Makətūbə̄ ń Pol ndang adə̄ Rom gə̄ ní 7:11 - Bibəl ta Sar̄

¹¹ Tɔdɔ̄ dan ń gō míndə reē ní, yá̰á̰ kə́ majaĺ tetə rɔ̄n gōn tə́, ba kɔ́ləm̄ aw̄ seḿ kum yo tə́.

Bible sar

¹¹ Tɔdɔ̄ dan ń gō míndə reē ní, yá̰á̰ kə́ majaĺ tetə rɔ̄n gōn tə́, ba kɔ́ləm̄ aw̄ seḿ kum yo tə́.

Makətūbə̄ ń Pol ndang adə̄ Rom gə̄ ní 7:11 Referans Kwoze

TA KƏLA 3:13

Anī Kɔ́ɔ̄ɓē Nə́ɓā əda dəyá̰ na: Ī-rāā yá̰á̰ ń toō i tām̄ rí tə́? Anī dəyá̰ əda na: I lī n gólə̄m̄ á m-ə́sa kan̄ kāgə̄ ní.

Makətūbə̄ ń Pol ndang adə̄ Rom gə̄ ní 7:8

Dan ń gō míndə gə̄ reēn̄ ɓá ní, yá̰á̰ kə́ majaĺ tetə rɔ̄n gō tə́, ba əndā ngur yá̰á̰ kə́ majaĺ gə̄ malang kemḿ tə́. Tɔdɔ̄ ré ndū najə̄ gətóo anī, yá̰á̰ kə́ majaĺ rāā rɔ̄n i yá̰á̰ kə́ koy kɔ̄ɔ́ tə́.

HEBƏRO 3:13

Banī ə́laī go̰ kem naā tə́ kə dɔ ndɔ̄ gə̄, dan ń ndɔ̄ kə́ ɓōólaā kə́ kem makətūbə̄ yā Nə́ɓā tə́ ɔjə dɔjí ɓáý ní, na sōgə́ deē kógə̄ḿ kə́ dansí tə́ əya̰ rɔ̄n adə̄ yá̰á̰ kə́ majaĺ gólə̄n adə̄ rāā dɔ ngan̄g.

JAKƏ 1:26

Ré deē kógə̄ḿ gír̄ kadə̄ ni i nge rɔȳ Nə́ɓā, ba ger̄ loo kəhɔ ta ndo̰n kə jámá aĺ anī, ni a gól̄ i rɔ̄n nəkɔ́: Rɔȳ Nə́ɓā yān i rɔȳ Nə́ɓā kə́ ndāńg karī.

JAKƏ 1:22

Ī-rāāī yá̰a̰ kə gō najə̄ ní, ba ī-lōōī koō kə mbīsí ngóy. Tɔdɔ̄ ré ā ī-rāāī i beé anī, ā ī-gólī i rɔ̄sí sḭḭ̄ kɔ́ gə̄.

Makətūbə̄ ń Pol ndang adə̄ Rom gə̄ ní 7:13

Adə̄ yá̰á̰ ń i yá̰á̰ kə́ majə ní tél reē kə yoó dɔḿ tə́ a? I tītə̄ ń noō alé. I majaĺ n rāā yá̰á̰ ń noō ní. Ni ɔjə kə̄ ndágá kadə̄ ni i yá̰á̰ kə́ majaĺ. Tɔdɔ̄ ni-un yá̰á̰ kə́ majə tɔ̄l̄məń. Loo téĺ ń yá̰á̰ kə́ majaĺ téləń yá̰á̰ kə́ majaĺ ngá̰ý al̄ naā kə ta kūl̄ gō míndə́ ní n noó.

JEREMI 49:16

Ḭ̄ ń ī-ndi bəlo ngán mbal̄ gə̄ tə́ ō, loo kə́ ḭḭ kə̄ dɔɔ́ gə̄ tə́ ō ní, ɔ́jə rɔ̄í al̄ naā najə̄ ɓōĺ kə́ ngá̰ý ń ə́la kem de gə̄ tə́ kanjə̄ ka̰a̰ kum tō ndoō yādə́ tə́ ní. Ré ī-rāā ɓē loo kə́ ḭḭ kə̄ dɔɔ́ ngá̰ý tə́ tītə̄ yā kə̄rō beé gə̄gē anī, m-ā m̄-mbəreī tū tə́ kadə̄ ī-teē ə̄sō nang tə́. Najə̄ ń Kɔ́ɔ̄ɓē əda ní n noó.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

IJAI 44:20

A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.

EPEJƏ 4:22

yá̰á̰ kə majaĺ gə̄ ń ī-rāāī kété jóó ní, majə kadə̄ ī-lōōī gírí. I beé n ā ī-lōōiń gíŕ háĺsí kə́ jóó tə́ ní. Tām̄ yá̰á̰ kə́ majaĺ gə̄ ń gólə̄n̄sí kété ní, a nujən̄ i deē.

ABƏDIAS 1:3

Kɔjə rɔ̄ yāí kə́ ngá̰ý gólī! Ḭ̄ ī-ndi i bəlo mbal̄ gə̄ tə́, ī-rāā kújə yāí gə̄ i loo kə́ kḭḭ kə̄ dɔɔ́ gə̄ tə́. Ḭ̄ ə́da rɔ̄í na: I náā n asə rāām̄ kadə̄ m̄-risə nang tə́ ní.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.