Makətūbə̄ ń Pol ndang adə̄ Rom gə̄ ní 6:12 - Bibəl ta Sar̄

¹² Ī-lōōī kadə̄ majaĺ o̰o̰ ɓē dɔ dā̰ rɔ̄sí kə́ a oy kɔ̄ɔ́ ń toō tə́, na sōgə́ ā ōōī i yān tá loo rāā yá̰a̰ gə̄ ń ngurdə́ a rāān tə́ ní.

Bible sar

¹² Ī-lōōī kadə̄ majaĺ o̰o̰ ɓē dɔ dā̰ rɔ̄sí kə́ a oy kɔ̄ɔ́ ń toō tə́, na sōgə́ ā ōōī i yān tá loo rāā yá̰a̰ gə̄ ń ngurdə́ a rāān tə́ ní.

Makətūbə̄ ń Pol ndang adə̄ Rom gə̄ ní 6:12 Referans Kwoze

GALATƏ 5:16

M-ə́dásí ɓáý to̰, ə́ya̰ī ādī i Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní.

Makətūbə̄ ń Pol ndang adə̄ Rom gə̄ ní 6:16

Dan ń ḭ̄ i ɓəlo yā deē ní ā ōō tan, adə̄ ā ī-rāā kəla yān. Ré ōō i ta yá̰á̰ kə́ majanī yá̰á̰ kə́ majaĺ a aw̄ seí yā kəlaī ta yo tə́, ba ré ōō i ta Nə́ɓā anī ā ī-tél de kə́ gōtə́.

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

GALATƏ 5:24

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

PĀ GƏ̄ 19:13

I náā n kumən teē dɔ yá̰á̰ kə́ rāā gō ger̄ aĺ tə́ ní? Ī-māȳ rɔ̄í dɔ yá̰á̰ kə́ gōtə́ aĺ ń m̄-rāā ba m̄-ger̄ alé ní tə́.

2 KORḚNTƏ 4:11

Tɔdɔ̄ jḭḭ ń jə-ndi kə kumjí ní, əlan̄jí ta yo tə́ kə dɔ ndɔ̄ gə̄ najə̄ yā Jeju tə́, yā kadə̄ ndi kə kumuú yā Jeju ɔjəń rɔ̄n kə̄ ndágá kem dā̰ rɔ̄jí kə́ a oy tə́ ō.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

EPEJƏ 4:22

yá̰á̰ kə majaĺ gə̄ ń ī-rāāī kété jóó ní, majə kadə̄ ī-lōōī gírí. I beé n ā ī-lōōiń gíŕ háĺsí kə́ jóó tə́ ní. Tām̄ yá̰á̰ kə́ majaĺ gə̄ ń gólə̄n̄sí kété ní, a nujən̄ i deē.

Makətūbə̄ ń Pol ndang adə̄ Rom gə̄ ní 2:8

Ba ngé gə̄ ń i ngé mbātə́ najə̄ gə̄ á mbātə́n̄ najə̄ kə́ rɔ̄kum ba rāān̄ i yá̰á̰ kə́ súmūú aĺ gə̄ ní, wōn̄g yān ō, wur katə̄ yān ō, a reēn̄ dɔdə́ tə́.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

PĀ GƏ̄ 119:133

Ī-rāā ādə̄ njaḿ əhɔ dɔ nang majə kə ta kūl̄ yá̰a̰ gə̄ ń ɔ́sə kə de gēé ta rāā ní ō, ī-lōō kəya̰ yá̰á̰ kə́ majaĺ kógə̄ḿ kadə̄ o̰o̰ ɓē dɔḿ tə́ ō.

TƏ́DA 33:55

Ba ré ī-tə̄ɓāī de gə̄ kə́ dɔ nang kə́ Kanaan tə́ nosí tə́ kɔ̄ɔ́ malang aĺ anī, ngé gə̄ ń ā ə́ya̰īdə́ ní, a télən̄ kōn̄ gə̄ kə́ a ran̄ kumsí tə́ ō, kōn̄ gə̄ kə́ a ran̄ ngēl̄ kadəsí tə́ ō. Nin̄ a ənīn̄sí rɔ̄ɔ̄ kə̄ nja naā tə́ kem ɓē ń ā ī-ndiī tū tə́ ní tə́.

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.

1 PIYER 1:14

Ōōī ta Nə́ɓā ba ī-lōōī rāā yá̰á̰ ń kété ngurən a rāāsí dan ń sḭḭ̄ ī-gerīneé yá̰a̰ aĺ ɓáý tə́ ní.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

1 TESALONIK 4:5

kanjə̄ kəya̰ ɓō yá̰á̰ kə́ kemən tə́ kadə̄ un dɔn tītə̄ ń de kə́ ndágá gə̄ a rāān̄neé ní.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

Makətūbə̄ ń Pol ndang adə̄ Rom gə̄ ní 8:11

Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

NGÉ SARYA 2:3

Adə̄ m-ə́da na m-ā m̄-tə̄ɓā de gə̄ kə́ dɔ nang ń toō tə́ nosí tə́ alé. Nin̄ a gólə̄n̄sí yā kaw̄ sesí kadə̄ ə̄sōī kum gūmbə̄ ń i rāā ɓesə̄ yādə́ gə̄ ní tə́.

NDŪ NAJƏ̄ 7:2

Kɔ́ɔ̄ɓē a əladə́ kem jīsí tə́ kadə̄ ī-tetiīdə́ rɔ̄ɔ̄ ō, ī-bāāī dɔdə́ ādə̄niī ō. Ī-lōōī əhɔ madə̄ naā sedə́ ō, ka̰a̰ kum tō ndoō yādə́ ō.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

2 KORḚNTƏ 5:4

Rɔ̄kum, dan ń jə-ndiī i kem kújə́ kə́ dɔ nang tə́ ń toō tə́ ɓáý ní, j-a jə-to̰ō̰ī i mbée rus rus, tām̄ jḭḭ̄ i gíŕ yá̰á̰ kə́ kɔȳń tɔȳ tɔ́gə́jí tə́. Kumən na jə-sāāī i kadə̄ rɔ̄jí kə́ dɔ nang tə́ kə gətóo kɔ̄ɔ́ alé, banī jə-ndə̄ngāī i kadə̄ əlan̄ rɔ̄jí kə́ dɔ rā̰ tə́ rɔ̄jí tə́, yā kadə̄ yá̰á̰ ń a oy kɔ̄ɔ́ ní, ndi kə kumuú utə̄ dɔn kɔ̄ɔ́.

TA KƏLA 4:7

Ré kemií ndi kə gōó majanī, ā ún kumií dɔɔ́. Ba ré kemií ndi majə alé anī, majaĺ a to ta róbí tə́. Ngur kəhɔī rāān, ba ásə dum̄ tan.

LEBI GƏ̄ 13:40

Ré nənga dɔ de kə́ dəngam tə́sō anī, ni i nge dɔ kɔr̄ adə̄ i de kə́ unjə̄ njáý njáý.