Makətūbə̄ ń Pol ndang adə̄ Rom gə̄ ní 4:13 - Bibəl ta Sar̄

¹³ Tɔdɔ̄ Nə́ɓā ənī míndən adə̄ Abəraham ō, ngán kaan gə̄ ō na a əngen̄ dɔ nang malang yá̰a̰ haladə́ tə́. Kənī ń Nə́ɓā ənī míndən toó i tām̄ rāā kə́ Abəraham rāā yá̰á̰ kə́ ndū najə̄ ɔjə tə́ alé, banī i tām̄ ni ń i de kə́ gōtə́ ta kum Nə́ɓā tə́ najə̄ taā kem yān tə́ ní.

Bible sar

¹³ Tɔdɔ̄ Nə́ɓā ənī míndən adə̄ Abəraham ō, ngán kaan gə̄ ō na a əngen̄ dɔ nang malang yá̰a̰ haladə́ tə́. Kənī ń Nə́ɓā ənī míndən toó i tām̄ rāā kə́ Abəraham rāā yá̰á̰ kə́ *ndū najə̄ ɔjə tə́ alé, banī i tām̄ ni ń i de kə́ gōtə́ ta kum Nə́ɓā tə́ najə̄ taā kem yān tə́ ní.

Makətūbə̄ ń Pol ndang adə̄ Rom gə̄ ní 4:13 Referans Kwoze

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

Makətūbə̄ ń Pol ndang adə̄ Rom gə̄ ní 9:8

Kumən na ngán gə̄ ń ojən̄də́ kə gō yā dā̰ rɔ̄ɔ́ ní, i nin̄ n i ngáń Nə́ɓā gə̄ ní alé. I ngán gə̄ ń ojən̄də́ kə gō kənī míndə yā Nə́ɓāá ní ngóy n a rāān̄də́ ngáń kaa gə̄ kə́ rɔ̄kum gə̄ tə́ ní.

TA KƏLA 28:14

Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō.

PĀ GƏ̄ 2:8

Ré ī-dəjem̄ nápar de gə̄ malang anī m-ā m-ādī sedə́ kadə̄ nin̄ i yá̰a̰ yāí gə̄ ō, dɔ nang yāí a laa bátə́ yā kugə̄ ta ngóy dɔ nang tə́ ō.

TA KƏLA 17:16

M-ā m̄-rāā majə seneé ō, m-ā m-ādī ngōn̄ kə́ dəngam kə kūl̄neé ō. M-ā m̄-rāā majə seneé kadə̄ a tél kaa nápar de kə́ ngá̰ý gə̄. Mban̄g kə́ bo gə̄ yā gír de kə́ tayā tayā gə̄ a teēn̄ gír kaa yān tə́.

TA KƏLA 12:3

M-ā m̄-rāā majə kə de gə̄ ń a tɔ́rə̄n̄ tadə́ dɔí tə́ ní ō, m-ā m̄-ndɔ̄ĺ deē ń a tájī ní ō. M-ā m̄-rāā majə kə gír kojə yā de gə̄ malang kə́ dɔ nang tə́ sɔɔ̄iń ḭ̄.

PĀ GƏ̄ 72:11

Mban̄g gə̄ malang a ɔsən̄ nodə́ nang tə́ non tə́. Nápar de gə̄ malang a rāān̄ kəla yān.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

KƏLA RĀĀ 13:32

Jḭḭ jə-reē kə Najə̄ kə́ Majə ń toō yā kədasí ō: Yá̰á̰ ń Nə́ɓā ənī míndən najə̄n tə́ adə̄ kaají gə̄ ní,

Makətūbə̄ ń Pol ndang adə̄ Rom gə̄ ní 4:12

Ni i bɔbə̄ ngé gə̄ ń əjan̄ mɔtədə́ ní ō. Ngé kəja mɔtə gə̄ ń toō ní i ngé gə̄ ń nin̄ i gír kaa yā ngé kəja mɔtə gə̄ tə́ ní ngóy alé, banī i ngé gə̄ ń unən̄ tóo kaají Abəraham loo taā ń ni-taā kem tə́ kété tá kadə̄ əja mɔtən ɓáý ní.

HEBƏRO 7:6

Melkisedek ni i de kə́ gír kaa yā Lebi tə́ alé, banī ni-taā yá̰á̰ kə́ nge ko̰ kutə jī Abəraham tə́. Tá ɓáý tó̰ ní, ni tɔ́r̄ tan dɔ deē ń Nə́ɓā ənī míndən adə̄n tə́ ní.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.