Makətūbə̄ ń Pol ndang adə̄ Rom gə̄ ní 6:6 - Bibəl ta Sar̄

⁶ Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

Bible sar

⁶ Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

Makətūbə̄ ń Pol ndang adə̄ Rom gə̄ ní 6:6 Referans Kwoze

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

EPEJƏ 4:22

yá̰á̰ kə majaĺ gə̄ ń ī-rāāī kété jóó ní, majə kadə̄ ī-lōōī gírí. I beé n ā ī-lōōiń gíŕ háĺsí kə́ jóó tə́ ní. Tām̄ yá̰á̰ kə́ majaĺ gə̄ ń gólə̄n̄sí kété ní, a nujən̄ i deē.

GALATƏ 5:24

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

Makətūbə̄ ń Pol ndang adə̄ Rom gə̄ ní 6:12

Ī-lōōī kadə̄ majaĺ o̰o̰ ɓē dɔ dā̰ rɔ̄sí kə́ a oy kɔ̄ɔ́ ń toō tə́, na sōgə́ ā ōōī i yān tá loo rāā yá̰a̰ gə̄ ń ngurdə́ a rāān tə́ ní.

IJAI 26:13

Kɔ́ɔ̄ɓē Nə́ɓā yājí, ngol kə́ rang gə̄ o̰ō̰n̄ ɓē dɔjí tə́ ba i ḭ̄ alé. Banī deē ń jə-rɔȳn ní i ḭ̄ ngóy.

2 MBAN̄G 5:17

Anī Naaman əda na: Ī-mbātə́ ɓá ní, ādə̄m̄ ta róbə ādə̄ m-ɔ́y nang kə́ ɓē yāí tə́ sḛ́ý ādə̄ asə kətō kərō rapáy gə̄ jōó. Tɔdɔ̄ m̄-ndigə ndējə̄ nə́ɓā kə́ rang gə̄ yá̰a̰ tun̄ kə́ róō horoó gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō to̰ alé, ba m̄-ndigə i ndējə̄ Kɔ́ɔ̄ɓē kə́ Israel tə́ tá ngóy.

Makətūbə̄ ń Pol ndang adə̄ Rom gə̄ ní 7:14

Jə-ger̄ majə kadə̄ ndū najə̄ i yá̰á̰ yā Ndíĺ. Ba mā i de kə́ kə dā̰ rɔ̄ḿ ō, mā i ɓəlo yā majaĺ ō.

2 KORḚNTƏ 5:14

Tɔdɔ̄ tár yā Kərist o̰o̰ ɓē dɔjí tə́, jḭḭ ń jə-ger̄ majə ngá̰ý kadə̄ de kə́ kal kógə̄ḿ beē oy tām̄ yā de kə́ ngá̰ý gə̄ tə́ ní. Kumən na nin̄ malang oyn̄ seneé.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.