Makətūbə̄ ń Pol ndang adə̄ Rom gə̄ ní 4:11 - Bibəl ta Sar̄

¹¹ Tɔdɔ̄ dan ń Nə́ɓā adə̄ Abəraham əja mɔtən ní, Nə́ɓā əndā tə́re dɔ Abəraham tə́ yā kɔjəń kadə̄ ká ré Abəraham əja mɔtən aĺ ɓáý gə̄gē anī, na n-rāān kadə̄ tél de kə́ gōtə́ najə̄ taā kem yān tə́. Adə̄ i tām̄ noō tə́ n Abəraham i bɔbə̄ ngé gə̄ malang ń əjan̄ mɔtədə́ alé ba taān̄ kem, adə̄ Nə́ɓā tə́dádə́ dan de kə́ gōtə́ gə̄ tə́ ō ní.

Bible sar

¹¹ Tɔdɔ̄ dan ń Nə́ɓā adə̄ Abəraham əja mɔtən ní, Nə́ɓā əndā tə́re dɔ Abəraham tə́ yā kɔjəń kadə̄ ká ré Abəraham əja mɔtən aĺ ɓáý gə̄gē anī, na n-rāān kadə̄ tél de kə́ gōtə́ najə̄ taā kem yān tə́. Adə̄ i tām̄ noō tə́ n Abəraham i bɔbə̄ ngé gə̄ malang ń əjan̄ mɔtədə́ alé ba taān̄ kem, adə̄ Nə́ɓā tə́dádə́ dan de kə́ gōtə́ gə̄ tə́ ō ní.

Makətūbə̄ ń Pol ndang adə̄ Rom gə̄ ní 4:11 Referans Kwoze

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

Najə̄ kə́ Majə yā Jeju ń Luk ndang ní 19:9

Anī Jeju əda najə̄ yān na: Ɓōólaā kajə reē ugə̄ kem kújə́ ń toō tə́, tɔdɔ̄ deē ń toō i ngōn̄ kaa Abəraham ō.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

2 KORḚNTƏ 1:22

Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

EPEJƏ 1:13

Dan ń sḭḭ̄ ōōī najə̄ kə́ rɔ̄kum, adə̄ i Najə̄ kə́ Majə ń ajəsí ní anī, sḭḭ̄ ī-taāī kem Kərist ō. Loo ń noō tə́ Nə́ɓā əndā tə́ré yá̰á̰ kə́ ɔjə kadə̄ sḭḭ̄ i deē yān gə̄ rɔ̄sí tə́, ba tə́ré yá̰á̰ ní i Ndíĺ kə́ Táĺ ń ni-adə̄sí kə gō ń ni-ənīń ndūn ní.

GALATƏ 6:16

De gə̄ malang ń unən̄ gō róbə́ ń toō, kə deē yā Nə́ɓā gēé ní, ādə̄ Nə́ɓā adə̄də́ kem sɔl̄ lɔm ō, a̰a̰ kum tō ndoō yādə́ ō.

GALATƏ 5:5

Kə́ tām̄ yājí tə́ tā anī, j-a jə-ngóō kə ngangāá kə ta kūl̄ Ndíl kadə̄ Nə́ɓā rāājí adə̄ jə-tél de kə́ súmūú gə̄ ta kumən tə́, tītə̄ ń j-əndāń kemjí dɔ tə́ ní.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

GALATƏ 3:22

Ba i tītə̄ ń noō alé, tām̄ makətūbə̄ yā Nə́ɓā əla dɔ yá̰a̰ gə̄ malang kə́ dɔ nang tə́ gíŕ tɔ́gə yā majaĺ tə́, yā kadə̄ Nə́ɓā adə̄ń ngé taā kem gə̄ yá̰á̰ ń ni-ənī míndən yā kadə̄ ngé taā kem Jeju Kərist gə̄ ní.

