Makətūbə̄ ń Pol ndang adə̄ Rom gə̄ ní 5:9 - Bibəl ta Sar̄

⁹ Jə-téliī de kə́ súmūú gə̄ ta kum Nə́ɓā tə́ ngɔlaā i kə ta kūl̄ kadə̄ rɔ̄ yānneé. Adə̄ wōn̄g yā Nə́ɓā ń a reē ɓáý ní, ni-ajəjí kɔ̄ɔ́ ta tə́.

Bible sar

⁹ Jə-téliī de kə́ súmūú gə̄ ta kum Nə́ɓā tə́ ngɔlaā i kə ta kūl̄ kadə̄ rɔ̄ yānneé. Adə̄ wōn̄g yā Nə́ɓā ń a reē ɓáý ní, ni-ajəjí kɔ̄ɔ́ ta tə́.

Makətūbə̄ ń Pol ndang adə̄ Rom gə̄ ní 5:9 Referans Kwoze

1 TESALONIK 1:10

ba ngóoń Ngōnən ń a ḭḭ dɔ rā̰ tə́ yā reē ní ō. Adə̄ i Ngōnən Jeju ń oy á ni-ndólən ní. Sarya yā Nə́ɓā ń a reē ní, Ngōnən ngeé ń toō un dɔjí tə́ kɔ̄ɔ́.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

EPEJƏ 2:13

Ba ngɔlaā ń toō ī-ɓooī naā kə Kərist Jeju, adə̄ sḭḭ̄ ń kété sḭḭ̄ i sa̰y rɔ̄ Nə́ɓā tə́ ní, ī-reēī rɔ̄n tə́ ngɔr kə ta kūl̄ mósə Kərist.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

Makətūbə̄ ń Pol ndang adə̄ Rom gə̄ ní 1:18

Nə́ɓā ndi dɔɔ́ dɔ rā̰ tə́ rāāń wōn̄g kə yá̰a̰ malang kə́ majaĺ ō, kə́ gō tə́ aĺ ō ń de gə̄ rāān̄ ní. Tɔdɔ̄ nin̄-ɔgə̄n̄ najə̄ kə́ rɔ̄kum rāā kəla sɔɔ̄ń yá̰a̰ rāādə́ kə́ majaĺ gə̄.

HEBƏRO 9:22

Kə gō ndū najá ní, na̰y i sḛ́ý beē kadə̄ i mósə n rāā kadə̄ yá̰a̰ gə̄ malang unjə̄n̄ njáý njáý ní, ba ré mósə a̰ȳ nang tə́ aĺ anī, mā̰ȳ rɔ̄ a gətóo.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

Makətūbə̄ ń Pol ndang adə̄ Rom gə̄ ní 8:30

Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.