Makətūbə̄ ń Pol ndang adə̄ Rom gə̄ ní 5:17 - Bibəl ta Sar̄

¹⁷ Rɔ̄kum, yo ɔjə tɔ́gən kə̄ ndágá i kə ta kūl̄ yá̰a̰ rāā kə́ gō tə́ aĺ yā de kə́ kal kógə̄ḿ beē. Banī kə ta kūl̄ Jeju Kərist ń i de kə́ kal kógə̄ḿ beē ní, jḭḭ̄ j-əngeī yá̰á̰ jī Nə́ɓā tə́ tɔȳ nge ń noō: Ni-rāā majə sejí i karī ō, rāā adə̄ jə-téliī de kə́ gōtə́ gə̄ ō. J-a jə-ndiī kə kumjí i kə ta kūl̄ Kərist ō, j-a j-o̰o̰ī ɓē naā tə́ seneé ō.

Bible sar

¹⁷ Rɔ̄kum, yo ɔjə tɔ́gən kə̄ ndágá i kə ta kūl̄ yá̰a̰ rāā kə́ gō tə́ aĺ yā de kə́ kal kógə̄ḿ beē. Banī kə ta kūl̄ Jeju *Kərist ń i de kə́ kal kógə̄ḿ beē ní, jḭḭ̄ j-əngeī yá̰á̰ jī Nə́ɓā tə́ tɔȳ nge ń noō: Ni-rāā majə sejí i karī ō, rāā adə̄ jə-téliī de kə́ gōtə́ gə̄ ō. J-a jə-ndiī kə kumjí i kə ta kūl̄ Kərist ō, j-a j-o̰o̰ī ɓē naā tə́ seneé ō.

Makətūbə̄ ń Pol ndang adə̄ Rom gə̄ ní 5:17 Referans Kwoze

Makətūbə̄ ń Pol ndang adə̄ Rom gə̄ ní 5:12

I de kə́ kal kógə̄ḿ beē n rāā adə̄ majaĺ reē dɔ nang tə́ ní, ba majaĺ reē kə yoó, adə̄ de gə̄ malang oyn̄, tɔdɔ̄ nin̄ malang rāān̄ majaĺ.

1 KORḚNTƏ 15:49

Tītə̄ ń jə-toī tītə̄ de kə́ dɔ nang tə́ ní, j-a jə-toī tītə̄ de kə́ dɔ rā̰ tə́ ō.

JA̰A̰ 10:10

Nge ɓogə reē i ɓogoó ō, tɔ̄lɔ̄ɔ́ ō, nujəń ō ngóy. Mā m̄-reē i yā kadə̄ de gə̄ ndin̄ kə kumuú, ba kadə̄ ndi kə kumuú ní i ngá̰ý al̄ naā.

2 TIMOTE 2:12

Ré jə-raī ngan̄g anī, j-a j-o̰ō̰ī ɓēé naā tə́ seneé ō. Ré jə-mbātíin̄ anī, ni a mbātə́jí ō.

JEJU TEĒ KUM JA̰A̰ 22:5

Loo kə́ ndɔ̄ɔ́ a gətóo ō, a sāān̄ i hor lámbá tá yā ka̰a̰ń loo aĺ ō, a sāān̄ i mbang tá yā ka̰a̰ń loo aĺ ō. Tām̄ i Kɔ́ɔ̄ɓē Nə́ɓā n i loo kə́ unjə̄ kow dɔdə́ tə́ kadə̄ a̰a̰n̄neé loo ō, nin̄ a o̰o̰n̄ ɓē i kə dɔ ɓāl̄ gə̄ ɓāl̄ gə̄ ō.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

JEJU TEĒ KUM JA̰A̰ 20:6

Deē ń ndól̄ ndól̄ kə́ ta kəga dɔ ngeé ń toō ní, rɔ̄n nelə̄n ō, ni i deē yā Nə́ɓā ō. Yo a o̰o̰ ɓē dɔ de kə́ beē gə̄ tə́ alé, banī nin̄ i ngé tun̄ yá̰a̰ gə̄ yā Nə́ɓā ō, yā Kərist ō, a o̰o̰n̄ ɓē naā tə́ kə Kərist ɓāl̄ dūbú ō.

