Makətūbə̄ ń Pol ndang adə̄ Rom gə̄ ní 5:8 - Bibəl ta Sar̄

⁸ Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

Bible sar

⁸ Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

Makətūbə̄ ń Pol ndang adə̄ Rom gə̄ ní 5:8 Referans Kwoze

JA̰A̰ 15:13

Táŕ kə́ bo tɔȳ kadə̄ deē adə̄ rɔ̄n yo tām̄ yā madə̄ kə́ran gə̄ tə́ ní gətóo.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

Makətūbə̄ ń Pol ndang adə̄ Rom gə̄ ní 5:6

I dan ń tɔ́gə́jí gətóoń ɓáý ní n Kərist oyń tām̄ yā ngé rāā majaĺ gə̄ tə́, ndɔ̄ ń Nə́ɓā ɔjəń tə́ ní.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

1 JA̰A̰ 3:16

Jḭḭ̄ jə-gerī tár i kə ta kūl̄ yá̰á̰ ń toō: Jeju Kərist oy i tām̄ yājí tə́. Ní, majə kadə̄ jḭḭ̄ j-oyiī tām̄ yā ngákó̰ó̰jí gə̄ tə́ ō.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

EPEJƏ 2:7

Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo.

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

1 TIMOTE 1:16

Ba mā kə́ majaĺ ngá̰ý ń a̰a̰n̄ kum tō ndoō yāḿ ní, i yā kadə̄ Kərist Jeju ɔjəń tə́gā ta yān kə́ ngá̰ý kə̄ ndágá kə de gə̄ ń ndɔ̄ń tə́ a taān̄ kemən tām̄ yā ndi kə kumuú kə́ ngándáńg tə́ ní.

Makətūbə̄ ń Pol ndang adə̄ Rom gə̄ ní 5:20

Tɔdɔ̄ ndū najə̄ yā Nə́ɓā reē yān yā kadə̄ majaĺ ń de gə̄ rāān̄ ní taā loo ɓá tā, banī loo ń majaĺ yā de gə̄ taā loo tū tə́ ní, rajə yā Nə́ɓā al̄ ngandə̄ tū tə́ ō.

Makətūbə̄ ń Pol ndang adə̄ Rom gə̄ ní 3:5

Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé.

Makətūbə̄ ń Pol ndang adə̄ Rom gə̄ ní 5:7

Kadə̄ deē ndigə koy tām̄ yā madə̄n kə́ i de kə́ súmūú tə́ ní i yá̰á̰ kə́ sétə́ ngá̰ý. Ká ré i de kə́ majə gə̄gē anī, majə tá deē a əre wurən njam yā koy tām̄ yān tə́.

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

Makətūbə̄ ń Pol ndang adə̄ Rom gə̄ ní 8:39

aké i yá̰á̰ kə́ tɔ́gə́də́ i ngá̰ý gə̄ kə́ dɔ rā̰ tə́, aké i yá̰á̰ kə́ tɔ́gə́də́ i ngá̰ý gə̄ kə́ dɔ nang tə́, aké i yá̰á̰ kə́ rang kə́ Nə́ɓā rāā, yá̰a̰ gə̄ ń noō malang ní, asən̄ kēgə̄jí naā tə́ kə táŕ ń Nə́ɓā ɔjə kə̄ ndágá tām̄ yājí tə́ kə ta kūl̄ Kɔ́ɔ̄ɓē yājí Jeju Kərist ní alé.

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

HEBƏRO 8:3

Ngol ngé tun̄ yá̰a̰ gə̄ ní, əndān̄də́ i kadə̄ nin̄-adə̄n̄ Nə́ɓā yá̰a̰ ndējə̄ gə̄ ō, dā̰ kə́ tɔ̄l̄ ba tun̄ gə̄ ō. Loo ń noō tə́ ní i gáŕ kadə̄ Jeju ənge yá̰á̰ kə́ yā ndējə̄ ō.