Makətūbə̄ ń Pol ndang adə̄ Rom gə̄ ní 6:22 - Bibəl ta Sar̄

²² Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

Bible sar

²² Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ *táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

Makətūbə̄ ń Pol ndang adə̄ Rom gə̄ ní 6:22 Referans Kwoze

1 PIYER 2:16

Ī-rāāī yá̰á̰ kə́ de kə́ kɔ́ɔ̄ rɔ̄də́ gə̄ tə́. Ɓá tā ba, ī-lōōī rāā kɔ́ɔ̄ rɔ̄ yāsí ní kūbə̄ kutə̄ gidə yá̰á̰ kə́ majaĺ tə́, banī ī-rāāī yá̰á̰ kə́ de kə́ ngé kəla gə̄ yā Nə́ɓā tə́.

Makətūbə̄ ń Pol ndang adə̄ Rom gə̄ ní 6:18

Tá sḭḭ̄ ī-teēī ɓəlo rāā yá̰á̰ kə́ majaĺ tə́ kɔ̄ɔ́, ba ī-téliī ɓəlo rāā yá̰á̰ kə́ gōtə́. Adə̄ yá̰a̰ gə̄ ń toō i yá̰á̰ kə́ kadə̄ jə-ndadī Nə́ɓā tāmən tə́.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

JA̰A̰ 8:32

Ā ī-gerī najə̄ kə́ rɔ̄kum ō, najə̄ kə́ rɔ̄kum a rāāsí kadə̄ sḭḭ̄ i de kə́ kɔ́ɔ̄ rɔ̄də́ gə̄ ō.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

1 KORḚNTƏ 7:22

Tɔdɔ̄ ɓəlo ń Kɔ́ɔ̄ɓē ɓārə́n ní, i de kə́ Kɔ́ɔ̄ɓē gān̄g dɔn kɔ̄ɔ́. Tītə̄ ń toō ɓáý to̰ ní, deē ń i kɔ́ɔ̄ rɔ̄n tá kadə̄ Kərist ɓārə́n ní, ni-tél i ɓəlo yā Kərist.

1 PIYER 1:9

Rɔ̄nel̄ ngeé ń toō ní sḭḭ̄ āwīneé i tām̄ kajə kə́ ajən̄sí kɔ̄ɔ́. Yá̰á̰ ń ə́ngeī gír taā kem Jeju tə́ ní n noó.

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Makətūbə̄ ń Pol ndang adə̄ Rom gə̄ ní 7:4

Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

MATIYE 25:46

Anī de gə̄ ní a aw̄n̄ yā kənge ndéý kə́ dan gān̄g aĺ tām̄ yā majaĺ yādə́ tə́ ō, de kə́ súmūú gə̄ a aw̄n̄ loo kə́ deē a ndi kə kumneé tū tə́ ngándáńg tə́ ō.

DANIEL 3:26

Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na: Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́.

PĀ GƏ̄ 143:12

Ā ī-rāā kadə̄ madə̄ ba̰ā̰ḿ gə̄ gətóon̄ kɔ̄ɔ́ malang sɔɔ̄ń kem majə yāí ō, ā ī-rāā kadə̄ madə̄ kɔ̄lə̄ḿ gə̄ oyn̄ malang kɔ̄ɔ́ ō, tɔdɔ̄ mā i nge kəla yāí.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

KOLOSƏ 1:10

I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

PILIPƏ 4:17

Ré m-ɔ̄r̄ najə̄ tītə̄ ń noō anī m̄-sāā i kadə̄ de gə̄ adə̄mə̄n̄ yá̰a̰ alé, ba m̄-sāā i kadə̄ man̄ kəla yāsí reē kə dɔ madə̄ tə́ tām̄ yāsí tə́.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

2 KORḚNTƏ 3:17

Tá laā ní, najə̄ ń ədan̄ na i Kɔ́ɔ̄ɓē ní, kumən na i Ndíl. Ba loo ń Ndíĺ Kɔ́ɔ̄ɓē i tū tə́ ní, deē i kɔ́ɔ̄ rɔ̄n tū tə́ ō.

