Makətūbə̄ ń Pol ndang adə̄ Rom gə̄ ní 7:15 - Bibəl ta Sar̄

¹⁵ Adə̄ yá̰á̰ ń m̄-rāā ní, m̄-ger̄ kum alé, tɔdɔ̄ yá̰á̰ ń m̄-gḛy rāā ní m̄-rāā alé, banī yá̰á̰ ń m̄-gḛy rāā aĺ ngá̰ý ní tá m̄-rāā.

Bible sar

¹⁵ Adə̄ yá̰á̰ ń m̄-rāā ní, m̄-ger̄ kum alé, tɔdɔ̄ yá̰á̰ ń m̄-gḛy rāā ní m̄-rāā alé, banī yá̰á̰ ń m̄-gḛy rāā aĺ ngá̰ý ní tá m̄-rāā.

Makətūbə̄ ń Pol ndang adə̄ Rom gə̄ ní 7:15 Referans Kwoze

GALATƏ 5:17

Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé.

NAHUM 1:7

Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

KOHELET 7:20

Tɔdɔ̄ de kə́ dɔ nang tə́ kə́ rāā yá̰a̰ malang súmūú kanjə̄ rāā yá̰á̰ kə́ majaĺ aĺ ní gətóo.

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

Makətūbə̄ ń Jud ndang ní 1:23

Ájiīdə́ kɔ̄ɔ́ kum hor tə́. Kə́ tām̄ yā gotə gə̄ tə́ ɓáa ādī kumsí o̰o̰sí sedə́, ba ādī kum ko̰o̰ yāsí ní i kum ko̰o̰ kə́ kə ɓōló danaá. Kūbə̄ yādə́ gə̄ ń dā̰ rɔ̄də́ ɔdə rɔ̄ ní gə̄gē ādī nel̄sí aĺ ngá̰ý.

Makətūbə̄ ń Pol ndang adə̄ Rom gə̄ ní 14:22

Kə́ ɔjəń dɔ najə̄ ń toō ɓáa, ī-ngɔ̄m̄ yá̰á̰ ń ḭ̄ ī-taā kem ní tām̄ yāí īkɔ́ tə́ ta kum Nə́ɓā tə́. Rɔ̄nel̄ i kə deē ń kum mbang rāā yá̰a̰ tə́ anī kemən gān̄g sarya dɔ rɔ̄n tə́ aĺ ní.

PĀ GƏ̄ 19:12

Kɔ́ɔ̄ɓē, mā nge kəla yāí m̄-ger̄ yá̰a̰ i kə ta kūl̄də́ ō, rāān̄ seḿ ngá̰ý dan ń m-ún gōdə́ ní ō.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

HEBƏRO 1:9

Ī-ndigə yá̰á̰ kə́ gōtə́ ba ī-mbātə́ yá̰á̰ kə́ majaĺ, i tām̄ najə̄ ń noō tə́ n ḭ̄ Nə́ɓā, Nə́ɓā yāí ur yibə̄ rɔ̄nel̄ dɔí tə́ ɔrə̄ń kamí tayā ō, gə̄rāī dan madí gə̄ tə́ ō ní.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

Makətūbə̄ ń Pol ndang adə̄ Rom gə̄ ní 7:16

Ba ré yá̰á̰ ń m̄-gḛy aĺ ní m̄-rāā anī, loo ń noō tə́ ní m̄-ndigə i najə̄ gō ndū najə̄ tə́ ō, m-ə́da kadə̄ ndū najə̄ i yá̰á̰ kə́ majə ō.

PĀ GƏ̄ 119:113

Nelə̄m̄ kə ngé kem jōó gēé aĺ bátə́, banī ndū najə̄ yāí nelə̄m̄ ngá̰ý.

PĀ GƏ̄ 101:3

Yá̰á̰ ń i yá̰á̰ kə́ gōtə́ aĺ ní, m-ā m̄-mbel yā ka̰ā̰ aĺ bátə́. M-ā m̄-kídə̄ túy taā kem, ni a ndetə kadəḿ ngɔr aĺ bátə́.