JEJU TEĒ KUM JA̰A̰ 20:4

Gō tə́ anī m-á̰a̰ kōr̄ kāgə̄ mbang gə̄. Ba de gə̄ ń reē ndin̄ dɔ tə́ ní, adə̄n̄də́ ta róbə kadə̄ gāngə̄n̄ sarya. Tá m-á̰a̰ de gə̄ ń tə́gān̄ míndə́də́ gángə̄n̄ kə kə̄ngāá tām̄ najə̄ kə́ kum tə́ yā Jeju tə́ ō, tām̄ najə̄ yā Nə́ɓā tə́ ní ō. De gə̄ ń rɔȳn̄ dā̰ ní aĺ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní tə́ aĺ ō, əndān̄ tə́ré yá̰a̰ nodə́ tə́ aĺ ō, jīdə́ tə́ aĺ ō ní, m-á̰á̰də́ ō. Nin̄-tél ndin̄ kə kumdə́ gogə́, ba o̰o̰n̄ ɓē naā tə́ kə Kərist ɓāl̄ dūbú kógə̄ḿ.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

JEJU TEĒ KUM JA̰A̰ 1:6

rāā adə̄ jə-téliī de gə̄ kə́ kem ɓē ko̰o̰ yān tə́ ō, ngé tun̄ yá̰a̰ gə̄ yā Bɔbə̄n Nə́ɓā ō ní, kɔsə gɔn i yān ō, tɔ́gən to ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō.

1 KORḚNTƏ 4:8

Sḭḭ̄ ī-ndānī kɔ̄ɔ́ ɓá ō, ə́ngeī yá̰á̰ ngá̰ý kɔ̄ɔ́ ō. Sḭḭ̄ i mban̄g gə̄, banī jḭḭ i mban̄g gə̄ alé. m̄-ndigə ngá̰ý kadə̄ sḭḭ̄ ó̰o̰ī ɓē kə́ rɔ̄kum tə́, yā kadə̄ jḭḭ j-o̰o̰ń ɓē sesí ō.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 5:20

Tɔdɔ̄ ndū najə̄ yā Nə́ɓā reē yān yā kadə̄ majaĺ ń de gə̄ rāān̄ ní taā loo ɓá tā, banī loo ń majaĺ yā de gə̄ taā loo tū tə́ ní, rajə yā Nə́ɓā al̄ ngandə̄ tū tə́ ō.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

Makətūbə̄ ń Pol ndang adə̄ Rom gə̄ ní 8:39

aké i yá̰á̰ kə́ tɔ́gə́də́ i ngá̰ý gə̄ kə́ dɔ rā̰ tə́, aké i yá̰á̰ kə́ tɔ́gə́də́ i ngá̰ý gə̄ kə́ dɔ nang tə́, aké i yá̰á̰ kə́ rang kə́ Nə́ɓā rāā, yá̰a̰ gə̄ ń noō malang ní, asən̄ kēgə̄jí naā tə́ kə táŕ ń Nə́ɓā ɔjə kə̄ ndágá tām̄ yājí tə́ kə ta kūl̄ Kɔ́ɔ̄ɓē yājí Jeju Kərist ní alé.

TA KƏLA 2:17

ba ī-lōō kəsa kan̄ kāgə̄ kə́ ré deē əsa anī a ger̄ yá̰á̰ kə́ majə ō, yá̰á̰ kə́ majaĺ ō, tɔdɔ̄ ndɔ̄ ń ā ə́sá tə́ ní, ā óy.

Makətūbə̄ ń Pol ndang adə̄ Rom gə̄ ní 5:15

Ba majaĺ yā Adam əndā gō yá̰á̰ ń rajə yā Nə́ɓā adə̄ karī tə́ ní alé. Tɔdɔ̄ kósə de gə̄ ngá̰ý oyn̄ tām̄ rāā majaĺ yā de kə́ kal kógə̄ḿ beē tə́ ɓá tá, ba rajə yā Nə́ɓā rāā yá̰á̰ kə́ ngá̰ý tɔȳ ō. Tá yá̰a̰ gə̄ ń Nə́ɓā adə̄ de gə̄ kə ta kūl̄ de kə́ kal kógə̄ḿ beē ń i Jeju Kərist ní, i yá̰á̰ kə́ bo ngá̰ý tɔȳ ō ɓáý to̰.

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.