Makətūbə̄ ń Pol ndang adə̄ Rom gə̄ ní 6:13 - Bibəl ta Sar̄

¹³ Ī-lōōī kun ngōn̄ rɔ̄sí kógə̄ḿ rāań yá̰á̰ kə́ majaĺ, tītə̄ kə́ dām̄ rɔ̄sí ní i yá̰a̰ rāā kəla yā yá̰á̰ kə́ majaĺ beē. Banī ādī Nə́ɓā rɔ̄sí tītə̄ de gə̄ kə́ oyn̄ tá ndólə̄n̄ beé ō, ə̄ndāī rɔ̄sí kə taá malang ta kəla yān tə́ tītə̄ kə́ sḭḭ̄ i yá̰a̰ rāā kəla yā yá̰á̰ kə́ gōtə́ beē ō.

Bible sar

¹³ Ī-lōōī kun ngōn̄ rɔ̄sí kógə̄ḿ rāań yá̰á̰ kə́ majaĺ, tītə̄ kə́ dām̄ rɔ̄sí ní i yá̰a̰ rāā kəla yā yá̰á̰ kə́ majaĺ beē. Banī ādī Nə́ɓā rɔ̄sí tītə̄ de gə̄ kə́ oyn̄ tá ndólə̄n̄ beé ō, ə̄ndāī rɔ̄sí kə taá malang ta kəla yān tə́ tītə̄ kə́ sḭḭ̄ i yá̰a̰ rāā kəla yā yá̰á̰ kə́ gōtə́ beē ō.

Makətūbə̄ ń Pol ndang adə̄ Rom gə̄ ní 6:13 Referans Kwoze

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

Makətūbə̄ ń Pol ndang adə̄ Rom gə̄ ní 6:16

Dan ń ḭ̄ i ɓəlo yā deē ní ā ōō tan, adə̄ ā ī-rāā kəla yān. Ré ōō i ta yá̰á̰ kə́ majanī yá̰á̰ kə́ majaĺ a aw̄ seí yā kəlaī ta yo tə́, ba ré ōō i ta Nə́ɓā anī ā ī-tél de kə́ gōtə́.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

Makətūbə̄ ń Pol ndang adə̄ Rom gə̄ ní 7:5

Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

KOLOSƏ 2:13

Sḭḭ̄ ń kété óyiī kɔ̄ɔ sɔɔ̄ ń yá̰a̰ rāāsí kə́ gōtə́ aĺ gə̄ ō, sɔɔ̄ ń kəja kə́ sḭḭ̄ ə́jaī mɔtəsí aĺ ō ní, Nə́ɓā rāā adə̄ ī-tél ī-ndiī kə kumsí gogə́ naā tə́ kə Kərist: Ni-mā̰ȳ rɔ̄n dɔ yá̰a̰ rāājí kə́ gō tə́ aĺ gə̄ tə́ malang.

1 KORḚNTƏ 6:20

Nə́ɓā mangsí, ni-adə̄ yá̰a̰ gíŕsí tə́ kɔ̄ɔ́. I beé ní, ɔ́siī gɔn Nə́ɓā kə rɔ̄sí.

1 JA̰A̰ 1:9

Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.

1 KORḚNTƏ 6:15

Rɔ̄sí i ngōn̄ rɔ̄ Kərist kógə̄ḿ ní ī-gerī aĺ a? Kadə̄ kə m-ún ngōn̄ rɔ̄ Kərist kə m̄-rāā ngōn̄ rɔ̄ kə́ yā rāāń kaya dəyá̰ kógə̄ḿ tə́ a? M-ā m̄-rāā nge ń noō aĺ bátə́!

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

1 KORḚNTƏ 6:9

De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,

Makətūbə̄ ń Pol ndang adə̄ Rom gə̄ ní 6:19

M-ɔ̄r̄ najə̄ sesí i tītə̄ deē ndul gə̄, tɔdɔ̄ ré i beé aĺ anī, sḭḭ̄ ā ásiī ger̄ kum alé. Tītə̄ ń kété sḭḭ̄ ī-rāāī rɔ̄sí i ɓəlo gə̄ tə́ adə̄ ī-ndiī i kə rī rāā yá̰á̰ kə́ yḛr to kum gə̄ ō, kə rī rāā yá̰á̰ kə́ gōtə́ aĺ gə̄ ń a rāān̄sí kadə̄ ī-téliī de kə́ gōtə́ aĺ gə̄ ō ní, ngɔlaā majə kadə̄ ī-rāāī rɔ̄sí ɓəlo gə̄ tə́, ba i kadə̄ ī-ndiīń kə rī rāā yá̰á̰ kə́ gōtə́ gə̄ ń a rāān̄sí kadə̄ ī-téliī de kə́ táĺ gə̄ ní ō.

