Makətūbə̄ ń Pol ndang adə̄ Rom gə̄ ní 4:16 - Bibəl ta Sar̄

¹⁶ Adə̄ j-a j-əngeī yá̰á̰ ń Nə́ɓā ənī míndən yā kadə̄jí ní sɔɔ̄ń i taā kem yājí, yā kadə̄ jə-gerīiń na i Nə́ɓā n adə̄ yá̰á̰ ń toō tām̄ rajə yān tə́ ō, kadə̄ kənī míndə yā Nə́ɓā kə́ tām̄ yā Abəraham tə́ ní to noó ɓáý tām̄ yā ngán kaan gə̄ tə́ malang ō. I ngán kaan gə̄ ń rāān̄ yá̰á̰ kə́ ndū najə̄ ɔjə ní ngóy alé, ba i ngé gə̄ ń taān̄ kem tītə̄ yān ní ō. Abəraham i kaají malang,

Bible sar

¹⁶ Adə̄ j-a j-əngeī yá̰á̰ ń Nə́ɓā ənī míndən yā kadə̄jí ní sɔɔ̄ń i taā kem yājí, yā kadə̄ jə-gerīiń na i Nə́ɓā n adə̄ yá̰á̰ ń toō tām̄ rajə yān tə́ ō, kadə̄ kənī míndə yā Nə́ɓā kə́ tām̄ yā Abəraham tə́ ní to noó ɓáý tām̄ yā ngán kaan gə̄ tə́ malang ō. I ngán kaan gə̄ ń rāān̄ yá̰á̰ kə́ *ndū najə̄ ɔjə ní ngóy alé, ba i ngé gə̄ ń taān̄ kem tītə̄ yān ní ō. Abəraham i kaají malang,

Makətūbə̄ ń Pol ndang adə̄ Rom gə̄ ní 4:16 Referans Kwoze

EPEJƏ 2:8

Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.

GALATƏ 3:22

Ba i tītə̄ ń noō alé, tām̄ makətūbə̄ yā Nə́ɓā əla dɔ yá̰a̰ gə̄ malang kə́ dɔ nang tə́ gíŕ tɔ́gə yā majaĺ tə́, yā kadə̄ Nə́ɓā adə̄ń ngé taā kem gə̄ yá̰á̰ ń ni-ənī míndən yā kadə̄ ngé taā kem Jeju Kərist gə̄ ní.

Makətūbə̄ ń Pol ndang adə̄ Rom gə̄ ní 9:8

Kumən na ngán gə̄ ń ojən̄də́ kə gō yā dā̰ rɔ̄ɔ́ ní, i nin̄ n i ngáń Nə́ɓā gə̄ ní alé. I ngán gə̄ ń ojən̄də́ kə gō kənī míndə yā Nə́ɓāá ní ngóy n a rāān̄də́ ngáń kaa gə̄ kə́ rɔ̄kum gə̄ tə́ ní.

TITƏ 3:7

Ni-əda kə̄ ndágá wáńg na najə̄ gətóo dɔjí tə́ i kə ta kūl̄ kem majə yān, i yā kadə̄ jə-téliīń ngé kənge ndi kə kumuú kə́ ngándáńg gə̄, adə̄ i ndi kə kumuú kə́ ngándáńg ń j-əndāī kemjí dɔ tə́ ní.

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

Makətūbə̄ ń Pol ndang adə̄ Rom gə̄ ní 15:8

Tɔdɔ̄ m-ə́dásí na, dan ń Kərist rāā rɔ̄n nge kəla yā Nə́ɓā tə́ tām̄ yā Jipə gə̄ tə́ ní, rāā i yā tɔ̄ləń ta kənī ń Nə́ɓā ənī míndən adə̄ kaají gə̄ ní. Ni-rāā beé i yā kɔjəń kadə̄ Nə́ɓā i de kə́ nge ra dɔ ndūn tə́.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

IJAI 51:2

Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

2 PIYER 1:10

Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

Makətūbə̄ ń Pol ndang adə̄ Rom gə̄ ní 4:11

Tɔdɔ̄ dan ń Nə́ɓā adə̄ Abəraham əja mɔtən ní, Nə́ɓā əndā tə́re dɔ Abəraham tə́ yā kɔjəń kadə̄ ká ré Abəraham əja mɔtən aĺ ɓáý gə̄gē anī, na n-rāān kadə̄ tél de kə́ gōtə́ najə̄ taā kem yān tə́. Adə̄ i tām̄ noō tə́ n Abəraham i bɔbə̄ ngé gə̄ malang ń əjan̄ mɔtədə́ alé ba taān̄ kem, adə̄ Nə́ɓā tə́dádə́ dan de kə́ gōtə́ gə̄ tə́ ō ní.

Najə̄ kə́ Majə yā Jeju ń Luk ndang ní 19:9

Anī Jeju əda najə̄ yān na: Ɓōólaā kajə reē ugə̄ kem kújə́ ń toō tə́, tɔdɔ̄ deē ń toō i ngōn̄ kaa Abəraham ō.

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

Makətūbə̄ ń Pol ndang adə̄ Rom gə̄ ní 3:30

tɔdɔ̄ Nə́ɓā i kógə̄ḿ beē ngóy. Ni a rāā kadə̄ Jipə gə̄ gə̄gē, de gə̄ ń nin̄ i Jipə aĺ gə̄ ní gə̄gē, télən̄ de kə́ gōtə́ gə̄ ta kumən tə́ i kə ta kūl̄ taā kem.

GALATƏ 3:14

Nge ń noō i yā kadə̄ tɔ́r̄ ta yā Abəraham reēń dɔ de gə̄ ń nin̄ i Jipə aĺ gə̄ ní tə́ kə ta kūl̄ Jeju Kərist ō, yā kadə̄ j-əngeīń Ndíĺ ń Nə́ɓā ənī míndən yā kadə̄ ní kə ta kūl̄ taā kem ō.

GALATƏ 3:16

Banī i Abəraham ō, ngōn̄ kaan ō n Nə́ɓā ənī míndən adə̄də́ ní. I kə́ kəda na i ngán kaan gə̄ tītə̄ kə́ nin̄ i ngá̰ý beē alé, ba na i ngōn̄ kaaí, adə̄ i de kə́ kal kógə̄ḿ beē, deē ní i Kərist.