Makətūbə̄ ń Pol ndang adə̄ Rom gə̄ ní 3:25 - Bibəl ta Sar̄

²⁵ I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́.

Bible sar

²⁵ I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́.

Makətūbə̄ ń Pol ndang adə̄ Rom gə̄ ní 3:25 Referans Kwoze

1 JA̰A̰ 4:10

Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

Makətūbə̄ ń Pol ndang adə̄ Rom gə̄ ní 5:9

Jə-téliī de kə́ súmūú gə̄ ta kum Nə́ɓā tə́ ngɔlaā i kə ta kūl̄ kadə̄ rɔ̄ yānneé. Adə̄ wōn̄g yā Nə́ɓā ń a reē ɓáý ní, ni-ajəjí kɔ̄ɔ́ ta tə́.

KƏLA RĀĀ 17:30

Nə́ɓā əhɔ gír ɓāl̄ gə̄ ń de gə̄ gerə̄n̄neé yá̰a̰ aĺ tə́ ní to̰ alé. Banī ngɔlaā ni-tāā de gə̄ malang kə̄ loo gə̄ tə́ kadə̄ tūrə̄n̄ háĺdə́.

HEBƏRO 10:4

Tɔdɔ̄ mósə man̄g kə́ bəra gə̄ ō, bal bə̄yā̰ gə̄ ō, asə kun majaĺ kɔ̄ɔ́ alé.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

PĀ GƏ̄ 22:31

Ngán kaadə́ gə̄ a rāān̄ kəla yā Kɔ́ɔ̄ɓē, a ənīn̄də́ gotə najə̄ yān.

LEBI GƏ̄ 16:15

A əja kɔ́ɔ bal bə̄yā̰ kə́ tun̄ tām̄ yā majaĺ yā ngán Israel gə̄ tə́ ní ō, a reē kə mósəneé kem loo kə́ táĺ ngá̰ý ń gāngə̄n̄ gír kə kūbūú tə́ ní ō. I yá̰á̰ ń ni rāā kə mósə mangá ní n a rāā kə mósə bal bə̄yā̰á̰ ní. Ni a sə̄kā mósə́ ní dɔ yá̰a̰ ta sandúkə́ tə́ ō, non tə́ ō.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

HEBƏRO 11:14

Najə̄ ń ɔrə̄n̄ beé ní ɔjə kə̄ ndágá kadə̄ a sāān̄ i ɓē.

PĀ GƏ̄ 119:142

Háĺ kə́ gōtə́ yāí i háĺ kə́ a to ngándáńg ō, ndū najə̄ yāí i najə̄ kə́ rɔ̄kum ō.

1 JA̰A̰ 1:10

Ré j-ədaī na jə-rāāī majaĺ aĺ anī, j-ɔsiī i Nə́ɓā sor̄, adə̄ najə̄ yān gətóo kemjí tə́.

HEBƏRO 11:17

Dan ń nāān̄ Abəraham ní, i kə ta kūl̄ taā kem n ni-ndigə tun̄ Isaak kadə̄ Nə́ɓā ní. Tá Nə́ɓā ənī míndən adə̄n kété, banī ni-ndigə tun̄ ngōnən kə́ kal kógə̄ḿ beē kadə̄ Nə́ɓā.

HEBƏRO 9:5

De kə́ dɔ rā̰ tə́ gə̄ kə́ to kɔsə gɔn gə̄ i dɔ tə́, rāān̄ ndíl dɔ loo kənge mā̰ȳ rɔ̄ tə́ ń i dɔ sandúkə madə̄ naā tə́ ní. Ba ngɔlaā ní, loo kɔr̄ najə̄ gə̄ ń noō kə ta njaá kógə̄ḿ kógə̄ḿ gətóo.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

Makətūbə̄ ń Pol ndang adə̄ Rom gə̄ ní 5:11

Ba yá̰á̰ kógə̄ḿ to noó ɓáý to̰: Kɔjə ń j-ɔjiī rɔ̄jí tām̄ yā Nə́ɓā tə́ ní, i kə ta kūl̄ Kərist ń əndājí naā tə́ kə Nə́ɓāá ngɔlaā kɔ̄ɔ́ ɓá toō.

Makətūbə̄ ń Pol ndang adə̄ Rom gə̄ ní 3:26

Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

KƏLA RĀĀ 4:28

Nin̄-rāān̄ yá̰a̰ malang ń īkɔ́ ɔ́jə loon kété kə gō tɔ́gə yāí ō, kə gō kem ndigə yāí ō ní.

