Makətūbə̄ ń Pol ndang adə̄ Rom gə̄ ní 3:5 - Bibəl ta Sar̄

⁵ Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé.

Bible sar

⁵ Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé.

Makətūbə̄ ń Pol ndang adə̄ Rom gə̄ ní 3:5 Referans Kwoze

Makətūbə̄ ń Pol ndang adə̄ Rom gə̄ ní 6:19

M-ɔ̄r̄ najə̄ sesí i tītə̄ deē ndul gə̄, tɔdɔ̄ ré i beé aĺ anī, sḭḭ̄ ā ásiī ger̄ kum alé. Tītə̄ ń kété sḭḭ̄ ī-rāāī rɔ̄sí i ɓəlo gə̄ tə́ adə̄ ī-ndiī i kə rī rāā yá̰á̰ kə́ yḛr to kum gə̄ ō, kə rī rāā yá̰á̰ kə́ gōtə́ aĺ gə̄ ń a rāān̄sí kadə̄ ī-téliī de kə́ gōtə́ aĺ gə̄ ō ní, ngɔlaā majə kadə̄ ī-rāāī rɔ̄sí ɓəlo gə̄ tə́, ba i kadə̄ ī-ndiīń kə rī rāā yá̰á̰ kə́ gōtə́ gə̄ ń a rāān̄sí kadə̄ ī-téliī de kə́ táĺ gə̄ ní ō.

GALATƏ 3:15

Ngákó̰ó̰ḿ gə̄, m-ā m-ún yá̰a̰ rāā deē ndul gə̄ yā kɔjəńsí yá̰á̰ kógə̄ḿ. Ré najə̄ gə̄ kə́ dɔ kənge yá̰á̰ kə́ gotə deē tə́ i kə́ ndang kə gōó anī, de kə́ yā kɔr̄ kum najə̄ kógə̄ḿ tū tə́ kɔ̄kə́, aké kə́ yā kənī yān dɔ tə́, gətóo.

1 KORḚNTƏ 9:8

Nge ń noō i jī bēl̄ loo rāā yá̰a̰ yā de gə̄ ngóy a? Ndū najə̄ əda nge ń noō ō aĺ a?

Makətūbə̄ ń Pol ndang adə̄ Rom gə̄ ní 7:7

Kumən na i rí? I kadə̄ i ndū najə̄ n i yá̰á̰ kə́ majaĺ ní a? I tītə̄ ń noō alé. Banī i ndū najə̄ ngóy n rāā á m̄-gerə̄ń yá̰á̰ ń a ɓārə́n̄ na i yá̰á̰ kə́ majaĺ ní. Tītə̄ ń toō ní ré ndū najə̄ əda na: Ī-ndə̄ngā yá̰a̰ yā madí aĺ anī, mā m-ā m̄-ger̄ kadə̄ ndə̄ngā yá̰a̰ yā naā i yá̰á̰ kə́ majaĺ alé.

Makətūbə̄ ń Pol ndang adə̄ Rom gə̄ ní 4:1

Ní, kə j-əda na i rí dɔ kaají Abəraham tə́ tā? I yá̰a̰ rí n ni-ənge ní?

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

NAHUM 1:2

Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JEJU TEĒ KUM JA̰A̰ 15:3

Nin̄-ənīn̄ pā yā Moijə nge kəla yā Nə́ɓā ō, pā yā Ngōn̄ batə̄ ō, ədan̄ na: Kɔ́ɔ̄ɓē Nə́ɓā kə́ bo kə́ tɔ́gən i ngá̰ý, kəla rāāí i kəla kə́ bo gə̄ ō, kə́ to kɔr kum gə̄ ō. Mban̄g kə́ dɔ nápar de gə̄ tə́, gō róbə yāí gə̄ i gō róbə́ kə́ gō tə́ gə̄ ō, kə́ rɔ̄kum gə̄ ō.

1 KORḚNTƏ 15:32

Rɔ̄ɔ̄ ń m̄-rɔ̄ɔ̄ kə dā̰ gēé kem ɓē kə́ Epejə tə́ ní, ré m̄-ra i dɔ gír̄ yā deē ndul gə̄ tə́ anī a teēm̄ i rí? Ré de gə̄ ń oyn̄ ní a ndólə̄n̄ aĺ anī, ādə̄ j-əsaī ō, j-a̰yī ō, tɔdɔ̄ bírí anī j-a j-ɔyiī.

Makətūbə̄ ń Pol ndang adə̄ Rom gə̄ ní 12:19

Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

Makətūbə̄ ń Pol ndang adə̄ Rom gə̄ ní 6:1

Kumən na i rí? I kadə̄ kə jə-ndiī dan rāā majaĺ tə́ yā kadə̄ rajə yā Nə́ɓā taāń loo a?

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

Makətūbə̄ ń Pol ndang adə̄ Rom gə̄ ní 3:7

Ré najə̄ yāḿ kə́ sor̄ gə̄ ɔjən̄ kadə̄ Nə́ɓā i de kə́ rɔ̄kum ō, teēn̄ i kɔsə gɔn yā Nə́ɓā ō ɓáý to̰ anī, i tām̄ rí tə́ á tél əndān̄ sarya dɔḿ tə́ ɓáý to̰ najə̄ majaĺ yāḿ gə̄ tə́ ní?

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

Makətūbə̄ yā Job 8:3

Nə́ɓā i nge rāā kadə̄ yá̰á̰ kə́ súmūú téĺ yá̰á̰ kə́ súmūú aĺ a? Nə́ɓā kə́ tɔ́gən i ngá̰ý i nge nujə yá̰á̰ kə́ gōtə́ a?

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

Makətūbə̄ ń Pol ndang adə̄ Rom gə̄ ní 9:30

I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

2 KORḚNTƏ 7:11

Nə́ɓā un rɔ̄sí kə́ nel̄sí aĺ rāań kəla, ba ngɔlaā á̰a̰ī yá̰á̰ ń rɔ̄sí kə́ nel̄sí aĺ rāā ní! Rɔ̄sí ń nel̄sí aĺ ní ndḛḛ̄ kadə̄ ī-rāāī yá̰á̰ ń rāā yá̰á̰ ní i yá̰á̰ kógə̄ naā tə́ aĺ ō, údə ī-ndiī karī aĺ ō, banī ī-rɔ̄ɔ̄ī dɔ rɔ̄sí tə́. Rɔ̄sí ń nel̄sí aĺ ní rāā adə̄ wōn̄g rāāsí ngá̰ý ō, ɓōĺ rāāsí ngá̰ý ō, adə̄ ngur tél ka̰a̰m̄ gogə́ rāāsí ngá̰ý. Rāā adə̄ rɔ̄sí təngāsí loo rāā kəla tə́ ō, loo rāā deē yá̰á̰ kə́ tōr̄ tə́ tām̄ yá̰á̰ kə́ majaĺ kə́ ni-rāā tə́ ō. Sḭḭ̄ ɔ́jiī kə ta róbə́ kə́ tayā tayā gēé kadə̄ najə̄ gətóo dɔsí tə́ tū najə̄ ń noō tə́.

GALATƏ 2:18

Tɔdɔ̄ yá̰á̰ ń m̄-nujəń sák sák kɔ̄ɔ́ ní, ré m̄-tél m̄-rāā gogə́ anī, m̄-rāā rɔ̄ḿ i nge mān̄ dɔ ndū najə̄ tə́.