Makətūbə̄ ń Pol ndang adə̄ Rom gə̄ ní 5:14 - Bibəl ta Sar̄

¹⁴ Ɓá tā ba əla gír dɔ Adam tə́ bátə́ ugə̄ń ɓāl̄ yā Moijə tə́ ní, de gə̄ ń rāān̄ majaĺ kə́ tītə̄ yā Adam aĺ ní gə̄gē, yo o̰o̰ ɓē dɔdə́ tə́. Kété ní Adam mbātə́ rāā yá̰á̰ ń Nə́ɓā ədan ní. Ni i kum gotə nge ń sɔɔ̄ kadə̄ a reē ní.

Bible sar

¹⁴ Ɓá tā ba əla gír dɔ Adam tə́ bátə́ ugə̄ń ɓāl̄ yā Moijə tə́ ní, de gə̄ ń rāān̄ majaĺ kə́ tītə̄ yā Adam aĺ ní gə̄gē, yo o̰o̰ ɓē dɔdə́ tə́. Kété ní Adam mbātə́ rāā yá̰á̰ ń Nə́ɓā ədan ní. Ni i kum gotə nge ń sɔɔ̄ kadə̄ a reē ní.

Makətūbə̄ ń Pol ndang adə̄ Rom gə̄ ní 5:14 Referans Kwoze

1 KORḚNTƏ 15:45

I beé n ndangən̄ kem makətūbə̄ yā Nə́ɓā tə́ na: De kə́ ta kəga dɔ ń i Adam ní, téĺ yá̰á̰ kə́ ndi kə kumneé. Banī Adam kə́ gogə́ i Ndíl kə́ nge rāā kadə̄ deē ndi kə kumneé.

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

Makətūbə̄ ń Pol ndang adə̄ Rom gə̄ ní 5:17

Rɔ̄kum, yo ɔjə tɔ́gən kə̄ ndágá i kə ta kūl̄ yá̰a̰ rāā kə́ gō tə́ aĺ yā de kə́ kal kógə̄ḿ beē. Banī kə ta kūl̄ Jeju Kərist ń i de kə́ kal kógə̄ḿ beē ní, jḭḭ̄ j-əngeī yá̰á̰ jī Nə́ɓā tə́ tɔȳ nge ń noō: Ni-rāā majə sejí i karī ō, rāā adə̄ jə-téliī de kə́ gōtə́ gə̄ ō. J-a jə-ndiī kə kumjí i kə ta kūl̄ Kərist ō, j-a j-o̰o̰ī ɓē naā tə́ seneé ō.

Makətūbə̄ ń Pol ndang adə̄ Rom gə̄ ní 8:22

Tɔdɔ̄ jə-gerī majə kadə̄ bátə́ ɓōólaā nəkɔ́ ń j-awīiń jījí tə́ toō gə̄gē ní, yá̰a̰ gə̄ malang ń Nə́ɓā əndā ní a to̰ō̰n̄ i mbée tītə̄ dəyá̰ kə́ nge rāā kem beé.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

TA KƏLA 7:22

Yá̰a̰ malang kə́ dɔ nang tə́ ń koō ndi kə kumuú i kemən tə́ ní oy.

Makətūbə̄ ń Pol ndang adə̄ Rom gə̄ ní 8:20

Tɔdɔ̄ əlan̄ dɔ yá̰a̰ gə̄ ń Nə́ɓā əndā ní gíŕ tɔ́gə yā yá̰á̰ kə́ rim karī gə̄ tə́. I kə gō kem ndigə yādə́ alé, banī i kə gō kem ndigə yā nge ń əla dɔdə́ gíŕ tɔ́gə yā yá̰á̰ kə́ rim gə̄ tə́ ní. Ɓá tā ba yá̰á̰ kógə̄ḿ kə́ kadə̄ deē əndā kemən dɔ tə́ to noó:

JONAS 4:11

Ba ɓē kə́ Ninibə ń de kə́ kemeé gə̄ kə́ mānə̄n̄ 120 000 ń noō, gerə̄n̄ yá̰á̰ kə́ majə tām̄ yādə́ tə́ aĺ ō, dā̰ gə̄ i ngá̰ý kemeé ō ní, kə mā kə kumḿ kə o̰o̰m̄ tām̄ yān tə́ aĺ a?

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

TA KƏLA 19:25

Ni-nujə ɓē kə́ jōó gə̄ ń noō kə de kə́ kemeé gə̄ malang ō, nujə ndágə loo malang ō, yá̰a̰ malang kə́ kəɓa dɔ nang tə́ ō.

TA KƏLA 4:8

Ba Kain əda ngōkó̰o̰n Abel na kə n-teēn̄. Dan ń nin̄ i kem ndɔrɔ́ anī, Kain ḭḭ udə kə̄ dɔ ngōkó̰o̰n Abel tə́ tɔ̄lə̄n.

Teē Ngán Israel gə̄ 1:22

Banī Parao̰ əda gír deē yān gə̄ malang na kə tə́nīn̄ ngán Hebəro kə́ dəngam gə̄ kɔ̄ɔ́ kum bā tə́ ba kə əya̰n̄ ngé kə́ dəyá̰ gə̄.

Teē Ngán Israel gə̄ 1:6

Gō tə́ anī Jəjep oy ō, ngákó̰o̰n gə̄ oyn̄ ō, ngé gə̄ ń reēn̄ sedə́ ní oyn̄ malang ō.

Makətūbə̄ ń Pol ndang adə̄ Rom gə̄ ní 5:12

I de kə́ kal kógə̄ḿ beē n rāā adə̄ majaĺ reē dɔ nang tə́ ní, ba majaĺ reē kə yoó, adə̄ de gə̄ malang oyn̄, tɔdɔ̄ nin̄ malang rāān̄ majaĺ.

1 KORḚNTƏ 15:22

Tītə̄ ń de gə̄ malang oyn̄ sɔɔ̄ń i Adam ní, de gə̄ malang a ndin̄ kə kumdə́ sɔɔ̄ń i Kərist ō.