Makətūbə̄ ń Pol ndang adə̄ Rom gə̄ ní 7:18 - Bibəl ta Sar̄

¹⁸ Dan ń mā i ɓəlo yā yá̰á̰ kə́ majaĺ kɔ̄ɔ́ ɓá ní, tɔ́gə́ḿ sḛ́ý kə́ kadə̄ m̄-rāań yá̰á̰ kə́ majə gətóo. m̄-gḛy rāā yá̰á̰ kə́ majə ngá̰ý ɓá tā, ba loo rāān dumə̄m̄ kɔ̄ɔ́.

Bible sar

¹⁸ Dan ń mā i ɓəlo yā yá̰á̰ kə́ majaĺ kɔ̄ɔ́ ɓá ní, tɔ́gə́ḿ sḛ́ý kə́ kadə̄ m̄-rāań yá̰á̰ kə́ majə gətóo. m̄-gḛy rāā yá̰á̰ kə́ majə ngá̰ý ɓá tā, ba loo rāān dumə̄m̄ kɔ̄ɔ́.

Makətūbə̄ ń Pol ndang adə̄ Rom gə̄ ní 7:18 Referans Kwoze

JA̰A̰ 3:6

Nge ń i deē n ojən ní i deē ō, nge ń i Ndíl n ojə ní i Ndíl ō.

PĀ GƏ̄ 51:5

Tɔdɔ̄ yá̰á̰ kə́ gōtə́ aĺ gə̄ ń m̄-rāā ní m̄-ger̄. Yá̰á̰ kə́ majaĺ ń m̄-rāā ní to ta kumḿ tə́ ngándáńg.

GALATƏ 5:17

Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé.

Makətūbə̄ ń Pol ndang adə̄ Rom gə̄ ní 7:25

m̄-ndadə̄ Nə́ɓā kə ta kūl̄ Jeju Kərist, tɔdɔ̄ ni-taām̄ jī rɔ̄ḿ ngeé ń toō tə́. Adə̄ mā i ɓəlo yā Nə́ɓā kə gír̄ yāḿ ō, ɓəlo yā majaĺ kə dā̰ rɔ̄ḿ ō.

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

GALATƏ 5:24

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

Makətūbə̄ ń Pol ndang adə̄ Rom gə̄ ní 7:19

Tɔdɔ̄ yá̰á̰ kə́ majə ń m̄-gḛy ní m̄-rāā alé, banī i yá̰á̰ kə́ majaĺ ń m̄-gḛy aĺ ní tá m̄-rāā.

Makətūbə̄ ń Pol ndang adə̄ Rom gə̄ ní 7:15

Adə̄ yá̰á̰ ń m̄-rāā ní, m̄-ger̄ kum alé, tɔdɔ̄ yá̰á̰ ń m̄-gḛy rāā ní m̄-rāā alé, banī yá̰á̰ ń m̄-gḛy rāā aĺ ngá̰ý ní tá m̄-rāā.

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

PILIPƏ 3:12

Ba i kə́ yā kədań na mā na m-ūgə̄ loo kə́ yā dəba tū tə́ tə́ kɔ̄ɔ́ ɓá, aláa na mā na i de kə́ m̄-majə m-ɔ̄tə̄ kə taá kɔ̄ɔ́ ɓá alé. Banī m̄-na̰y kə̄ loo ka̰ȳ ngɔ̄də̄ tə́ laā ɓáý kum kə̄ kété. M-ə́hɔ rɔ̄ḿ tɔgə kadə̄ m̄-taā yá̰a̰ kəndā nja yā ngé nējə̄ naā ngɔ̄də̄ gə̄, tɔdɔ̄ Jeju Kərist əhɔm̄ mā kɔ̄ɔ́ ɓá.

Najə̄ kə́ Majə yā Jeju ń Luk ndang ní 11:13

Sḭḭ̄ ń i de kə́ majaĺ gə̄ ní ba ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí ń ndi dɔ rā̰ tə́ ní tá ger̄ kadə̄ Ndíĺ kə́ Táĺ ngé gə̄ ń dəjenən̄ ní majə tɔȳ aĺ a?

PĀ GƏ̄ 119:176

m̄-dáȳ tītə̄ batə̄ kə́ ta tḭ̄ḭ̄ beé, ī-sāā nja nge kəla yāí, tɔdɔ̄ dɔḿ ndígə̄nal gō míndí gə̄ alé.

PĀ GƏ̄ 119:40

Rɔ̄kum, nelə̄m̄ kə yá̰a̰ gə̄ ń ī-ra kə de gēé ta rāā ní. Ī-rāā seḿ kə háĺ kə́ gōtə́ yāí ādə̄ m̄-ndi kə kumḿ.

Makətūbə̄ yā Job 25:4

Loo kadə̄ najə̄ yā deē i gōtə́ banī yā Nə́ɓā i kə́ gōtə́ aĺ ní i ba̰ý? Deē ń dəyá̰ ojən ní, loo kadə̄ əda na ni na i de kə́ unjə̄ njáý njáý ní i ba̰ý?

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

Makətūbə̄ ń Pol ndang adə̄ Rom gə̄ ní 7:5

Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.

PĀ GƏ̄ 119:173

Ə́la jīí ā̰ȳm̄neé mbērē tə́, tɔdɔ̄ m̄-gḛy rāā yá̰a̰ gə̄ ń ī-ra kə de gēé ta rāā ní.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

PĀ GƏ̄ 119:5

Ādə̄ hálə́ḿ dəba ra gotə kógə̄ḿ, kadə̄ m̄-rāań yá̰a̰ gə̄ ń ī-ndang kadə̄ yā rāā ní!

PĀ GƏ̄ 119:32

M-ā̰ȳ ngɔ̄də̄ dɔ róbə yā gō míndí gə̄ tə́, tɔdɔ̄ ī-teē kumḿ.