2 KORḚNTƏ 10:4

Tɔdɔ̄ yá̰a̰ rɔ̄ɔ̄ gə̄ ń j-a jə-rɔ̄ɔń ní, i deē ndul n rāā ní alé. Ba i yá̰a̰ rɔ̄ɔ̄ kə́ ngan̄g gə̄ yā Nə́ɓā yā nujəń kújə́ kə́ ngan̄g gə̄. Jə-nujə gír̄ kə́ gō tə́ aĺ gə̄ kɔ̄ɔ́ ō,

Makətūbə̄ ń Pol ndang adə̄ Rom gə̄ ní 6:11

I beé ní, sḭḭ̄ á̰a̰ī rɔ̄sí de kə́ koy kɔ̄ɔ́ gə̄ tə́ tām̄ yā yá̰á̰ kə́ majaĺ tə́, ba á̰a̰ī rɔ̄sí de kə́ ndi kə kumuú gə̄ tə́ tām̄ yā Nə́ɓā tə́ kə gō ɓoo naā yāsí kə́ kə Jeju Kərist.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

2 YÁ̰A̰ GƏ̄ 30:8

Ngɔlaā ní ī-lōōī rāā dɔ ngan̄g tītə̄ yādə́ ba ōōī ta Kɔ́ɔ̄ɓē. ī-tél ī-reēī gogə́ loo kə́ táĺ yān ń ɔr̄ kamə̄n tayā kə́ njɔ́ḿ gə̄ tə́ tə́ ní ō, ādə̄ sḭḭ̄ i ngé rāā kəla gə̄ yā Kɔ́ɔ̄ɓē Nə́ɓā yāsí ō. Loo ń noō tə́ wōn̄g ń rāān sesí ngá̰ý ní a tetə.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

2 KORḚNTƏ 8:5

Yá̰á̰ ń nin̄-rāān̄ ní tɔȳ nge ń j-əndā kemjí dɔ tə́ ní. Nin̄-adə̄n̄ Kɔ́ɔ̄ɓē rɔ̄də́ kété pá tá, gō tə́ anī adə̄n̄jí rɔ̄də́ kə gō kem ndigə yā Nə́ɓāá ō.

2 KORḚNTƏ 5:15

Ni oy tām̄ yā de gə̄ tə́ malang, yā kadə̄ ngé gə̄ ń ndin̄ kə kumdə́ ní, ndin̄ kə kumdə́ i tām̄ yādə́ nin̄ kɔ́ gə̄ tə́ to̰ alé, ba i tām̄ yā nge ń oy tá ndól̄ tām̄ yādə́ tə́ ní.

Makətūbə̄ ń Pol ndang adə̄ Rom gə̄ ní 7:23

ba m̄-teē dɔ ndū najə̄ kə́ rang tə́ kemḿ tə́ ɓáý to̰, kə́ a rɔ̄ɔ̄ ndū najə̄ yā Nə́ɓā ń m̄-ndigə ní kɔ̄ɔ́ kemḿ tə́. Ndū najə̄ kə́ rang ní rāām̄ adə̄ m̄-tél ɓəlo yā yá̰á̰ kə́ majaĺ ń to kemḿ tə́ ní.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

JAKƏ 4:1

Yá̰á̰ ń rāā tá kadə̄ a ī-rɔ̄ɔ̄ī naā ō, a ī-kɔ̄lī naā ō ní i rí? I ngur yá̰á̰ kə́ majaĺ gə̄ kə kemsí tə́ aĺ a? Ngur yá̰a̰ gə̄ ní i tītə̄ de kə́ ngé rɔ̄ɔ̄ gə̄ kemsí tə́,

Makətūbə̄ ń Pol ndang adə̄ Rom gə̄ ní 1:29

Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

Najə̄ kə́ Majə yā Jeju ń Luk ndang ní 15:24

tɔdɔ̄ ngōnə̄ḿ ń toō oy i mbée, ba ngɔlaā ni-tél ajə gogə́, tan tḭ̄ḭ̄ i mbée ba j-əngeniī kɔ̄ɔ́ tā. Loo ń noō tə́ nin̄-əlan̄ gír rāā rɔ̄nel̄.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

Gōsə̄ najə̄ gə̄ 12:18

Najə̄ kɔr̄ de kə́ nge kɔsə kum i najə̄ kə́ a adə̄ deē do kə́ tītə̄ do kaskar beé, banī ta ndo̰ ngé kum kedə̄ gə̄ i dáwá.

PĀ GƏ̄ 37:30

Ta de kə́ súmūú əda yá̰á̰ kə́ ngáā ō, ta ndo̰n əda yá̰á̰ kə́ gōtə́ ō.

NDŪ NAJƏ̄ 25:16

Tɔdɔ̄ deē ń rāā yá̰á̰ kə́ gōtə́ aĺ kə́ tītə̄ ń noō ní, i de kə́ to yḛr ta kum Kɔ́ɔ̄ɓē Nə́ɓā yāí tə́.

2 TESALONIK 2:12

kadə̄ gāngə̄n̄neé sarya dɔ de gə̄ malang ń taān̄ kem najə̄ kə́ rɔ̄kum alé, banī i yá̰á̰ kə́ gōtə́ aĺ tá nel̄də́ ní.

2 KORḚNTƏ 5:14

Tɔdɔ̄ tár yā Kərist o̰o̰ ɓē dɔjí tə́, jḭḭ ń jə-ger̄ majə ngá̰ý kadə̄ de kə́ kal kógə̄ḿ beē oy tām̄ yā de kə́ ngá̰ý gə̄ tə́ ní. Kumən na nin̄ malang oyn̄ seneé.

2 TIMOTE 2:15

Ī-ngatə́rā dɔ rɔ̄í tə́ kadə̄ ī-ra ta kum Nə́ɓā tə́ kə́ de kə́ nāānən̄ ba asə tə́ ō, kə́ nge rāā kəla kə́ rɔ̄n sɔlə̄n aĺ tə́ ō, kə́ de kə́ nge kɔjə najə̄ kə́ rɔ̄kum kə gōó tə́ ō.