Makətūbə̄ ń Pol ndang adə̄ Rom gə̄ ní 7:25

m̄-ndadə̄ Nə́ɓā kə ta kūl̄ Jeju Kərist, tɔdɔ̄ ni-taām̄ jī rɔ̄ḿ ngeé ń toō tə́. Adə̄ mā i ɓəlo yā Nə́ɓā kə gír̄ yāḿ ō, ɓəlo yā majaĺ kə dā̰ rɔ̄ḿ ō.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

JA̰A̰ 4:36

Nge sāā kōō ənge yá̰a̰ kəndā nja yān kɔ̄ɔ́ o, ni-kán̄ kum kōō ní kə̄ naā tə́ tām̄ yā ndi kə kumuú kə́ ngándáńg tə́ ō. Adə̄ nge dubə̄ kōō, ō nge sāā kōō ō, əngen̄ rɔ̄nel̄ mbak.

MATIYE 19:29

Tá deē ń a əya̰ kújə yān gə̄, aláa ngákó̰o̰n kə́ dəngam gə̄, aláa kə́ dəyá̰ gə̄, aláa bɔbə̄n, aláa kó̰o̰n, aláa ngánən gə̄, aláa ndɔr̄ yān gə̄ kɔ̄ɔ́ najə̄ yāḿ mā tə́ ní, kɔ́ɔ̄ a ənge tɔȳ ni ń noó nja ɓú ō, a ənge ndi kə kumuú kə́ ta ngóyn a gətóo ō.

MATIYE 13:43

Ba de kə́ súmūú gə̄ a ndə́lēn̄ pir pir tītə̄ mbang beé kem Ɓē ko̰o̰ yā Bɔbə̄də́ tə́. Náā nəkɔ́ ń aw̄ kə mbīn yā koōń loo ní, ādə̄ kɔ́ɔ̄ oō.

MATIYE 13:40

Adə̄ tītə̄ loo sa̰ā̰ bar̄ yā róō horoó ní, yá̰á̰ ń a rāā yá̰a̰ ta ngóy ndɔ̄ gə̄ tə́ ní, a to i tītə̄ n noō ō.

PĀ GƏ̄ 92:14

Ni i kāgə̄ kə́ deē əhɔn ɓē yā Kɔ́ɔ̄ɓē tə́. Ni hútə̄ ndágə loo kə́ gīr̄ gidə kújə yā Kɔ́ɔ̄ɓē Nə́ɓā yājí tə́.

Makətūbə̄ yā Job 1:8

Anī Kɔ́ɔ̄ɓē dəjən na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

TƏ́DA 23:10

I náā n asə tə́da dūbə̄ de kə́ gír kaa yā Jakob tə́ ní? I náā n asə tə́da kutə de kə́ gír kaa yā Israel tə́ ní? Ādə̄ mə̄kɔ́ kə dɔḿ m-óy yo yā de kə́ súmūú gə̄ n noō ō, ādə̄ yá̰á̰ ń a rāā kósə Israel gə̄ ní rāām̄ ō.

TA KƏLA 50:17

kə ədan̄ Jəjep najə̄ ń toō kə adə̄nən̄, kə ədanən̄ na n-rāān ɓɔ́ ba kə mā̰ȳ rɔ̄n dɔ majaĺ yā ngákó̰o̰n gə̄ tə́, tɔdɔ̄ nin̄ na rāānən̄ yá̰á̰ kə́ majaĺ. Ní, na n-rāānən̄ ɓɔ́ ba kə mā̰ȳ rɔ̄n dɔ majaĺ yādə́ tə́ tām̄ nin̄ na i ngé ndɔ̄ȳ Nə́ɓā yā bɔbə̄n gə̄ ō. Dan ń reē ədan̄ Jəjep najə̄ ní anī Jəjep nōō.

JEJU TEĒ KUM JA̰A̰ 7:13

Anī kum kɔɔ̄ kógə̄ḿ dan madə̄n gə̄ tə́ dəjem̄ najə̄ əda na: De gə̄ ń o̰ō̰n̄ kūbə̄ ngāl̄ kə́ ndaa gə̄ noó ní ké i naá gə̄ ō, ḭḭn̄ i rá ō wa.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

DANIEL 6:20

Mban̄g ḭḭ dɔɔ́ kə gír looí ɓatə ba aw̄ láẃ ta bəlo ɓɔl gə̄ tə́.

PĀ GƏ̄ 86:2

ī-ngɔ̄mə̄m̄ tɔdɔ̄ mā i nge ra dɔ ndūḿ tə́. Mā i nge kəla yāí, m-ə̄nī kemḿ m-ādī. Ḭ̄ ń i Nə́ɓā yāḿ ní ájəm̄.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.