄neé ō anī,

MATIYE 5:4

Rɔ̄nel̄ i kə ngé gə̄ ń dɔdə́ sɔl̄ ní, tɔdɔ̄ Nə́ɓā a adə̄də́ dɔ nang.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

PĀ GƏ̄ 119:176

m̄-dáȳ tītə̄ batə̄ kə́ ta tḭ̄ḭ̄ beé, ī-sāā nja nge kəla yāí, tɔdɔ̄ dɔḿ ndígə̄nal gō míndí gə̄ alé.

PĀ GƏ̄ 119:143

Wur kɔl əsō dɔḿ tə́ ō, yá̰á̰ kə́ to ndíl ka̰ȳ rāām̄ ō, banī yá̰á̰ ń adə̄m̄ rɔ̄nel̄ ngá̰ý ní i gō míndí gə̄.

PĀ GƏ̄ 119:131

M-ə́ya̰ taḿ kə wōyōó m̄-taāń najə̄ yāí, tɔdɔ̄ kemḿ gḛy gō míndí gə̄ ngá̰ý.

PĀ GƏ̄ 88:5

De gə̄ malang rāāmə̄n̄ i de kə́ gír yān gān̄g kɔ̄ɔ́ tə́, rāāmə̄n̄ i de kə́ to i kə̄ ta yo tə́ tə́.

PĀ GƏ̄ 38:2

Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!

Makətūbə̄ ń Pol ndang adə̄ Rom gə̄ ní 8:23

Banī i nin̄ ngóy alé, tɔdɔ̄ jḭḭ kɔ́ gə̄ ń j-əngeī Ndíĺ kə́ i yá̰á̰ kə́ ta kəga dɔ kə́ Nə́ɓā adə̄jí ní, jə-to̰ō̰ī kemjí tə́ loo ngóō ta Nə́ɓā tə́ kadə̄ gān̄g dɔ dā̰ rɔ̄jí ō.