Biblia Todo Logo
Bib sou entènèt

- Piblisite -




Makətūbə̄ ń Pol ndang adə̄ Rom gə̄ ní 6:4 - Bibəl ta Sar̄

4 Batéḿ ń rāān̄jí ní, rāān̄jí i batém koy ń j-oyiī naā tə́ kə Kərist adə̄ dubə̄n̄jí naā tə́ seneé ní. I yā kadə̄ tītə̄ ń kɔsə gɔn yā Bɔbə̄ Ngōn̄ ndóləń Kərist dan de kə́ koy gə̄ tə́ ní, jḭḭ̄ jə-ndiī kə kumjí ndi kə́ kijə ō.

Gade chapit la Kopi

Bible sar

4 Batéḿ ń rāān̄jí ní, rāān̄jí i batém koy ń j-oyiī naā tə́ kə Kərist adə̄ dubə̄n̄jí naā tə́ seneé ní. I yā kadə̄ tītə̄ ń *kɔsə gɔn yā Bɔbə̄ Ngōn̄ ndóləń Kərist dan de kə́ koy gə̄ tə́ ní, jḭḭ̄ jə-ndiī kə kumjí ndi kə́ kijə ō.

Gade chapit la Kopi




Makətūbə̄ ń Pol ndang adə̄ Rom gə̄ ní 6:4
33 Referans Kwoze  

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.


Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.


Ba ngɔlaā ní yá̰a̰ gə̄ ń i dɔjí tə́ tītə̄ ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.


Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.


Jə-gerī majə kadə̄ Kərist ń ndól̄ dan de kə́ koy gə̄ tə́ ní, a oy to̰ alé. Tɔ́gə yo kə́ yā tɔ̄l̄nəń to̰ gətóo.


Ngan̄g aĺ yān rāā adə̄ əndanən̄ kə máyá̰ tū kāgə̄ kə́ dēsə́ tə́, banī ni-ndi kə kumneé i kə ta kūl̄ tɔ́gə yā Nə́ɓāá. Kə gō ɓoo ń jə-ɓoo naā seneé ní ɓáa, rāā adə̄ tɔ́gə́jí jḭḭ gətóo ō. Banī yá̰á̰ ń jə-rāā sesí ní, ɔjə kadə̄ jə-ndi i kə kumjí seneé kə ta kūl̄ tɔ́gə yā Nə́ɓāá.


Aké jḭḭ̄ malang ń rāān̄jí batém kə rī Kərist ní, batém ní ɓoojí naā tə́ kə Kərist dan ń ni-oy ní ī-gerī aĺ a?


Deē ń əda na n-ndi na i kemən tə́ ní, majə kadə̄ kɔ́ɔ̄ njə̄rā tītə̄ ń Jeju nəkɔ́ njə̄rań ní.


Ba Nə́ɓā ń ndól̄ Kɔ́ɔ̄ɓē ń oy ní, ré j-oyiī anī ni a ndól̄jí kə tɔ́gəneé ō.


Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.


Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.


M-ɔ̄r̄ najə̄ sesí i tītə̄ deē ndul gə̄, tɔdɔ̄ ré i beé aĺ anī, sḭḭ̄ ā ásiī ger̄ kum alé. Tītə̄ ń kété sḭḭ̄ ī-rāāī rɔ̄sí i ɓəlo gə̄ tə́ adə̄ ī-ndiī i kə rī rāā yá̰á̰ kə́ yḛr to kum gə̄ ō, kə rī rāā yá̰á̰ kə́ gōtə́ aĺ gə̄ ń a rāān̄sí kadə̄ ī-téliī de kə́ gōtə́ aĺ gə̄ ō ní, ngɔlaā majə kadə̄ ī-rāāī rɔ̄sí ɓəlo gə̄ tə́, ba i kadə̄ ī-ndiīń kə rī rāā yá̰á̰ kə́ gōtə́ gə̄ ń a rāān̄sí kadə̄ ī-téliī de kə́ táĺ gə̄ ní ō.


Jeju tél ədan na: Ré ī-taā kem anī, ā á̰a̰ kɔsə gɔn yā Nə́ɓā ní m-ə́daī aĺ a?


Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.


Sḭḭ̄ kɔ́ɔ̄ ɓəlo gə̄, ī-rāāī yá̰á̰ kə́ súmūú ō, yá̰á̰ kə́ gō tə́ ō, kə ɓəlo yāsí gēé. Tɔdɔ̄ ī-gerī kadə̄ Kɔ́ɔ̄sí ndi dɔ rā̰ tə́ noō ō.


Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.


Nge ń toō i yá̰á̰ kə́ yáā kə́ ta kəga dɔ ń Jeju rāā ní. Ni-rāā i Kana, gō nang kə́ Galile tə́. Ni ɔjə kɔsə gɔn yān kə̄ ndágá, adə̄ ngé ndóō yá̰a̰ yān gə̄ taān̄ kemən.


Jeju ngeé ń toō oy ba Nə́ɓā ndólə̄n, adə̄ jḭḭ̄ malang i de kə́ kum tə́ gə̄.


Ba ré jḭḭ̄ i kə́ koy kɔ̄ɔ́ gə̄ kə Kərist anī, jə-taāī kem kadə̄ j-a jə-ndiī kə kumjí seneé ō.


Swiv nou:

Piblisite


Piblisite