Makətūbə̄ ń Pol ndang adə̄ Rom gə̄ ní 3:7 - Bibəl ta Sar̄

⁷ Ré najə̄ yāḿ kə́ sor̄ gə̄ ɔjən̄ kadə̄ Nə́ɓā i de kə́ rɔ̄kum ō, teēn̄ i kɔsə gɔn yā Nə́ɓā ō ɓáý to̰ anī, i tām̄ rí tə́ á tél əndān̄ sarya dɔḿ tə́ ɓáý to̰ najə̄ majaĺ yāḿ gə̄ tə́ ní?

Bible sar

⁷ Ré najə̄ yāḿ kə́ sor̄ gə̄ ɔjən̄ kadə̄ Nə́ɓā i de kə́ rɔ̄kum ō, teēn̄ i *kɔsə gɔn yā Nə́ɓā ō ɓáý to̰ anī, i tām̄ rí tə́ á tél əndān̄ sarya dɔḿ tə́ ɓáý to̰ najə̄ majaĺ yāḿ gə̄ tə́ ní?

Makətūbə̄ ń Pol ndang adə̄ Rom gə̄ ní 3:7 Referans Kwoze

Makətūbə̄ ń Pol ndang adə̄ Rom gə̄ ní 3:4

I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na: Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́, adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́.

MATIYE 26:34

Jeju tél ədan na: Ādə̄ m-ə́daī najə̄ kə́ bo ngá̰ý, ndɔ̄ɔ́ ɓōólaā nəkɔ́ ń toō ní ā ī-nējə̄ najə̄ a ə́da nja mətá na ī-gerə̄m̄ alé, pá tá kadə̄ kə́ra kə̄njá nōō ɓáý.

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.

Teē Ngán Israel gə̄ 14:30

Ndɔ̄ ń noō tə́ Kɔ́ɔ̄ɓē gān̄g dɔ ngán Israel gə̄ jī de kə́ Ejiptə gə̄ tə́, adə̄ ngán Israel gə̄ a̰a̰n̄ nīń de kə́ Ejiptə gə̄ ta gógə́ tə́.

Teē Ngán Israel gə̄ 14:5

Dan ń ədan̄ mban̄g kə́ Ejiptə na ngán Israel gə̄ na aw̄n̄ kɔ̄ɔ́ anī, Parao̰ nin̄ kə ngé kəla yān gēé tél tūrə̄n̄ gír̄ kə́ kemdə́ tə́ kə́ dɔ ngán Israel gə̄ tə́ kɔ̄ɔ́. Nin̄-ndə̄ngān̄ rɔ̄də́ ədan̄ na ké n-rāān̄ ké i rí kə́ beé wa. Ké n-əhɔn̄ ngán Israel gə̄ gotoó adə̄ rāān̄ kəla adə̄n̄də́ aĺ ba ké n-əya̰n̄də́ ādə̄ aw̄n̄ ké i tām̄ rí tə́ wa.

Teē Ngán Israel gə̄ 3:19

m̄-ger̄ majə kadə̄ a əya̰sí kadə̄ ā āwī alé, adə̄ ré m-ə̄ndā i gúu dɔn tə́ tá.

TA KƏLA 37:20

kadə̄ kə n-tɔ̄l̄nən̄ kə n-ənīnən̄ bəlo taā man̄ ndī kógə̄ḿ tə́, ba kə n-ədan̄ na dā̰ kə́ do̰ kə́rēý na əsan kɔ̄ɔ́, na n-a n-a̰a̰n̄ ké nī yān gə̄ ní ké a rāān̄ yá̰a̰ rɔ̄kum wa.