KƏLA RĀĀ 3:18

Nə́ɓā əda kété kə ta kūl̄ ngé koō ta gə̄ malang na Kərist yān na a a̰a̰ tápə̄. I yá̰á̰ ń toō n ni-rāā adə̄ reē udə gírí ní.

KƏLA RĀĀ 15:18

Najə̄ ń Kɔ́ɔ̄ɓē əda ní n noó, ni ń i nge rāā kadə̄ gerə̄n̄ yá̰á̰ gə̄ ń toō i jóó ngá̰ý ní.

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.

JA̰A̰ 6:47

Ādə̄ m-ə́dásí najə̄ kə́ bo ngá̰ý, nge ń taā kem ní, aw̄ kə ndi kə kumneé kə́ ngándáńg.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

PĀ GƏ̄ 97:6

Dɔ rā̰ ənī mbēr̄ dɔ háĺ kə́ gōtə́ yān tə́ ō, gír de gə̄ malang a̰a̰n̄ kɔsə gɔn yān ō.

PĀ GƏ̄ 50:6

Ādə̄ dɔ rā̰ ənī mbēr̄ əda na: Kɔ́ɔ̄ɓē i de kə́ gōtə́, i ni n i Nə́ɓā kə́ nge gān̄g sarya ní.

PĀ GƏ̄ 40:10

M-ə́da najə̄ yá̰á̰ kə́ gōtə́ gə̄ ń ī-rāā ní dan ngé kán̄ naā kə́ ngá̰ý gə̄ tə́. Kɔ́ɔ̄ɓē, ī-ger̄ kadə̄ m-ūtə̄ taḿ alé.

LEBI GƏ̄ 16:10

Ba bal bə̄yā̰ ń wə̄lā kə́ túgə̄ tām̄ yā Ajajel tə́ əhɔ ní, a udənən̄ kə kumuú no Kɔ́ɔ̄ɓē tə́ yā rāā yá̰a̰ kutə̄ dɔ majaĺ dɔn tə́ ō. A aw̄n̄ seneé kem loo kə mángá tə́ yā kadə̄n kə Ajajel ō.

PĀ GƏ̄ 98:2

Kɔ́ɔ̄ɓē rāā adə̄ de gə̄ gerə̄n̄ kadə̄ i ni n i nge kajə gír deē yān gə̄ ní. Ni ɔjə háĺ kə́ gōtə́ yān kə̄ ndágá ta kum nápar de gə̄ tə́.

KƏLA RĀĀ 14:16

Kem ɓāl̄ kə́ mān̄ kɔ̄ɔ́ gə̄ tə́ ní, Nə́ɓā əya̰ nápar de gə̄ malang adə̄ unən̄ i gō róbə yādə́ nin̄ kɔ́ gə̄.

Makətūbə̄ ń Pol ndang adə̄ Rom gə̄ ní 5:18

I beé n yá̰a̰ rāā kə́ gōtə́ aĺ yā de kə́ kal kógə̄ḿ beē ń i Adam ní, reēń kə saryaá dɔ deē ndul gə̄ tə́ malang ní. I tītə̄ noō n yá̰a̰ rāā kə́ gōtə́ yā de kə́ kal kógə̄ḿ beē ń i Jeju Kərist ní, unəń sarya kɔ̄ɔ́ dɔ deē ndul gə̄ tə́ malang ō, rāā adə̄ nin̄-ndin̄neé kə kumdə́ ō ní.

1 KORḚNTƏ 5:7

Kaa mápá kə́ lōō kōkə̄ kɔ̄ɔ́ ń i yá̰á̰ kə́ majaĺ ní, ɔ̄rī kɔ̄ɔ́ dɔ dáńsí tə́ tá kadə̄ ī-télīneé de kə́ unjə̄n̄ njáý njáý gə̄. Loo ń noō tə́ ā ī-toī tītə̄ ndujə̄ mápá kə́ ló̰ȳ kijə kanjə̄ kənī kaa mápa kum tə́ beē. Tɔdɔ̄ sḭḭ̄ i ndujə̄ mápá kə́ ló̰ȳ kijə kanjə̄ kənī kaa kum tə́. Tām̄ Kərist ń i batə̄ Pákə yājí ní tɔ̄l̄nən̄ kɔ̄ɔ́ ɓá.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

EPEJƏ 2:13

Ba ngɔlaā ń toō ī-ɓooī naā kə Kərist Jeju, adə̄ sḭḭ̄ ń kété sḭḭ̄ i sa̰y rɔ̄ Nə́ɓā tə́ ní, ī-reēī rɔ̄n tə́ ngɔr kə ta kūl̄ mósə Kərist.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.