PĀ GƏ̄ 1:6

Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄. Banī róbə yā ngé kem ndul gə̄ i róbə́ kə́ ta to siriri.

Gōsə̄ najə̄ gə̄ 13:5

De kə́ súmūú gḛy najə̄ kə́ sor̄ alé, nge kem majaĺ i de kə́ nge kəla rɔ̄sɔl̄ dɔ deē tə́ ō, nge kənda rī deē loo tə́ ō.

PĀ GƏ̄ 119:163

Sor̄ nelə̄m̄ aĺ ō, m̄-gḛyn aĺ bátə́ ō, banī ndū najə̄ yāí nelə̄m̄ ngá̰ý.

PĀ GƏ̄ 119:128

Yá̰a̰ gə̄ malang ń ī-ra kə de gēé ta rāā ní m-á̰a̰ kadə̄ i yá̰á̰ kə́ gōtə́ gə̄. Róbə sor̄ gə̄ malang ní nelə̄m̄ sedə́ aĺ bátə́.

PĀ GƏ̄ 65:3

Ḭ̄ ń i nge koō ndɔ̄ȳ yā de gə̄ ní, deē ndul malang a reē yā kugə̄ rɔ̄í tə́.

1 MBAN̄G GƏ̄ 8:46

Ré ngán Israel gə̄ rāān̄ majaĺ seí, tɔdɔ̄ de kə́ rāā majaĺ aĺ gətóo, adə̄ wōn̄g rāāī sedə́ ba ə́ládə́ kem jī madə̄ ba̰ā̰də́ gə̄ tə́, adə̄ tetən̄də́ rɔ̄ɔ̄ ba əhɔn̄də́ aw̄n̄ sedə́ ɓəlo tə́ dɔ nang yādə́ tə́ loo kə́ sa̰y tə́, aké i loo kə́ ngɔr tə́,

PĀ GƏ̄ 119:40

Rɔ̄kum, nelə̄m̄ kə yá̰a̰ gə̄ ń ī-ra kə de gēé ta rāā ní. Ī-rāā seḿ kə háĺ kə́ gōtə́ yāí ādə̄ m̄-ndi kə kumḿ.

PĀ GƏ̄ 119:32

M-ā̰ȳ ngɔ̄də̄ dɔ róbə yā gō míndí gə̄ tə́, tɔdɔ̄ ī-teē kumḿ.

Najə̄ kə́ Majə yā Jeju ń Luk ndang ní 11:48

Dan ń ī-rāāī tītə̄ ń noō ní ɔ́jiī i kə̄ ndágá kadə̄ sḭḭ̄ ī-ndigiī yá̰á̰ ń kaasí gə̄ rāān̄ ní. Tɔdɔ̄ nin̄ i ngé tɔ̄l̄ ngé koō ta gə̄, ba sḭḭ̄ i ngé rāā dɔ ɓádə́də́ gə̄!

PĀ GƏ̄ 119:104

m̄-tél de kə́ nge kəndā ma̰ȳ yá̰á̰ ngá̰ý i kə ta kūl̄ yá̰a̰ gə̄ ń ī-ra kə de gēé ta rāā ní. I tām̄ najə̄ ń noō tə́ n m̄-mbātə́nń kun róbə sor̄ ní.

PĀ GƏ̄ 97:10

Sḭḭ̄ ngé táŕ Kɔ́ɔ̄ɓē gə̄, ī-kídī yá̰a̰ kə́ majaĺ. Ni ngɔ̄m̄ gō deē yān gə̄, ni-taādə́ jī ngé kem ndul gə̄ tə́ əya̰də́ dɔɔ́.

PĀ GƏ̄ 36:4

Najə̄ kə́ tan tə́ i sor̄ ō gól̄ loo ō ngóy. Tām̄ yān tə́ ɓáa rāā yá̰á̰ kə́ majə i yá̰á̰ kə́ kumən gətóo.

JA̰A̰ 15:15

m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.