Biblia Todo Logo
Bib sou entènèt

- Piblisite -




Makətūbə̄ ń Pol ndang adə̄ Rom gə̄ ní 6:3 - Bibəl ta Sar̄

3 Aké jḭḭ̄ malang ń rāān̄jí batém kə rī Kərist ní, batém ní ɓoojí naā tə́ kə Kərist dan ń ni-oy ní ī-gerī aĺ a?

Gade chapit la Kopi

Bible sar

3 Aké jḭḭ̄ malang ń rāān̄jí *batém kə rī *Kərist ní, batém ní ɓoojí naā tə́ kə Kərist dan ń ni-oy ní ī-gerī aĺ a?

Gade chapit la Kopi




Makətūbə̄ ń Pol ndang adə̄ Rom gə̄ ní 6:3
24 Referans Kwoze  

tām̄ sḭḭ̄ malang ń rāān̄sí batém kə rī Kərist ní, ə́laī Kərist rɔ̄sí tə́ tītə̄ kūbə̄ beé.


Ba ré jḭḭ̄ i kə́ koy kɔ̄ɔ́ gə̄ kə Kərist anī, jə-taāī kem kadə̄ j-a jə-ndiī kə kumjí seneé ō.


Tām̄ jḭḭ̄ malang ní, Jipə gə̄ gə̄gē, de gə̄ kə́ nin̄ i Jipə aĺ gə̄ gə̄gē, ɓəlo gə̄ gə̄gē, de kə́ kɔ́ɔ̄ rɔ̄də́ gə̄ gə̄gē ní, rāān̄jí i batém Ndíĺ kə́ Táĺ kə́ kógə̄ḿ beé, i kadə̄ jə-téliī rɔ̄ de kə́ kal kógə̄ḿ beē. Tá jḭḭ̄ malang ní j-a̰yī i Ndíĺ kə́ kógə̄ḿ beē ō.


Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.


Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.


Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.


Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?


Ngé rāā kəla kem kújə yā Kɔ́ɔ̄ɓē tə́ gə̄ a əsan̄ i yá̰á̰ kə́ kem kújə yā Kɔ́ɔ̄ɓē tə́ ō, ngé rāā kəla loo tun̄ yá̰á̰ tə́ gə̄ a əngen̄ kumən yādə́ dan yá̰á̰ gə̄ ń ndējə̄n̄ Nə́ɓā dɔ loo tun̄ yá̰á̰ tə́ ní ō ní ī-gerī aĺ a?


Ngákó̰ó̰ḿ gə̄, yá̰á̰ ń m-ā m-ə́dásí toō i yá̰á̰ kə́ sḭḭ̄ kɔ́ gə̄ ī-gerī majə kɔ̄ɔ́ ɓá, tɔdɔ̄ sḭḭ̄ i de kə́ ī-gerī ndū najə̄ majə. Deē ń ndū najə̄ i dɔn tə́ ní i de kə́ ndi kə kumneé ɓáý.


Dan ń ḭ̄ i ɓəlo yā deē ní ā ōō tan, adə̄ ā ī-rāā kəla yān. Ré ōō i ta yá̰á̰ kə́ majanī yá̰á̰ kə́ majaĺ a aw̄ seí yā kəlaī ta yo tə́, ba ré ōō i ta Nə́ɓā anī ā ī-tél de kə́ gōtə́.


Dan ń nin̄-oōn̄ najə̄ gə̄ ń toō ní anī, nin̄-rāān̄də́ batém kə rī Kɔ́ɔ̄ɓē Jeju.


De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,


Yá̰á̰ ń ɔ́jiī rɔ̄sí najə̄n tə́ ní i yá̰á̰ kə́ majə alé. Kaa mápá kə́ sḛ́ý beē rāā adə̄ ndujə̄ mápá kə́ ló̰ȳ agə̄ malang ní ī-gerī aĺ a?


Tɔdɔ̄ Ndíĺ kə́ Táĺ reē dɔ deē kógə̄ḿ tə́ dandə́ tə́ aĺ ɓáý, rāān̄də́ batém i kə rī Kɔ́ɔ̄ɓē Jeju ngóy.


Sḭḭ̄ kɔ́ gə̄ ə̄ndāī ma̰ȳ rɔ̄sí ba á̰a̰ī ké sḭḭ̄ i dɔ róbə taā kem tə́ wa. Ī-nāāī rɔ̄sí. Aké ī-gerī kadə̄ Jeju Kərist i kemsí tə́ aĺ a? Ké nāā ń ī-nāāī rɔ̄sí ní ənīsí i kɔ̄ɔ́ a?


Ré i beé aĺ anī ngé gə̄ ń rāān̄də́ batém tām̄ yā de gə̄ ń oyn̄ tə́ ní a rāān̄ i ba̰ý? Ré de gə̄ ń oyn̄ ní a ndólə̄n̄ aĺ anī i tām̄ rí tə́ á rāān̄ de gə̄ batém tām̄ yādə́ tə́ ní?


Sḭḭ̄ i kújə yā Nə́ɓā, adə̄ Ndíĺ Nə́ɓā ndi kemsí tə́ ní ī-gerī aĺ a?


Ndíĺ kə́ Táĺ ń Nə́ɓā adə̄sí á ndi kemsí tə́ ní, rɔ̄sí i kújə ndin ní ī-gerī aĺ a? Rɔ̄sí i yá̰á̰ yāsí alé.


Ngé nējə̄ naā ngɔ̄də̄ gə̄ a̰ȳn̄ ngɔ̄də̄ malangdə́ gə̄ ɓá tā, banī i de kə́ kal kógə̄ḿ beē ngóy n a ənge yá̰á̰ ń nējə̄n̄ naā ngɔ̄də̄ dɔ tə́ ní ī-gerī aĺ a? I beé ní ī-ngɔ̄dī kə gō róbəneé tá kadə̄ əngeīneé yá̰á̰ ní.


Adə̄ rāān̄də́ batém malang kum kil̄ man̄ tə́ ō, kum bā bo tə́ ō, dan ń nin̄-ɓoon̄ naā kə Moijə ní.


Swiv nou:

Piblisite


Piblisite