Makətūbə̄ ń Pol ndang adə̄ Rom gə̄ ní 3:31 - Bibəl ta Sar̄

³¹ A ń noō ní, kadə̄ taā ń taān̄ kem ní rāā kadə̄ ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

Bible sar

³¹ A ń noō ní, kadə̄ taā ń taān̄ kem ní rāā kadə̄ *ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

Makətūbə̄ ń Pol ndang adə̄ Rom gə̄ ní 3:31 Referans Kwoze

GALATƏ 2:21

Mā m̄-rāā rajə ń Nə́ɓā rajəm̄ ní i yá̰á̰ kə́ ndāńg karī tə́ alé. Tɔdɔ̄ ré deē a tél de kə́ gōtə́ i kə ta kūl̄ rāā yá̰á̰ ń ndū najə̄ əda ní anī, Kərist oy i yo kə́ ndāńg karī.

MATIYE 5:17

Ī-lōōī kɔjəń na m̄-reē na i nujə ndū najə̄ yā Moijə tə́, aláa na i nujə najə̄ yā ngé koō ta gə̄ tə́. m̄-reē i nujəń kɔ̄ɔ́ tə́ alé, banī i rāān tə́ kadə̄ udə gírí.

1 KORḚNTƏ 9:21

Ré mā i dan de kə́ kanjə̄ ndū najə̄ gə̄ tə́ anī, mā ń i de kə́ kanjə̄ ndū najə̄ yā Nə́ɓā alé, tɔdɔ̄ ndū najə̄ yāḿ i Kərist ní, m̄-ndi tītə̄ kə́ mā i kanjə̄ ndū najə̄ dɔḿ tə́, kadə̄ m-ə́ngeń ngé gə̄ ń ndin̄ kanjə̄ ndū najə̄ ní.

Makətūbə̄ ń Pol ndang adə̄ Rom gə̄ ní 10:4

Tɔdɔ̄ loo ń ndū najə̄ a aw̄ kə de gēé kə̄ tū tə́ ní i Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.

Makətūbə̄ ń Pol ndang adə̄ Rom gə̄ ní 8:4

Ni-rāā tītə̄ ń noō i yā kadə̄ yá̰á̰ kə́ gōtə́ ń ndū najə̄ əndā dɔ de gə̄ tə́ ní, i kə́ rāā tɔ̄l̄ ta kemjí jḭḭ̄ ń jə-ndiī i kə gō yā dā̰ rɔ̄ɔ́ to̰ alé, banī i kə gō yā Ndíĺ kə́ Táĺ ní.

GALATƏ 2:19

Tɔdɔ̄ mā i de kə́ m-óy kɔ̄ɔ́ kə gō ndū najá. Ba koy ń m-óý ní, i ndū najə̄ nəkɔ́ n tɔ̄lə̄m̄ yā kadə̄ m̄-ndi kə kumḿ tām̄ yā Nə́ɓā tə́ ní. Mā i de kə́ əndamə̄n̄ kə máyá̰ tū kāgə̄ kə́ dēsə́ tə́ naā tə́ kə Kərist kɔ̄ɔ́.

Makətūbə̄ ń Pol ndang adə̄ Rom gə̄ ní 7:25

m̄-ndadə̄ Nə́ɓā kə ta kūl̄ Jeju Kərist, tɔdɔ̄ ni-taām̄ jī rɔ̄ḿ ngeé ń toō tə́. Adə̄ mā i ɓəlo yā Nə́ɓā kə gír̄ yāḿ ō, ɓəlo yā majaĺ kə dā̰ rɔ̄ḿ ō.

Makətūbə̄ ń Pol ndang adə̄ Rom gə̄ ní 7:22

Ndū najə̄ yā Nə́ɓā nel̄ kemḿ ngá̰ý,

Makətūbə̄ ń Pol ndang adə̄ Rom gə̄ ní 4:14

Ré ngé gə̄ ń a əngen̄ dɔ nang malang yá̰a̰ haladə́ tə́ ní, əngen̄ i tām̄ yā ndū najə̄ tə́ anī, taā kem i yá̰á̰ kə́ kanjə̄ kumən ō, kənī míndə i yá̰á̰ kə́ ndāńg karī ō.

Makətūbə̄ ń Pol ndang adə̄ Rom gə̄ ní 3:4

I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na: Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́, adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́.

MATIYE 15:6

anī sḭḭ̄ ədaī na kɔ́ɔ̄ na i kə najá dɔn tə́ alé, adə̄ na a rāā kə bɔbə̄neé to̰ alé. Ní, i tītə̄ ń noō n sḭḭ̄ ī-nujiīneé najə̄ yā Nə́ɓā kɔ̄ɔ́, ba ī-rāāīneé yá̰a̰ kə gō yá̰a̰ kāgə̄ ɓē yāsí ní.

MATIYE 5:20

Ādə̄ m-ə́dásí, ré háĺ kə́ gōtə́ yāsí tɔȳ yā ngé ndóō de gə̄ ndū najə̄ gə̄ ō, yā Parijiyḛ gə̄ ō aĺ anī, ā údiī kem Ɓē ko̰o̰ kə́ dɔ rā̰ tə́ tə́ alé.

MATIYE 3:15

Ba Jeju tél ədan na: Kə́ ngɔr ń toō tə́ ní, ə́ya̰ ādə̄ jə-rāā tītə̄ nəkɔ́ ń toō. Tɔdɔ̄ yá̰a̰ malang ń Nə́ɓā gḛy kadə̄ yā rāā ní, j-a jə-rāā kadə̄ udə gírí i tītə̄ ń noō. Anī Ja̰a̰ ndigə.

IJAI 42:21

Yá̰á̰ ń Kɔ́ɔ̄ɓē ra dɔ tə́ yā rāā ní i yá̰á̰ kə́ gōtə́, ni sāā kɔjə kadə̄ ndū najə̄ yān i ndū najə̄ kə́ bo ngá̰ý ō, majə ngá̰ý ō.

PĀ GƏ̄ 119:126

Kum mbang kə́ kadə̄ Kɔ́ɔ̄ɓē rāań yá̰a̰ asə: Tɔdɔ̄ de gə̄ mānə̄n̄ dɔ ndū najə̄ yāí.

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

Najə̄ kə́ Majə yā Jeju ń Luk ndang ní 20:16

Ni a reē yā tɔ̄l̄ ngé ndɔr̄ gə̄ ní, ba a əndā de kə́ rang gə̄ ta kāgə̄ nduú yān tə́. Dan ń nin̄-oōn̄ tītə̄ ń noō anī, ədan̄ na: Ādə̄ yá̰á̰ kə́ tītə̄ ń noō rāā yá̰a̰ aĺ ɓɔ́ nəkɔ́ tá.

Makətūbə̄ ń Pol ndang adə̄ Rom gə̄ ní 2:20

nge kɔjə de kə́ kur̄ dɔdə́ gətóo gə̄ yá̰a̰ ō, ngol ngé ndóō ngán gə̄ yá̰a̰ ō, tām̄ ger̄ yá̰a̰ ō, najə̄ kə́ rɔ̄kum ō ní, ḭ̄ āwń tū ndū najə̄ tə́.

Makətūbə̄ ń Pol ndang adə̄ Rom gə̄ ní 3:6

Ba i tītə̄ ń noō alé, tɔdɔ̄ ré i tītə̄ ń noō anī, loo kadə̄ Nə́ɓā a gān̄g sarya dɔ de kə́ dɔ nang tə́ gə̄ tə́ i ba̰ý?