Makətūbə̄ ń Pol ndang adə̄ Rom gə̄ ní 5:2 - Bibəl ta Sar̄

² I kə kūl̄neé n j-əngeīń ta róbə kadə̄ Nə́ɓā rajəńjí dan ń jə-taāīń kem ní. Rajə yān i naā tə́ sejí, yá̰á̰ ń j-ɔjə rɔ̄jí tāmən tə́ ní i kɔsə gɔn yā Nə́ɓā ń j-əndāī kemjí dɔ tə́ ní.

Bible sar

² I kə kūl̄neé n j-əngeīń ta róbə kadə̄ Nə́ɓā rajəńjí dan ń jə-taāīń kem ní. Rajə yān i naā tə́ sejí, yá̰á̰ ń j-ɔjə rɔ̄jí tāmən tə́ ní i *kɔsə gɔn yā Nə́ɓā ń j-əndāī kemjí dɔ tə́ ní.

Makətūbə̄ ń Pol ndang adə̄ Rom gə̄ ní 5:2 Referans Kwoze

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

EPEJƏ 3:12

Kə ta kūl̄ ɓoojí naā kə Kərist ō, taā kə́ jə-taāī kemən ō ní, j-əngeī ta róbə kənī kemjí kaw̄ń rɔ̄ Nə́ɓā tə́.

1 KORḚNTƏ 15:1

Ngákó̰ó̰ḿ gə̄, Najə̄ kə́ Majə ń m-ɔ́jə́sí á ī-ndigiī ō, ī-tāāī kem mámák ō ní, ngɔlaā m̄-ndigə ter̄ kemsí dɔ tə́.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

JA̰A̰ 10:9

Mā i ta gɔng. Ré deē udə kem gɔngɔɔ́ kə ta kūlə̄ḿ anī, a ajə. Ni a udə ō, a teē ō, a ənge yá̰a̰ kəsa ō.

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

Makətūbə̄ ń Pol ndang adə̄ Rom gə̄ ní 3:23

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JA̰A̰ 10:7

Jeju ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, mā i ta gɔng batə̄ gə̄.

PĀ GƏ̄ 73:24

Ḭ̄ ɔ́r noḿ kə gō yá̰á̰ ń ḭ̄ ī-nóm̄ ní, gō tə́ anī ā únəm̄ dan kɔsə gɔn yāí tə́.

JEJU TEĒ KUM JA̰A̰ 21:11

Kɔsə gɔn yā Nə́ɓā nəkɔ́ rāā adə̄ ɓē ní ndə́lē tītə̄ mbal̄ kə́ gātə̄n i ngá̰ý ń i mbal̄ jaspə kə́ ndə́lē tītə̄ kəristal kə́ unjə̄ yáŕ yáŕ beē ní.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

Makətūbə̄ ń Pol ndang adə̄ Rom gə̄ ní 8:24

Tɔdɔ̄ ajən̄jí kɔ̄ɔ́ ɓá, banī kajə ní i kajə kə́ kadə̄ j-əndaī kemjí dɔ tə́ ɓáý. Tá yá̰á̰ ń deē əndā kemən dɔ tə́ ní ré a̰a̰ kɔ̄ɔ́ anī, ni a əndā kemən dɔ tə́ to̰ alé. I náā n i nge kəndā kemən dɔ yá̰á̰ kə́ ni-a̰a̰ kɔ̄ɔ́ ɓá tə́ ní?

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

KƏLA RĀĀ 14:27

Dan ń ugə̄n̄ A̰tiyos anī, ɔsən̄ dɔ ngé taā kem gə̄ naā tə́, ba ənīn̄də́ gotə yá̰a̰ malang ń Nə́ɓā rāā kə ta kūl̄də́ ní ō, ɔjən̄də́ loo teē ń Nə́ɓā teē ta róbə adə̄ de gə̄ kə́ nin̄ i Jipə aĺ gə̄, yā kadə̄ nin̄-taān̄ kem ō ní.

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

EPEJƏ 6:13

Tām̄ najə̄ ń noō tə́ ní, ə́laī yá̰a̰ rɔ̄ɔ̄ yā Nə́ɓā rɔ̄sí tə́, yā kadə̄ ndɔ̄ kə́ majaĺ tə́ anī ī-raīń ngan̄g ō, ī-raī dɔɔ́ ō, dan ń ī-tetiī rɔ̄ɔ̄ gə̄ malang ní.

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

Makətūbə̄ ń Pol ndang adə̄ Rom gə̄ ní 14:4

Ḭ̄ i náā kadə̄ ī-gān̄g sarya dɔ nge kəla yā madí tə́ ní? Ká ré nge kəla ní əsō aké, əsō aĺ anī, usiī alé, tɔdɔ̄ nge ń noō sɔɔ̄ i kɔ́ɔ̄n. Banī ni a ra dɔɔ́ ngan̄g, tɔdɔ̄ Kɔ́ɔ̄ɓē asə rāān kadə̄ ra dɔɔ́ karī.

Gōsə̄ najə̄ gə̄ 14:32

Yá̰á̰ kə́ majaĺ yā nge kem ndul mbəre nge kem ndul ənīn, banī ká ré ni toń i ta yo tə́ gə̄gē de kə́ súmūú ənī kemən mámák.

HABAKUK 3:18

Banī mā m-ə́nge rɔ̄nel̄ i kem Kɔ́ɔ̄ɓē tə́. Rɔ̄ḿ nelə̄m̄, i najə̄ yā Nə́ɓā ń i nge kajəḿ ní tə́.

Makətūbə̄ ń Pol ndang adə̄ Rom gə̄ ní 11:20

I gō tə́, ɓá tā ba jéngə̄n̄də́ i najə̄ yā taā kem aĺ yādə́ tə́, ba ḭ̄, yá̰á̰ ń ra seí loo ń noō tə́ ní i taā kem yāí. Ní ɔ́jə rɔ̄í alé, ba ngá̰ý a ī-ɓōĺ i mbéé tá.