Makətūbə̄ ń Pol ndang adə̄ Rom gə̄ ní 5:13 - Bibəl ta Sar̄

¹³ Tɔdɔ̄ kété tá kadə̄ Nə́ɓā adə̄ Moijə ndū najə̄ ní, rāā majaĺ to dɔ nang tə́ kɔ̄ɔ́ ɓá. Ba dan ń ndū najə̄ gətóó ɓáý ní, tə́dan̄ rāā yá̰á̰ kə́ majaĺ alé.

Bible sar

¹³ Tɔdɔ̄ kété tá kadə̄ Nə́ɓā adə̄ Moijə *ndū najə̄ ní, rāā majaĺ to dɔ nang tə́ kɔ̄ɔ́ ɓá. Ba dan ń ndū najə̄ gətóó ɓáý ní, tə́dan̄ rāā yá̰á̰ kə́ majaĺ alé.

Makətūbə̄ ń Pol ndang adə̄ Rom gə̄ ní 5:13 Referans Kwoze

Makətūbə̄ ń Pol ndang adə̄ Rom gə̄ ní 4:15

Tɔdɔ̄ ndū najə̄ a reē kə wōn̄g yā Nə́ɓāá dɔ de gə̄ tə́, ba loo ń ndū najə̄ gətóo tū tə́ ní, loo mbātə́ rāā yá̰á̰ kə́ ndū najə̄ ɔjə a gətóo ō.

1 KORḚNTƏ 15:56

Yá̰á̰ kə́ ta katə yā yo i majaĺ, ba tɔ́gə yā majaĺ i ndū najə̄.

1 JA̰A̰ 3:4

Náā nəkɔ́ ń rāā majaĺ ní, rāā i yá̰á̰ kə́ gō tə́ aĺ. Tɔdɔ̄ majaĺ i yá̰á̰ kə́ gō tə́ aĺ.

TA KƏLA 38:10

Yá̰á̰ ń ni rāā ní nel̄ Kɔ́ɔ̄ɓē alé, adə̄ Kɔ́ɔ̄ɓē rāā adə̄ oy ō.

TA KƏLA 38:7

Nel̄ Kɔ́ɔ̄ɓē kə Er alé, tɔdɔ̄ ni i de kə́ nge kem ndul, adə̄ Kɔ́ɔ̄ɓē rāā adə̄ oy.

TA KƏLA 19:32

Ī-reē, j-adə̄ bɔbə̄jí kasə nduú adə̄ a̰ȳ, ba jə-to seneé j-ojəń ngán kaan gə̄ j-adə̄n, ādə̄ kojə yā bɔbə̄jí toń ta kaw̄ kə̄ kété.

TA KƏLA 19:4

Nin̄ ton̄ nang tə́ aĺ ɓáý anī, de kə́ Sodom gə̄ reē gīrə̄n̄ gidə kújə yā Lot. I de kə́ kem ɓēé gə̄ malang n a̰ȳ reēn̄ ní, əla gír dɔ balsáa gə̄ tə́ bátə́ ugə̄ń dɔ de kə́ tɔgə ɓə́ga gə̄ tə́. Deē kógə̄ḿ kə́ na̰y gogə́ gətóo.

TA KƏLA 18:20

Anī Kɔ́ɔ̄ɓē əda Abəraham na: Sekə́n̄ de kə́ Sodom gə̄ ō, Gomor gə̄ ō, sekə́ kə́ ngan̄g ngá̰ý rɔ̄ḿ tə́. Yá̰a̰ gə̄ ń rāān̄ ní majaĺ ngá̰ý.

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

TA KƏLA 6:11

De kə́ dɔ nang tə́ gə̄ nujən̄ kɔ̄ɔ́ ta kum Nə́ɓā tə́. De gə̄ malang rāān̄ yá̰a̰ i kə dɔ́nɔ́.

1 JA̰A̰ 3:14

Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

TA KƏLA 19:36

Ngán Lot kə́ dəyá̰ kə́ jōó gə̄ ndānə̄n̄ ngán gə̄ kə bɔbə̄də́.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.