Makətūbə̄ ń Pol ndang adə̄ Rom gə̄ ní 7:1 - Bibəl ta Sar̄

¹ Ngákó̰ó̰ḿ gə̄, yá̰á̰ ń m-ā m-ə́dásí toō i yá̰á̰ kə́ sḭḭ̄ kɔ́ gə̄ ī-gerī majə kɔ̄ɔ́ ɓá, tɔdɔ̄ sḭḭ̄ i de kə́ ī-gerī ndū najə̄ majə. Deē ń ndū najə̄ i dɔn tə́ ní i de kə́ ndi kə kumneé ɓáý.

Bible sar

¹ Ngákó̰ó̰ḿ gə̄, yá̰á̰ ń m-ā m-ə́dásí toō i yá̰á̰ kə́ sḭḭ̄ kɔ́ gə̄ ī-gerī majə kɔ̄ɔ́ ɓá, tɔdɔ̄ sḭḭ̄ i de kə́ ī-gerī *ndū najə̄ majə. Deē ń *ndū najə̄ i dɔn tə́ ní i de kə́ ndi kə kumneé ɓáý.

Makətūbə̄ ń Pol ndang adə̄ Rom gə̄ ní 7:1 Referans Kwoze

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.

Makətūbə̄ ń Pol ndang adə̄ Rom gə̄ ní 7:6

Ba ngɔlaā ní yá̰a̰ gə̄ ń i dɔjí tə́ tītə̄ ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.

Makətūbə̄ ń Pol ndang adə̄ Rom gə̄ ní 6:3

Aké jḭḭ̄ malang ń rāān̄jí batém kə rī Kərist ní, batém ní ɓoojí naā tə́ kə Kərist dan ń ni-oy ní ī-gerī aĺ a?

Makətūbə̄ ń Pol ndang adə̄ Rom gə̄ ní 10:1

Ngákó̰ó̰ḿ gə̄, yá̰á̰ ń m̄-ndə̄ngā kemḿ tə́ tām̄ yā Jipə gə̄ tə́ ō, yá̰á̰ ń m-ā m̄-ndɔ̄ȳ Nə́ɓā tām̄ yādə́ tə́ najə̄n tə́ ō ní i kadə̄ ajən̄.

Gōsə̄ najə̄ gə̄ 6:23

Tɔdɔ̄ yá̰á̰ kə́ kəda kadə̄ yā rāā ní, rāā rɔ̄n i hor lámbá kə́ unjə̄ loo tə́ ō, kɔjə̄ rāā rɔ̄n i loo kə́ unjə̄ kow tə́ ō, ndán̄g loo i yá̰á̰ kə́ a əhɔ əndājí gotoó dɔ róbə ndi kə kumuú tə́ ō.

GALATƏ 4:21

Sḭḭ̄ ń ī-gḛyiī kəla dɔsí gír ndū najə̄ tə́ ní, najə̄ ń ndū najə̄ əda ní ōōī aĺ a ə́damī.

Makətūbə̄ ń Pol ndang adə̄ Rom gə̄ ní 9:3

m̄-ndə̄ngā kadə̄ Nə́ɓā kōnjə̄m̄ ō, ɔrə̄m̄ kɔ̄ɔ́ kadə Kərist tə́ ō, yā kajəń ngákó̰ó̰ḿ kə́ gír kojə yāḿ tə́ gə̄.

1 KORḚNTƏ 9:8

Nge ń noō i jī bēl̄ loo rāā yá̰a̰ yā de gə̄ ngóy a? Ndū najə̄ əda nge ń noō ō aĺ a?

Makətūbə̄ ń Pol ndang adə̄ Rom gə̄ ní 1:13

Ngákó̰ó̰ḿ gə̄, m̄-sāā kadə̄ ī-gerī na m-ɔ́jə kaw̄ loosí nja i ngá̰ý, ba dum̄ dɔḿ i mbée. m̄-sāā kaw̄ loosí kadə̄ kəla yāḿ teē yá̰a̰, tītə̄ ń teēń yá̰a̰ ɓē nápar de gēé tə́ ní.

ESDRAS 7:25

Ba ḭ̄ Esdras, ī-tə́ndā ngé sarya gə̄ ō, ngār sarya gə̄ ō, kə kum kedə̄ yā Nə́ɓā yāí ń makətūbə̄n to jīí tə́ ní, ādə̄ gāngə̄n̄ sarya yā de gə̄ malang kə́ gō nang kə́ gidə bā Opəratə kə́ dām̄ kə́ no ɓē tə́ ń gerə̄n̄ ndū najə̄ yā Nə́ɓā yāí ní. Ba de gə̄ ń gerə̄n̄ aĺ ní, ī-ndóōīdə́ ādə̄ gerə̄n̄.

Makətūbə̄ ń Pol ndang adə̄ Rom gə̄ ní 10:4

Tɔdɔ̄ loo ń ndū najə̄ a aw̄ kə de gēé kə̄ tū tə́ ní i Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.