Makətūbə̄ ń Pol ndang adə̄ Rom gə̄ ní 3:3 - Bibəl ta Sar̄

³ Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a?

Bible sar

³ Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a?

Makətūbə̄ ń Pol ndang adə̄ Rom gə̄ ní 3:3 Referans Kwoze

2 TIMOTE 2:13

Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́, tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.

HEBƏRO 4:2

Tɔdɔ̄ jḭḭ̄ j-oōī Najə̄ kə́ Majə tītə̄ yā ngé kə́ kem dəla loo tə́ gə̄. Nin̄-oōn̄ najə̄, ba najə̄ ń oōn̄ ní rāā yá̰á̰ kógə̄ḿ tām̄ yādə́ tə́ alé. Tɔdɔ̄ dan ń nin̄-oōn̄ ní, taān̄ kem alé.

Makətūbə̄ ń Pol ndang adə̄ Rom gə̄ ní 9:6

Adə̄ yá̰á̰ ń Nə́ɓā ənī míndən yā rāā ní, ni-rāā aĺ i mbée a? Najə̄ m̄-sāā kəda ní n noó alé. Tɔdɔ̄ de gə̄ malang ń nin̄ i gír yā Israel tə́ ní, nin̄ i Israel kə́ rɔ̄kum gə̄ malang alé.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

2 TESALONIK 1:3

Ngákó̰ó̰jí gə̄, majə kadə̄ jə-ndadə̄ Nə́ɓā ngándáńg tām̄ yāsí tə́. Nge ń noō i gō tə́, tɔdɔ̄ taā kem yāsí aw̄ kum kə̄ kété kété kə ngangāá ngá̰ý ō, tár yāsí kə́ tām̄ yā naā tə́ a aw̄ i kum kə̄ kété kété ō.

Makətūbə̄ ń Pol ndang adə̄ Rom gə̄ ní 10:16

Ba ngé gə̄ ń ndigən̄ Najə̄ kə́ Majə ní i de gə̄ malang alé, tɔdɔ̄ Ijai əda na: Kɔ́ɔ̄ɓē i náā n taā kem najə̄ ń j-ɔjə ní?

PĀ GƏ̄ 84:7

Dan ń teēn̄ wól loo kə́ kāgə̄ bomə gə̄ i tū tə́ ní anī rāān̄ adə̄ tél i loo kə́ man̄ a əɓa tū tə́. Man̄ kə́ ta kəga dɔ ń edə ní, tél i yá̰á̰ tɔ́r̄ ta kə́ dɔ loo ní tə́.

1 SAMUEL 15:29

Kɔ́ɔ̄ɓē ń i tɔ́gə yā ngán Israel gə̄ ní, a sor̄ aĺ ō, a tūr̄ ndūn aĺ ō, tɔdɔ̄ ni i deē á a tūr̄ ndūn alé.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

JA̰A̰ 1:16

Tām̄ jḭḭ malang ní j-ənge yá̰a̰ kal̄ loo yān kə ta kūl̄ kem majə yān kə̄ dɔ naā tə́.