GALATƏ 3:7

majə kadə̄ ī-gerī na i ngé taā kem gə̄ n i ngán kaa Abəraham kə́ rɔ̄kum gə̄ ní.

Makətūbə̄ ń Pol ndang adə̄ Rom gə̄ ní 10:11

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé.

Makətūbə̄ ń Pol ndang adə̄ Rom gə̄ ní 10:6

Ba á̰a̰ī najə̄ ń ədan̄ dɔ loo téĺ ń de gə̄ a télən̄ de kə́ gōtə́ gə̄ ta kum Nə́ɓā tə́ tām̄ taā kem yādə́ tə́ ní. Ədan̄ na kə ī-lōō gír̄ kəda kemií tə́ na ké i náā n a aw̄ dɔ rā̰ tə́ yā reē kə Kərist ní wa,

Makətūbə̄ ń Pol ndang adə̄ Rom gə̄ ní 10:4

Tɔdɔ̄ loo ń ndū najə̄ a aw̄ kə de gēé kə̄ tū tə́ ní i Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.

JA̰A̰ 6:35

Jeju tél ədadə́ na: I mā n i mápá kə́ nge rāā kadə̄ deē ndi kə kumneé ní. Nge ń reē rɔ̄ḿ tə́ anī, ɓō a rāān aĺ bátə́ ō, nge ń taā kemḿ anī, kəndā a rāān aĺ bátə́ ō.

JEJU TEĒ KUM JA̰A̰ 9:4

Ɔgə̄n̄də́ rāā yá̰á̰ kə́ majaĺ kə mu kə́ dɔ nang tə́ ō, kə mbī yá̰á̰ kə́ mbōl̄ ō, kə kāgāá ō, banī de gə̄ ń mbō̰ yā Nə́ɓā gətóo nodə́ tə́ ní tá kə rāān̄də́ yá̰á̰ kə́ majaĺ.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

Makətūbə̄ ń Pol ndang adə̄ Rom gə̄ ní 9:30

I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.

Makətūbə̄ ń Pol ndang adə̄ Rom gə̄ ní 9:6

Adə̄ yá̰á̰ ń Nə́ɓā ənī míndən yā rāā ní, ni-rāā aĺ i mbée a? Najə̄ m̄-sāā kəda ní n noó alé. Tɔdɔ̄ de gə̄ malang ń nin̄ i gír yā Israel tə́ ní, nin̄ i Israel kə́ rɔ̄kum gə̄ malang alé.

Makətūbə̄ ń Pol ndang adə̄ Rom gə̄ ní 3:26

Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.

JA̰A̰ 8:33

Nin̄-tél ədanən̄ na: Jḭḭ i ngán kaa Abəraham gə̄, jə-rāā ɓəlo yā deē nja kógə̄ḿ alé. Ba i ba̰ý á ə́da na j-a jə-tél kɔ́ɔ̄ rɔ̄jí gə̄ ní?

JA̰A̰ 6:47

Ādə̄ m-ə́dásí najə̄ kə́ bo ngá̰ý, nge ń taā kem ní, aw̄ kə ndi kə kumneé kə́ ngándáńg.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

MATIYE 8:11

Ādə̄ m-ə́dásí, de gə̄ ngá̰ý a ḭḭn̄ no ɓē tə́ ō, dūn̄ ɓē tə́ ō, yā reē ndi ta kār̄ yá̰a̰ kəsa tə́ kə Abəraham ō, Isaak ō, Jakob ō, kem Ɓē ko̰o̰ kə́ dɔ rā̰ tə́ tə́.

EJEKIEL 20:20

Ɔ̄rī ndɔ̄ sabat tām̄ yāḿ tə́. Nge ń noō i yá̰á̰ kə́ to dɔ dáńjí tə́, sḭḭ̄ ō mā ō. I beé tá a əga kemsí dɔ tə́ kadə̄ Kɔ́ɔ̄ɓē Nə́ɓā yāsí i mā.

