Makətūbə̄ ń Pol ndang adə̄ Rom gə̄ ní 5:11 - Bibəl ta Sar̄

¹¹ Ba yá̰á̰ kógə̄ḿ to noó ɓáý to̰: Kɔjə ń j-ɔjiī rɔ̄jí tām̄ yā Nə́ɓā tə́ ní, i kə ta kūl̄ Kərist ń əndājí naā tə́ kə Nə́ɓāá ngɔlaā kɔ̄ɔ́ ɓá toō.

Bible sar

¹¹ Ba yá̰á̰ kógə̄ḿ to noó ɓáý to̰: Kɔjə ń j-ɔjiī rɔ̄jí tām̄ yā Nə́ɓā tə́ ní, i kə ta kūl̄ *Kərist ń əndājí naā tə́ kə Nə́ɓāá ngɔlaā kɔ̄ɔ́ ɓá toō.

Makətūbə̄ ń Pol ndang adə̄ Rom gə̄ ní 5:11 Referans Kwoze

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

GALATƏ 4:9

Ba ngɔlaā ī-gerī Nə́ɓā, ba kə́ rɔ̄kum tə́ tā anī, i Nə́ɓā n ger̄sí ní. Ní, i ba̰ý á ī-tél ā ī-rāāī kəla yā tɔ́gə́ kə́ dɔ nang tə́ gə̄ ń i nə́ɓā kə́ rɔ̄kum aĺ gə̄ ní? I tām̄ rí tá ī-téliī ɓəlo yādə́ gə̄ ɓáý ní?

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

KOLOSƏ 2:6

Dan ń ī-ndigiī kadə̄ Kərist Jeju i Kɔ́ɔ̄ɓē yāsí ní, ī-njə̄rāī seneé.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

PĀ GƏ̄ 104:34

Kɔ́ɔ̄ɓē, ādə̄ pā tə́da yāḿ nel̄ kemií ō, ādə̄ rɔ̄ḿ nelə̄m̄ dɔí tə́ ō.

PĀ GƏ̄ 43:4

Loo ń noō tə́ m-ā m-ūgə̄ loo tun̄ yá̰a̰ yāí tə́, rɔ̄í ḭ̄ ń i nge rāā kadə̄ m̄-ndām̄ ndām̄ rɔ̄nel̄ ní tə́. M-ā m-ún kənde yāḿ kə̄ jīḿ tə́ yā kugə ɓōkíīneé tɔ̄ȳ, ḭ̄ ń i Nə́ɓā yāḿ ní!

PĀ GƏ̄ 32:11

Sḭḭ̄ de kə́ gōtə́ gə̄ ḭ́ḭī bal walya najə̄ yā Kɔ́ɔ̄ɓē tə́ ō, ī-rāāī rɔ̄nel̄ ō. Sḭḭ̄ malang ń kemsí i súmūú ní, ə́gaī kɔŕ rɔ̄nel̄!

1 SAMUEL 2:1

Ana ndɔ̄ȳ Nə́ɓā əda na: M-ə́nge rɔ̄nel̄ dan wurəḿ tə́ kə ta kūl̄ Kɔ́ɔ̄ɓē ō, m-ɔ̄r̄ dɔḿ dɔɔ́ i kə ta kūl̄ Kɔ́ɔ̄ɓē ō. M-ásə kəgō madə̄ ba̰ā̰ḿ gə̄ ō, m̄-rāā rɔ̄nel̄ tɔdɔ̄ Nə́ɓā dḭḭ̄m̄ ō.

