Makətūbə̄ ń Pol ndang adə̄ Rom gə̄ ní 4:20 - Bibəl ta Sar̄

²⁰ Dan ń Nə́ɓā ənī míndən adə̄ Abəraham ní, kem Abəraham tɔ́sən dɔ míndə́ Nə́ɓā ń ənī adə̄n̄ tə́ ní alé. Taā kem yān adə̄n tɔ́gə, adə̄ ni-ɔsə gɔn Nə́ɓā.

Bible sar

²⁰ Dan ń Nə́ɓā ənī míndən adə̄ Abəraham ní, kem Abəraham tɔ́sən dɔ míndə́ Nə́ɓā ń ənī adə̄n̄ tə́ ní alé. Taā kem yān adə̄n tɔ́gə, adə̄ ni-ɔsə gɔn Nə́ɓā.

Makətūbə̄ ń Pol ndang adə̄ Rom gə̄ ní 4:20 Referans Kwoze

Najə̄ kə́ Majə yā Jeju ń Luk ndang ní 1:45

Rɔ̄nel̄ i kə dəyá̰ ń taā kem ní. Tɔdɔ̄ yá̰á̰ ń Kɔ́ɔ̄ɓē əla ədan najə̄n ní a rāā yá̰a̰ rɔ̄kum.

2 KORḚNTƏ 12:10

I tām̄ najə̄ ń noō tə́ n nelə̄m̄ yá̰a̰ gə̄ kə́ rāāmə̄n̄ adə̄ tɔ́gə́ḿ gətóo gə̄ ō, ndū gə̄ kə́ tájə̄mə̄n̄ ō, yá̰á̰ kə́ to ɓōĺ gə̄ kə́ rāāmə̄n̄ ō, rāā kə́ rāāmə̄n̄ ndoō tə́ ō, yá̰a̰ gə̄ kə́ rāāmə̄n̄ adə̄ m̄-ndi kə sōlōó kekəre gə̄ ō tām̄ yā Kərist tə́ ní. Tɔdɔ̄, m-ə́ngé tɔ́gə i dan ń m̄-ngan̄g aĺ ní.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

DANIEL 10:19

Gō tə́ anī ədam̄ na: Kó tár yā Nə́ɓā, ī-lōō ɓōĺ! Ādə̄ kemií sɔl̄ lɔm! Ə́hɔ rɔ̄í tɔgə! Dan ń deē ní a ɔr̄ najə̄ seḿ ní m̄-tél m-ə́ngé tɔ́gə gogə́ rang, adə̄ m-ə́dan na: Kɔ́ɔ̄ḿ, ɔ̄r̄ najə̄, tɔdɔ̄ ādə̄m̄ tɔ́gə kɔ̄ɔ́.

2 TIMOTE 2:1

I beé ní, ḭ̄ ngōnə̄ḿ, rajə ń Kərist Jeju a rajə ngé gə̄ ń ɓoon̄ naā seneé ní, ī-ra dɔ tə́ ādə̄ ngan̄g.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!

JAKARI 8:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə́hɔī rɔ̄sí tɔgə! Ādə̄ əga kemsí dɔ najə̄ gə̄ ń ngé koō ta yāḿ gə̄ ədan̄sí ní tə́, dan ń əndānń ngəra kújə yāḿ yā tél rāā gogə́ rang ní.

Makətūbə̄ yā Aje 2:4

I tām̄ najə̄ ń noō tə́ n Kɔ́ɔ̄ɓē ədasí najə̄ ń toō wáńg ní: Ḭ̄ Jorobabel, ə́hɔ rɔ̄í tɔgə! Yesua kə́ ngōn̄ Yosadak, ḭ̄ ń i ngol ngé tun̄ yá̰a̰ gə̄ ní, ə́hɔ rɔ̄í tɔgə! Sḭḭ̄ de kə́ kem ɓēé gə̄ malang, ə́hɔī rɔ̄sí tɔgə! Údiī kə̄ rɔ̄ kəla tə́ ī-rāāī na ni i sesí naā tə́. I Kɔ́ɔ̄ɓē kə́ bo kə́ tɔ́gən i ngá̰ý n ədasí najə̄ ń noō ní.

Najə̄ kə́ Majə yā Jeju ń Luk ndang ní 1:18

Banī Jakari dəje de kə́ dɔ rā̰ tə́ ní na ké i rí n a ɔjən kadə̄ yá̰á̰ ní a rāā yá̰á̰ ní wa. Tɔdɔ̄ na n-tɔgə ɓə́ga kɔ̄ɔ́ ō, ɓāl̄ nə̄yá̰n na i ngá̰ý kɔ̄ɔ́ ō.

MATIYE 9:8

Dan ń kósə de gə̄ a̰a̰n̄ yá̰á̰ ń noō anī, ɓōĺ rāādə́ ō, nin̄-ɔsən̄ gɔn Nə́ɓā tām̄ kadə̄ ń ni-adə̄ de gə̄ tɔ́gə kə́ tītə̄ ń noō ní ō.

DANIEL 11:32

Ngé gə̄ ń rāān̄ madə̄ naā yā Nə́ɓā yá̰á̰ kə́ karī tə́ ní, ni a gól̄də́, adə̄ a əya̰n̄ madə̄ naā ní kɔ̄ɔ́ wáńg ta kum de gə̄ tə́. Banī gír de gə̄ yā ngé gə̄ ń gerə̄n̄ Nə́ɓā yādə́ ní a əhɔn̄ ngan̄g.

2 MBAN̄G 7:19

nge kətō der yā mban̄g əda deē yā Nə́ɓā na ká ré Kɔ́ɔ̄ɓē mbutəń i ko̰rō̰ kújə gə̄ dɔ rā̰ tə́ gə̄gē anī, najə̄ ń ə́da noó na a reē yā kudə gírí nəkɔ́ a? Ba Elije tél ədan na: Majə, ā á̰a̰ā̰ kə kumií ba a ɔdə taí alé.

2 MBAN̄G 7:2

Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

TA KƏLA 15:6

Abəram taā kem Kɔ́ɔ̄ɓē, adə̄ i tām̄ ń noō tə́ n Kɔ́ɔ̄ɓē rāānəń de kə́ súmūú tə́ ní.

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.