EJEKIEL 20:12

M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

Teē Ngán Israel gə̄ 31:17

Ndɔ̄ ń noō i ndɔ̄ kə́ ɔ́jə dɔ ɓoo naā yāḿ mā Kɔ́ɔ̄ɓē kə ngán Israel gēé kə́ a to ngándáńg. I yá̰á̰ kə́ ɔjə kadə̄ m̄-rāā dɔ rā̰ ō, dɔ nang ō, i kem ndɔ̄ mehḛ́, ba kə ndɔ̄ kə́ nge ko̰ sīrí anī m-ɔ̄r̄ koō.

Teē Ngán Israel gə̄ 31:13

kə ɔr̄ najə̄ kə ngán Israel gēé tītə̄ ń toó beé: Ā ī-ɓōlíī ndɔ̄ sabat yāḿ gə̄, tɔdɔ̄ i yá̰á̰ kə́ to mbo̰ō̰ḿ mā tə́ sesí kə dɔ ɓāl̄ gə̄, yā kadə̄ de gə̄ gerə̄n̄neé kadə̄ i mā Kɔ́ɔ̄ɓē n m-ɔ̄r̄ kam̄sí tayā ní.

Teē Ngán Israel gə̄ 12:13

Ba mósə́ kə́ ta kújə gə̄ ń ā ī-ndiī kemeé tə́ ní a rāā rɔ̄n i yá̰a̰ kɔjə dɔ kújə yāsí gə̄ tə́. Dan ń m-ā m-á̰á̰ mósə́ ní anī m-ā m̄-gə̄lā dɔ adə̄ yá̰á̰ kə́ tōr̄ a ɔdə rɔ̄sí alé. Adə̄ ré m-ā m-ə́nda ɓē kə́ Ejiptə anī, sḭḭ̄ ā ī-teēī kum tə́ karī.

Makətūbə̄ ń Pol ndang adə̄ Rom gə̄ ní 9:33

tītə̄ ń ndangən̄ kem makətūbūú ní, ndangən̄ na: Á̰a̰ī, m-ə̄ndā mbal̄ kə́ a tə́gā de gə̄ kem ɓē kə́ Siyo̰ tə́, mbal̄ bo kə́ a tə́gā de gə̄ tə́nīdə́. Ba deē ń taā kemən ní rɔ̄n a sɔlə̄n alé.

TA KƏLA 17:24

Dan ń əjan̄ mɔtə Abəraham nin̄ kə ngōnə̄n Ismael ní, ɓāl̄ Abəraham i kutə ndōhó gidə i ndōhó ō, ɓāl̄ Ismael i kutə gidə i mətá ō.

PĀ GƏ̄ 47:9

Nə́ɓā o̰o̰ ɓē dɔ nápar de gə̄ tə́. Ni-ndi dɔ kōr̄ kāgə̄ mbang yān kə́ yā ɓōĺ gidə tə́.

JA̰A̰ 3:33

Deē ń ndigə koō najə̄ kə́ kum tə́ yān ní, kɔ́ɔ̄ a ndigə i gōn tə́ kadə̄ Nə́ɓā i nge kəda najə̄ kə́ rɔ̄kum.

Makətūbə̄ ń Pol ndang adə̄ Rom gə̄ ní 3:30

tɔdɔ̄ Nə́ɓā i kógə̄ḿ beē ngóy. Ni a rāā kadə̄ Jipə gə̄ gə̄gē, de gə̄ ń nin̄ i Jipə aĺ gə̄ ní gə̄gē, télən̄ de kə́ gōtə́ gə̄ ta kumən tə́ i kə ta kūl̄ taā kem.

Makətūbə̄ ń Pol ndang adə̄ Rom gə̄ ní 4:10

I dan kə́ rá tə́ n Nə́ɓā rāān de kə́ súmūú tə́ ní? Kété tá kadə̄ Abəraham əja mɔtən, aké i gō tə́ ḿ? I gō tə́ alé, ba i kété.