PILIPƏ 3:1

Ba ngɔlaā ní ngákó̰ó̰ḿ gə̄, ī-rāāī rɔ̄nel̄ najə̄ ɓoo ń ī-ɓooī naā kə Kɔ́ɔ̄ɓēé ní tə́. M-ɔ́r loo ndang yá̰á̰ kə́ kógə̄ḿ beē tə́ yā kadə̄sí kə̄ nja naā tə́ alé. Tām̄ yāsí tə́ ɓáa i nge ń noō n kadə̄ ī-raī dɔ tə́ ngan̄g ní.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

1 KORḚNTƏ 10:16

Ī-gírī dɔ kópə tɔ́r̄ ta ń jə-ndadə̄ j-adī Nə́ɓā tāmən tə́ ní tə́: Dan ń j-a̰yī yá̰á̰ kə́ kemeé ní, ɓoojí naā tə́ kə mósə Kərist aĺ a? Tá mápá ń jə-gángī naā tə́ ní: Dan ń j-əsaī ní ɓoojí naā tə́ kə rɔ̄ Kərist aĺ a?

Makətūbə̄ ń Pol ndang adə̄ Rom gə̄ ní 11:15

Tɔdɔ̄ ré kɔr̄ ń ɔr̄ əndān̄də́ gidə tə́ ndágá ní rāā tá kadə̄ de kə́ dɔ nang tə́ gə̄ əsōn̄ naā tə́ kə Nə́ɓā anī, i rí n a rāā yá̰a̰ ndɔ̄ ń tél a reēn̄ sedə́ gogə́ rɔ̄ Nə́ɓā tə́ ní? Ndɔ̄ ń noō tə́ ní, de kə́ koy gə̄ a teēn̄ ɓádá yā ndi kə kumdə́.

Makətūbə̄ ń Pol ndang adə̄ Rom gə̄ ní 2:17

Ḭ̄ ń rī Jipə ɓār̄ dɔí tə́ ní, ə̄ndā tɔ́gí dɔ ndū najə̄ tə́ ō, ɔ́jə rɔ̄í najə̄ yā Nə́ɓā yāí tə́ ō,

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

Najə̄ kə́ Majə yā Jeju ń Luk ndang ní 1:46

Anī Mari əda na: M-ā m̄-tɔ̄ȳ Kɔ́ɔ̄ɓē tām̄ ni i de kə́ bo.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

Makətūbə̄ ń Pol ndang adə̄ Rom gə̄ ní 5:3

Ba j-ɔjiī rɔ̄jí i tām̄ kɔsə gɔn ń toō tə́ ngóy alé, tɔdɔ̄ jə-gerī kadə̄ wur kɔl yājí rāā adə̄ j-əhɔī rɔ̄jí tɔ́gə ō,

Makətūbə̄ ń Pol ndang adə̄ Rom gə̄ ní 8:23

Banī i nin̄ ngóy alé, tɔdɔ̄ jḭḭ kɔ́ gə̄ ń j-əngeī Ndíĺ kə́ i yá̰á̰ kə́ ta kəga dɔ kə́ Nə́ɓā adə̄jí ní, jə-to̰ō̰ī kemjí tə́ loo ngóō ta Nə́ɓā tə́ kadə̄ gān̄g dɔ dā̰ rɔ̄jí ō.

Makətūbə̄ ń Pol ndang adə̄ Rom gə̄ ní 9:10

Ba kə́ rang na̰y noó ɓáý to̰. Ngán Rebeka kə́ jōó gə̄ ní bɔbə̄də́ i kógə̄ḿ beē, i kaají Isaak.

2 KORḚNTƏ 8:19

Tá ɓáý to̰ ní, i de gə̄ kə́ kem Egəlijə gə̄ tə́ n gə̄rānən̄ kadə̄ ni i madə̄ mbājí tām̄ yā kəla kem majə ń toō tə́ ní. J-a jə-rāā kəla ní i yā kadə̄ de gə̄ ɔsən̄neé gɔn Kɔ́ɔ̄ɓē ō, i yā kadə̄ j-ɔjəń kə̄ ndágá kadə̄ de gə̄ gerə̄n̄ na yá̰á̰ ń jə-sāā rāā ní i yá̰á̰ kə́ majə ō.